Fara í efni

Eða prófaðu að leita eftir flokki og/eða staðsetningu

Markaðsstofa Suðurlands er samvinnuvettvangur ríkis, sveitarfélaga og fyrirtækja í ferðaþjónustu á Suðurlandi um ímyndarsköpun, þróun og markaðssetningu áfangastaðarins í heild. Markaðsstofan markar stefnu fyrir ferðaþjónustu innan landshlutans í gegnum áfangastaðaáætlun ásamt því að sinna fjölþættu kynningarstarfi og ráðgjöf til fyrirtækja varðandi markaðssetningu. Markaðsstofan kemur fram fyrir hönd landshlutans á ferðasýningum og -kynningum innanlands og erlendis og með því eru kynningarmál samhæfð, gerð skilvirkari auk þess að minnka kostnað. Markaðsstofan sinnir hagsmunagæslu fyrir landshlutann þegar kemur að ferðamálum og á í góðu samstarfi við aðila innan svæðis, í öðrum landshlutum, ráðuneyti og opinberar stofnanir. Markaðsstofan vinnur einnig að því að skapa þekkingu, miðla upplýsingum og styðja við nýsköpun í ferðamálum í landshlutanum.

Lesa meira

Helstu verkefni

Áfangastaðaáætlun Suðurlands
Áfangastaðaáætlun er heildstæð áætlanagerð með ferðaþjónustuna sem útgangspunkt. Í áætluninni er sett fram skýr framtíðarsýn ferðaþjónustunnar á Suðurlandi ásamt markmiðum, áherslum, áskorunum, tækifæri og aðgerðum. Áfangastaðaáætlun skapar því þá umgjörð og ramma sem svæðið leggur áherslu á í uppbyggingu og þróun áfangastaðarins Suðurlands.
Eldfjallaleiðin
Eldfjallaleiðin er leið til að skoða Suðurland og Reykjanes með áherslu á eldfjöll og umhverfi þeirra. Átta eldfjöll vísa leiðina í gegnum söguna af því hvernig þau hafa haft áhrif á land og þjóð.
Vitaleiðin
Síðastliðið ár hefur Markaðsstofa Suðurlands unnið í samvinnu við sveitarfélögin Árborg og Ölfus að nýrri ferðaleið við suðurströndina, Vitaleiðin, auk þess voru aðrir hagsmunaðilar á svæðinu kallaðir að borðinu við kortlagningu leiðarinnar.
Matarauður Suðurlands
Matarauður Suðurlands er matartengt verkefni hjá Markaðsstofu Suðurlands þar sem grunnurinn var unninn í samvinnu við Matarauð Íslands. Suðurland er auðugt að fjölbreyttu hráefni, hvort sem er af sjó eða landi og styrkir verkefnið ekki aðeins stoðir undir ferðaþjónustuna heldur einnig landbúnaðinn og sjávarútveginn.
Ráðgjöf MSS
Markaðsstofa Suðurlands er með samstarfssamning við Samtök sunnlenskra sveitarfélaga (SASS) og býður ráðgjafaþjónustu á sviði atvinnuþróunar, nýsköpunar og menningarmála auk þess að aðstoða við gerð umsókna í Uppbyggingasjóð Suðurlands. Veitt er aðstoð við mótun hugmynda, gerð viðskiptaáætlana auk þess að leiðbeina um aðra styrki og sjóði.
Mannamót Markaðsstofa landshlutanna
Mannamót Markaðsstofa Landshlutanna er árleg ferðasýning/kaupstefna sem haldinn er af Markaðsstofum landshlutanna.

Fréttir úr starfinu

  • Hjálparfoss - Þráinn Kolbeinsson

    Hvers virði er ferðaþjónusta í mínu sveitarfélagi?

    Samtök ferðaþjónustunnar hafa að undanförnu aflað gagna um ferðaþjónustu frá Hagstofu Íslands og birt á vef sínum. Markaðsstofa Suðurlands hefur nýtt þessi gögn við að greina þróun og áhrif ferðaþjónustu á sunnlensk sveitarfélög. Sveitarfélög og framboð á Suðurlandi hafa fengið senda samantekt fyrir sitt sveitarfélag í von um að hún nýtist við stefnumótun og ákvarðanatöku í málefnum sem varða greinina.

  • Viðurkenningar fyrir Sprota ársins og Framlag ársins 2026

    Markaðsstofa Suðurlands veitir árlega viðurkenningar fyrir Sprota ársins og Framlag ársins í ferðaþjónustu á Suðurlandi. Á aðalfundi Markaðsstofu Suðurlands, sem var haldinn þann 7 maí s.l. á Stracta Hóteli á Hellu, voru þessar viðurkenningar veittar til fyrirtækja í greininni.
  • Ferðamaður stendur á toppi Eldfells. Ljósmyndari: Þráinn Kolbeinsson.

    Rúmlega 178 milljónir til innviða á ferðamannastöðum á Suðurlandi

    Fimm verkefni á Suðurlandi hlutu samtals 178.567.403 krónur úr Framkvæmdasjóði ferðamannastaða fyrir árið 2026. Úthlutunin er hluti af nær 490 milljóna króna styrkveitingu til 18 verkefna um land allt þar sem sérstök áhersla var lögð á öryggi ferðamanna á fjölsóttum ferðamannastöðum.
  • Er vefurinn klár fyrir bottana?

    Morgunfundur Markaðsstofu Suðurlands: Er vefurinn klár fyrir bottana?

    Markaðsstofa Suðurlands heldur reglulega rafræna morgunfundi fyrir sína samstarfsaðila sem hafa jafnan verið vel sóttir. Síðasti fundur var haldinn þann 31. mars og mættu þá um 40 manns til að hlýða á Guðbjörgu Guðmundsdóttur, efnishönnuð hjá Stefnu, halda fræðsluerindi um gerð vandaðs vefefnis fyrir gervigreindina.
Sjá meira