Leita
Finnur þú það ekki? Prófaðu leitina :)

Framlag til ferðaþjónustu og Sproti ársins

Framlag til ferðaþjónustu og Sproti ársins
Guðmundur og Rannveig frá Iceland Bike Farm og Berglind og Tyrfingur frá Guðmundi Tyrfingssyni ehf. ásamt Dagný framkvæmdastjóra MSS

Á árshátíð Markaðsstofu Suðurlands vour veittar viðurkenningar Markaðsstofunnar en viðurkenninguna „Framlag til ferðaþjónustu“ hlaut Guðmundur Tyrfingsson ehf. sem hóf starfsemi með fyrsta hópferðabílinn árið 1962 en fjölskyldufyrirtækið Guðmundur Tyrfingsson ehf. var formlega stofnað árið 1969. Fyrirtækið sem er rútufyrirtæki, ferðaskrifstofa og skipuleggjandi ferða á Íslandi hefur því á þessu ári verið starfandi í fimmtíu ár! Frá upphafi hefur allt kapp verið lagt á að bjóða upp á góða þjónustu, nýlegar rútur og hagstæð verð. Fyrirtækið hefur verið leiðandi í gæðamálum og unnið er eftir metnaðarfullri umhverfisstefnu en starfsmenn meðvitaðir um mikilvægi íslenskrar náttúru og að hún haldist eins tær og óspillt og mögulegt er. Fyrirtækið hefur getið sér gott orð sem er lykillinn að árangri og sjálfbærni til framtíðar en þau Tyrfingur Guðmundsson og Berglind Guðmundsdóttir veittu viðurkenningunni móttöku.

Viðurkenninguna „Sproti ársins 2018“ hlaut Iceland Bike Farm. Þau Guðmundur F. Markússon og Rannveig Ólafsdóttir tóku á móti viðurkenningunni en þau eru sauðfjár- og fjallahjólabændur í Mörtungu rétt við Kirkjubæjarklaustur sem hafa hafa skapað sér sérstöðu með því að leita fanga í sínu nánasta umhverfi. Þau eru svo heppin að hafa úrvals fjallahjólaslóða í bakgarðinum hjá sér sem kindurnar hafa mótað í gegnum aldirnar, og eru enn að! Það má því segja að í Mörtungu  sé fyrsta og eina náttúrulega fjallahjólalandið á Íslandi þar sem hjólað er eftir aldagömlum kindagötum innan um gljúfur, fossa og grösugar heiðar. Þau bjóða upp á einstaka upplifun með virðingu fyrir náttúrunni og sjálfbærni að leiðarljósi, þau hugsa út fyrir rammann, eru metnaðarfull og óhrædd að feta nýjar slóðir en þau tóku einmitt þátt í Startup tourism 2019.


Suðurland

Þéttbýliskjarnar

Á Suðurlandi eru allmargir þéttbýlisstaðir, hver með sínu sniði og sjarma og allir bjóða upp á einhverskonar afþreyingu. Selfoss er þeirra stærstur og þar má finna ýmsar verslanir, þjónustu og marga veitinga- og skyndibitastaði. Flestir bæir eru í alfaraleið og því bæði hentugt og skemmtilegt að eiga þar viðdvöl.

Skoða meira

Map Höfn Kirkjubæjarklaustur Vík Vestmannaeyjar Hvolsvöllur Flúðir Laugarvatn Reykholt Laugarás Borg Brautarholt Hveragerði Árnes Selfoss Hella Stokkseyri Eyrarbakki Þykkvibær Þórlákshöfn