Fara í efni

Fjölmiðlaferð um Suðurland

Nýjasti áfanginn í markaðssetningu á áfangastaðnum Íslandi, „Ísland frá A til Ö“, hefur fengið góð viðbrögð. Íslandsstofa og markaðsstofur landshlutanna hafa í tilefni þessa nýja áfanga verið að fara með erlenda blaðamenn um landið og kynna fyrir þeim náttúru, gistingu, afþreyingu, mat og menningu.

Nýjasti áfanginn í markaðssetningu á áfangastaðnum Íslandi, „Ísland frá A til Ö“, hefur fengið góð viðbrögð. Íslandsstofa og markaðsstofur landshlutanna hafa í tilefni þessa nýja áfanga verið að fara með erlenda blaðamenn um landið og kynna fyrir þeim náttúru, gistingu, afþreyingu, mat og menningu

Dagana 24. og 25. nóvember skipulagði Íslandsstofa og Markaðsstofa Suðurlands ferð með blaðamönnum frá Norðurlöndunum um Suðurlandið. Ferðin tókst afar vel þrátt fyrir að veður hafi sett örlítið strik í reikninginn og breytt ferðaplönum. Að þessu sinni voru eftirfarandi staðir heimsóttir Hótel Grímsborgir, Lava Centre, Midgard Adventure, Skyrgerðin, Frost & Funi, Eldhestar, ION hótel, Fjöruborðið og The Lava Tunnel. Var að lokum farið með hópinn á Þingvelli og snorklað í Silfru.

Blaðamennirnir fengu góða kynningu á starfsemi þessara fyrirtækja og nutu gestrisni viðkomandi aðila. Suðurlandið skartaði sínum fegursta vetrarskrúða á meðan á ferðinni stóð og voru margar náttúruperlur skoðaðar og myndaðar. Fjölmiðlafólkið var mjög ánægt með ferðina og viðkynningu og verður gaman að fylgjast með umfjöllun þeirra á komandi vikum.

Nokkrar myndir úr ferðinni.

Ísland A-Ö / Suðurland