Fréttir

Í gær fór ný herferð fyrir áfangastaðinn Ísland í loftið sem ber heitið The A.U.R.O.R.A.S. - The Alliance of Ultra Reliable Observers Ready for Aurora Spotting þar sem skrautlegur hópur alþjóðlegs áhugafólks hefur valið að koma til Íslands í leit að norðurljósum.

Íslensk gistiþjónusta hefur fengið mikilvæga alþjóðlega viðurkenningu en fimm hótel hér á landi hafa nú hlotið hinn eftirsótta Michelin lykil, sem veittur er af Michelin Guide fyrir framúrskarandi gistiaðstöðu og einstaka upplifun gesta.

Áhrifavaldurinn Brittany Hawes, sem stendur á bak við ferðavefinn Passport Playdate, heimsótti Ísland nýverið í samstarfi við Markaðsstofu Suðurlands. Brittany ferðast reglulega ein með fjögurra ára dóttur sína og deilir reynslu sinni og nytsamlegum ráðum um ferðalög með börn til stórs fylgis á samfélagsmiðlum og á bloggsíðu sinni.

Markaðsstofa Suðurlands tók þátt í ferðakaupstefnunni VestNorden Travel Mart sem fór fram á Akureyri dagana 30. september - 1. október sl. Átti sýningin 40 ára afmæli að þessu sinni og var þetta í sjötta skiptið sem Vestnorden var haldið á Akureyri.

Það hefur verið margt á döfinni hjá Markaðsstofu Suðurlands það sem af er hausti og er nú meðal annars einni stórri franskri blaðamannaferð nýlokið. Ferðin var unnin í samstarfi við Icelandair og Íslandsstofu, en á hið síðarnefnda í öflugu samstarfi við PR skrifstofuna FINN Partners varðandi markaðssetningu á Íslandi innan helstu markaða landsins.

Umsóknir eru hafnar í Startup Landið – viðskiptahraðal fyrir frumkvöðla á landsbyggðinni! Um er að ræða sjö vikna hraðal sem er sérstaklega opinn frumkvöðlum og fyrirtækjum á landsbyggðinni. Þar er kjörið tækifæri fyrir ferðaþjónustufyrirtæki – stór sem smá – að þróa nýjar hugmyndir, prófa nýjar lausnir og byggja upp tengslanet sem getur styrkt reksturinn til framtíðar.

Hvað eiga áfangastaðir ferðamanna sameiginlegt með veiðafærum? Yfir 97% erlendra ferðamanna segja að náttúra landsins hafi haft mikil áhrif á ákvörðun þeirra um að koma til Íslands. Til þess að geta notið náttúrunnar versla gestir okkar svo gistingu, mat, afþreyingu og aðra þjónustu sem skilar tekjum inn í samfélagið. Þétt net góðra áfangastaða skiptir ferðaþjónustuna því jafn miklu máli og góð veiðafæri gera í sjávarútvegi.

Mikið var um dýrðir á Hótel Geysi föstudaginn 16. maí þar sem ferðaþjónustan á Suðurlandi fagnaði sem, fyrst með aðalfundi Markaðsstofu Suðurlands og síðar um daginn með árshátíð ferðaþjónustunnar. Markaðsstofan bauð upp á súpu og brauð í hádeginu og í framhaldi af því setti Guðmundur Fannar Vigfússon, formaður stjórnar, fundinn. Voru þau Helgi Kjartansson oddviti Bláskógabyggðar og Árdís Erna Halldórsdóttir, verkefnastjóri markaðsstofunnar, sett sem fundarstjóri og fundarritari.

Viðurkenninguna um framlag til ferðaþjónustu fyrir árið 2025 hlaut fyrirtækið Öræfaferðir – frá fjöru til fjalla, sem rekið er af hjónunum Einari Rúnari Sigurðssyni og Matthildi Unni Þorsteinsdóttur í Hofsnesi. Er sú viðurkenning veitt fyrir áralangt, ötult starf og framlag í þágu ferðaþjónustu á Suðurlandi.

Markaðsstofa Suðurlands veitir árlega viðurkenningu fyrir Sprota ársins, en er hún veitt fyrir árangursríka og lofandi nýsköpun í greininni.

Við hjá Markaðsstofunni erum orðnar mjög spenntar að hitta ykkur á árshátíðinni á Hótel Geysi n.k. föstudag! Matseðillinn er ekki af verri endanum og deilum við honum hér með ykkur ✨

Yfir vetrarmánuðina stendur Markaðsstofa Suðurlands reglulega fyrir rafrænum morgunfundum með aðildarfélögum sínum þar sem við hittumst og ræðum saman. Síðasti fundur þessa vors var haldinn miðvikudaginn 7. maí og bar hann yfirskriftina „Hvernig nýti ég samstarfið sem best?“ Tóku um 30 aðilar þátt í fundinum og var drepið víða niður á málefnum líðandi stundar í greininni áður en formleg yfirferð hófst. Það sem var helst að frétta var að gististaðir sjá nú meira af afbókunum en áður, og þá aðallega í hópaseríum, en afþreyingin er með sterka bókunarstöðu. Lítur út fyrir að gestirnir okkar ferðist orðið fremur í litlum hópum eða á eigin vegum, og dvelja þeir jafnan lengur á hverjum stað sem er jákvætt. Voru aðilar bjartsýnir á að bókunarstaðan yrði að endingu góð fyrir sumarið og einnig lítur haustið vel út.