Poppmenning: skapandi afl í ferðaþjónustu?

Rannsóknamiðstöð ferðamála býður til kynningarfundar fimmtudaginn 25. nóvember þar sem farið verður yfir hinar ýmsu hliðar poppmenningar ferðaþjónustu.

Hver eru tengslin á milli poppmenningar og ferðaþjónustu?
Hvernig getur poppmenning ýtt undir nýsköpun og vöruþróun?

Á fundinum verður samstarfsverkefnið OUTPACE kynnt ásamt fræðsluefni sem útbúið var í tengslum við verkefnið og rædd verða tækifærin sem felast í því að nýta sér poppmenningu í tengslum við vörur og þjónustu innan ferðaþjónustunnar.
Hægt er að lesa meira um verkefnið á heimasíðu þess: https://www.popculturetourism.eu/

Auk þess fáum við til okkar áhugaverða gestafyrirlesara sem halda erindi um sín störf, en þeir eru:
Dorothee Lubecki, Bókabæirnir austanfjalls
Jón Bjarni Guðmundsson, True North
Dagný Hulda Jóhannsdóttir, Markaðsstofa Suðurlands
Örlygur Hnefill Örlygsson, Óskarinn til Húsavíkur

Fundurinn hefst kl. 9:30 á léttri morgunverðarhressingu og lýkur með hádegisverði.

Þátttaka er ókeypis en vegna fjöldatakmarkana og til að áætla fjölda í hádegisverðinn, þá er mikilvægt að skrá sig á viðburðinn.

SKRÁNING: https://forms.gle/Sv8QSryi4QydKVXs8

Staðsetning: Hótel Selfoss, Norðursalur, Eyravegi 2, 800 Selfossi

OUTPACE verkefnið er tveggja ára samstarfsverkefni (2019-2021) sem fjármagnað er af ESB Erasmus+ styrkjaáætluninni og koma samstarfsaðilar verkefnisins frá menntastofnunum og fyrirtækjum í fimm löndum: Litháen, Bretlandi, Írlandi, Svíþjóð og Íslandi.