Leita
Finnur þú það ekki? Prófaðu leitina :)

Herra Mosi - skemmtileg og fræðandi teiknimynd

Herra MOSI býr í hraunbreiðum Skaftárhrepps

 

Hr. MOSI er fyndin, skemmtileg og fræðandi teiknimynd, þar sem mosaálfurinn Hr. MOSI sýnir okkur hvernig við - mannfólkið – eigum að breyta hegðun okkar, þannig að við virðum og verndum mosann og annan gróður.

Þessi stutta teiknimynd er ÁKALL til allra þeirra sem heimsækja eða búa á Íslandi, um að VIRÐA og sýna ÁBYRGÐ gagnvart ÍSLENSKRI náttúru.

Hugmyndin að verkefninu kviknaði í fjölþjóðlegu samstarfsverkefni sem kallast ASCENT og hefur það markmið að auka fagþekkingu og bæta vinnubrögð við göngustígagerð og uppbyggingu áningastaða með náttúruvernd að leiðarljósi. Á Íslandi leiðir Landgræðsla Ríkisins vinnuna en Skaftárhreppur tekur þátt með sérstaka áherslu á umgengni ferðamanna í Eldhrauni. Bob Aitken, skoskur sérfræðingur, kom hingað til lands og er myndbandið byggt á hugmynd frá honum sem varð til í hópvinnu ASCENT.

Hr. MOSI er borinn og barnfæddur á Kirkjubæjarklaustri í samstarfi VISITKLAUSTUR.IS sem er framleiðandi myndarinnar, Kötlu Jarðvangs auk styrkveitingar frá Umhverfis og auðlindaráðuneytinu. Myndina gerði This is LUPINA – grafískt hönnunarstúdíó á Kirkjubæjarklaustri.

Stuttmyndin (1,41mín) var frumsýnd á viðburði Kötlu jarðvangsvikunnar á Kirkjubæjarklaustri þann 30.apríl 2019

 

Nánari upplýsingar: framtid@klaustur.is

www.visitklaustur.is




Suðurland

Þéttbýliskjarnar

Á Suðurlandi eru allmargir þéttbýlisstaðir, hver með sínu sniði og sjarma og allir bjóða upp á einhverskonar afþreyingu. Selfoss er þeirra stærstur og þar má finna ýmsar verslanir, þjónustu og marga veitinga- og skyndibitastaði. Flestir bæir eru í alfaraleið og því bæði hentugt og skemmtilegt að eiga þar viðdvöl.

Skoða meira

Map Höfn Kirkjubæjarklaustur Vík Vestmannaeyjar Hvolsvöllur Flúðir Laugarvatn Reykholt Laugarás Borg Brautarholt Hveragerði Árnes Selfoss Hella Stokkseyri Eyrarbakki Þykkvibær Þórlákshöfn