Frönsk blaðamannaferð sem hefur skilað sér í dýrmætri umfjöllun um Suðurlandið í erlendum miðlum

Stór blaðamannaferð sem farin var um Suðurlandið í október síðastliðnum hefur fengið afar jákvæð viðbrögð frá frönsku blaðakonunum sem sóttu svæðið heim. Voru þær hæstánægðar með skipulagið, vel útfærða dagskránna sem bauð jafnt upp á ævintýri og rólegri stundir, og ekki síst var það þjónustan og hlýlegu móttökurnar sem heilluðu.

19.02.2026

Haustfegurð í Þórsmörk

Ferðin hefur nú þegar skilað sér í umtalsverðri umfjöllun í frönskum miðlum sem má kynna sér nánar hér:

Lonely Planet — Grein eftir blaðakonuna Elodie sem kallast á ensku „South Iceland: at the heart of volcanoes and geothermal wonders“, og nær til 300.000 mánaðarlegra lesenda. Þar eru allir samstarfsaðilar nefndir og ferðalagið fangar á áhrifaríkan hátt upplifun hópsins.
Marie France — Greinin „Discovering southern Iceland: northern lights, volcanoes, and black beaches... spectacular landscapes to see at least once in your lifetime“ sem nær til 8 milljóna einstaka mánaðarlegra lesenda, og skapar sterkan sýnileika fyrir Suðurlandið.
GEO — Hér er fyrsta greinin sem birtist eftir ferðina: „A new journey to rediscover Iceland, between ice and fire“, og nær hún til 7 milljón lesenda á mánuði. Í henni er meðal annars fjallað um Lava Show, jeppaferðina í Þórsmörk, Hellana á Hellu og hið nýja Laugarás Lagoon ásamt gistingu á Umi Hótel, Þórsmörk Volcano Huts og Hótel Geysi.

Við hjá Markaðsstofu Suðurlands þökkum öllum sem koma að ferðinni kærlega fyrir gott samstarf, má þar nefna Íslandsstofu, Icelandair og öllum þeim fjölmörgu samstarfsaðilum á Suðurlandi sem tóku einstaklega vel á móti hópnum. Má með sanni segja að ferðin hafi nú þegar skilað sér í verðmætri umfjöllun og höldum við áfram að fylgjast með birtingum þar sem von er á fleiri umfjöllunum á næstu vikum og mánuðum.

Nánar má lesa um fyrri frétta frá ferðinni hér: Frönsk blaðamannferð á Suðurlandi