48 klst stop-over á Suðurlandi með barn

Áhrifavaldurinn Brittany Hawes, sem stendur á bak við ferðavefinn Passport Playdate, heimsótti Ísland nýverið í samstarfi við Markaðsstofu Suðurlands. Brittany ferðast reglulega ein með fjögurra ára dóttur sína og deilir reynslu sinni og nytsamlegum ráðum um ferðalög með börn til stórs fylgis á samfélagsmiðlum og á bloggsíðu sinni.

16.10.2025

Brittany kom til Íslands í tengslum við Stopover áætlun Icelandair, þar sem farþegar geta dvalið á Íslandi í nokkra daga án viðbótarkostnaðar við flugið. Hún hafði 48 klukkustundir til umráða og nýtti tímann til að ferðast um Suðurland þar sem hún gisti eina nótt á Stracta Hotel á Hellu og aðra á Hotel Selfossi — sem hún lýsir sem kjörinni staðsetningu fyrir síðustu nóttina fyrir brottför, í aðeins um klukkustundar aksturfjarlægð frá flugvellinum.

Ég hefði viljað hafa lengri tíma — vika væri fullkomin — en jafnvel 48 klukkustunda viðdvöl á Íslandi er þess virði

Á ferð sinni um suðurland heimsótti Brittany meðal annars:

Gullfoss og Brúarfoss
Laugarvatn Fontana, þar sem hún smakkaði jarðbakað rúgbrauð og naut heitra lauganna
Efstidal II þar sem hún og dóttirin fengu að sjá kýr og njóta heimagerðs íss
Farmers Bistro og BRÚ hrossabúið, þar sem þau fengu að gefa íslenskum hestum „nammi“
Seljalandsfoss og Gljúfrabúa
Skógafoss og Reynisfjöru
Freya Café við Skógafoss og Icewear í Vík.

Brittany lýsir Suðurlandi sem einstaklega fjölskylduvænu svæði þar sem stutt er á milli áfangastaða og auðvelt að ferðast með barn. Hún nefnir sérstaklega að Ísland sé öruggt land og að svæðið bjóði upp á fjölbreyttar upplifanir á stuttum tíma, sem er tilvalið fyrir þau sem nýta Stopover prógrammið.

Brittany ritaði grein í kjölfar heimsóknarinnar og útbjó auk þess ferðahandbók þar sem hún leggur hún áherslu á að:

Ferðast með bílaleigubíl sé besta leiðin til að skoða Suðurland með börn þar sem það gefi mun meiri sveigjanleika.
Ísland sé aðgengilegt og öruggt land fyrir foreldra að ferðast ein með börn.
Fjölskylduvænar gistileiðir og góð þjónusta geri ferðina afslappaða og ánægjulega.

Grein Britt má finna á vef hennar Passport Playdate, og ferðahandbók hennar er aðgengileg hér í PDF-formi.