Varasamar aðstæður við Sólheimajökul

Hætta er á að ísinn gefi sig eða að fólk falli í köld og djúp jökullón sitt hvoru megin við haftið. Vegna þessara aðstæðna hafa ferðaþjónustufyrirtæki á svæðinu fellt niður ferðir í forvarnarskyni og eru að skoða öruggari leiðir.

Jafnframt er bent á grjóthrunshættu úr Jökulhaus, fjallinu ofan við aðkomuleiðina að suðaustanverðum jöklinum. Ferðafólk er varað við ferðum á svæðið þar sem sýna þarf sérstaka aðgát og forðast óstöðugan jökulís. Einnig skal lágmarka viðveru undir bröttum hlíðum. 

Veðurstofan minnir á að hop jökla vegna hlýnandi loftslags breyti stöðugt aðstæðum við jökulsporða og gerir öryggisvitund ferðafólks mikilvægari en nokkru sinni fyrr.