Suðurland tekur þátt í ferðakaupstefnunni Vestnorden á Akureyri
Fulltrúar Markaðsstofu Suðurlands ásamt faghópi um ferðamál á Suðurlandi taka þátt þessa dagana í ferðakaupstefnunni Vestnorden en hún er haldin dagana 2.-4. Október á Akureyri
02.10.2018
Dagný, Ragnhildur og Páll Marvin á Vestnorden 2018
Fulltrúar Markaðsstofu Suðurlands ásamt faghópi um ferðamál á Suðurlandi taka þátt þessa dagana í ferðakaupstefnunni Vestnorden en hún er haldin dagana 2.-4. Október á Akureyri. Vestnorden er árleg ferðakaupstefna sem er haldin í samstarfi þriggja landa, Íslands, Grænlands og Færeyja og skiptast löndin á að halda hana. Vestnorden er mikilvægt tækifæri fyrir ferðaþjónustufyrirtæki frá öllum þremur löndunum til að kynna sitt vöruframboð fyrir erlendum ferðaheildsölum og blaðamönnum.
Fulltrúar kynna Suðurland í heild sinni með áherslur á svæðin þrjú og afþreyingu, en Suðurland Luxury Travel Guide veitti áfangastaðnum verðlaun sem útivistar áfangastaður ársins 2018 eða OUTDOOR ACTIVITY DESTINATION OF THE YEAR 2018.
