Um Markaðsstofu Suðurlands

Markaðsstofa Suðurlands vinnur að því að styrkja ímynd og samkeppnishæfni Suðurlands sem áfangastaðar. Við leiðum samstarf ríkis, sveitarfélaga og ferðaþjónustufyrirtækja á Suðurlandi, og sinnum markaðssetningu, upplýsingamiðlun og þróunarverkefnum sem styðja við ferðaþjónustu og atvinnuuppbyggingu á svæðinu.

Helstu hlutverk okkar:

Markaðssetning áfangastaðarins Suðurlands innanlands og á erlendum mörkuðum
Samræming kynningarmála og ímyndarsköpun fyrir Suðurland
Sérhæfður stuðningur við sveitarfélög og fyrirtæki er varðar ferðaþjónustu
Greining og miðlun upplýsinga til hagsmunaaðila ferðaþjónustunnar

Sameiginleg rödd ferðaþjónustunnar á Suðurlandi

Sveitarfélög

Markaðsstofa Suðurlands er samstarfsverkefni ríkis, sveitarfélaga og fyrirtækja í ferðaþjónustu á Suðurlandi. Saman stöndum við að kynningu og þróun áfangastaðarins Suðurlands. Með samstarfi við Markaðsstofuna taka sveitarfélög og stofnanir virkan þátt í að:

Móta sameiginlega stefnu í ferðamálum
Auka hagræn áhrif ferðaþjónustu á svæðinu
Styrkja ímynd og samstöðu Suðurlands sem áfangastaðar

Fyrirtæki

Sem samstarfsaðili Markaðsstofunnar færðu aðgang að öflugu tengslaneti og sameiginlegum verkefnum sem styrkja reksturinn og svæðið í heild.

Sameiginleg markaðssetning á Suðurlandi innanlands og erlendis
Sýnileiki á vefnum south.is og í kynningarefni Markaðsstofunnar
Samráð og hagsmunagæsla fyrir ferðaþjónustu á svæðinu
Fræðsla og ráðgjöf fyrir fyrirtæki og sveitarfélög
Sterkt vörumerki Visit South Iceland sem stendur fyrir heilsárs áfangastað með fjölbreyttri ferðaþjónustu af hæsta gæðaflokki.

Svona hófst þetta

Markaðsstofa Suðurlands var stofnuð 19. nóvember 2008 af Ferðamálasamtökum Suðurlands, Atvinnuþróunarfélagi Suðurlands, Rúntinum um Rangárþing og Ferðamálafélagi Austur-Skaftafellssýslu. Tilgangurinn var að sameina krafta ríkis, sveitarfélaga og ferðaþjónustuaðila í markvissu starfi við að þróa, kynna og styrkja ímynd Suðurlands sem heildstæðs áfangastaðar.

Frá upphafi hefur Markaðsstofan verið leiðandi afl í að efla ferðaþjónustu á svæðinu, stuðla að aukinni atvinnuuppbyggingu og samræma markaðsstarf innanlands og utan. Með samstarfi lykilaðila og faglegri nálgun hefur stofan byggt upp öflugan vettvang fyrir þróunarverkefni, greiningarvinnu og kynningarstarf sem styður við verðmætasköpun á svæðinu.

Starfssvæði Markaðsstofunnar nær frá Lónsheiði í austri að Sandskeiði í vestri, auk Vestmannaeyja.

Markaðsstofur Landshlutanna

Markaðsstofur landshlutanna eru sjö talsins og starfa á Vesturlandi, Vestfjörðum, Norðurlandi, Austurlandi, Reykjanesi, Suðurlandi og Höfuðborgarsvæðinu.

Þær vinna saman að sameiginlegum hagsmunamálum og stuðla að samræmdu markaðsstarfi, skipulagi og þróun ferðaþjónustu á landsvísu. Sameiginlegt útlit er á vefsíðum þeirra og þær standa saman að stærsta ferðaþjónustuviðburði Íslands, Mannamótum, í janúar ár hvert.

Markaðsstofur landshlutanna eru samvinnuvettvangur ríkis, sveitarfélaga, ferðaþjónustufyrirtækja og annarra hagsmunaaðila. Þær vinna með yfir 800 fyrirtækjum og 66 sveitarfélögum um allt land. Hlutverk þeirra felst í:

Að safna og miðla þekkingu og yfirsýn um ferðamál landshlutans
Að vera fyrsti snertiflötur í ferðaþjónustu á svæðinu
Að stuðla að samhæfingu og efla atvinnutækifæri
Að leiða þróun og markaðssetningu áfangastaða
Að skapa farveg fyrir samstarf og framkvæmdir
Að vera drifkraftur þróunarferla í samræmi við stefnu hvers landshluta
Að vera málsvari ferðaþjónustunnar á svæðinu

Frekari upplýsingar má finna á www.markadsstofur.is.