BORG / Grímsnes- og Grafningshreppi

Borg í Grímsnes- og Grafningshreppi er vaxandi og öflugur byggðakjarni þar sem þjónusta, samfélag og útivist mætast á einum stað. Þar er fjölbreytt aðstaða fyrir bæði íbúa og gesti, svo sem skóli, leikskóli, félagsheimili, gisting og tjaldsvæði. Á Borg er góð íþróttaaðstaða, þar á meðal íþróttasalur, sundlaug með heitum pottum, gufubaði og rennibraut, auk nýs tækjasals sem styrkir enn frekar heilsueflingu og hreyfingu á svæðinu.

Í félagsheimilinu fer fram öflugt menningar- og viðburðahald sem endurspeglar líflegt samfélag.Sveitarfélagið Grímsnes- og Grafningshreppur er þekkt fyrir öruggt og barnvænt samfélag þar sem lögð er áhersla á vellíðan, virðingu og góð lífsgæði. Þar er öflug skólastarfsemi í Kerhólsskóla og fjölbreytt félagslíf með fjölda félagasamtaka sem bjóða upp á virkni fyrir alla aldurshópa.

Borg er í um 70 km fjarlægð frá Reykjavík og nýtur einstakrar staðsetningar miðsvæðis á Gullna hringnum. Í nágrenninu eru fjölmargar af helstu náttúruperlur landsins, svo sem Kerið, Þingvellir, Gullfoss og Geysir. Náttúra svæðisins er fjölbreytt og mótuð af eldvirkni og jöklum, með móbergsfjöllum, vötnum og fallegum útivistarsvæðum. Meðal þekktra staða eru Hengillinn, Sogið, Úlfljótsvatn, Þrastaskógur og Hestvatn. Á svæðinu er fjölbreytt afþreying fyrir alla, til dæmis Adrenalíngarðurinn á Nesjavöllum, frisbígolfvellir á Borg og Úlfljótsvatni, golfvellir á Kiðjabergi, Hraunborgum og Öndverðarnesi, auk fjölmargra gönguleiða og útivistarsvæða á borð við Yndisskóginn við Borg.

Skammt frá er einnig Sólheimar, einstakt vistvænt samfélag sem laðar að sér gesti hvaðanæva að.