Laugardaginn 14. ágúst kl. 14-16 fræðir Snæbjörn Guðmundsson jarðfræðingur fyrrum formaður Landverndar og núverandi starfsmaður Náttúruminjasafns Íslands gesti og gangandi um jarðfræðina í nágrenni Alviðru, fræðsluseturs Landverndar.
Jarðfræðin umhverfis Alviðru
Fjallað verður um jarðfræði og jarðsögu svæðisins á áhugaverðan og almennan hátt – svo sem um Suðurlandsskjálftabeltið; Kerið, Seyðishóla og eldvirknina í Grímsnesinu; myndun Ingólfsfjalls; fallvötnin Sogið og Hvítá; og ýmis önnur jarðfræðifyrirbrigði á Suðurlandi.
Alviðra fræðslusetur Landverndar stendur í sumar fyrir metnaðarfullri og áhugaverðri sumardagskrá fyrir gesti og gangandi. Alviðra á í góðu samstarfi við Náttúruminjasafn Íslands og Náttúrufræðistofnun Íslands um dagskránna, en þessar stofnanir leggja sumardagskrá Alviðru til sérfræðinga á hinum ýmsu sviðum.
Alviðra er í Ölfusi, stendur undir Ingólfsfjalli, gegnt Þrastalundi.
Þátttaka er gjaldfrjáls og öllum opin.
Verið velkomin.