Aðalfundur og árshátíð 2026

Nú er loksins komið að því! Árshátíð og aðalfundur Markaðsstofu Suðurlands fer fram fimmtudaginn 7. maí í Vestmannaeyjum! Dagurinn hefst með aðalfundi í Akóges salnum og ætlum við síðan að gleðjast saman um kvöldið á veitingastaðnum Einsa Kalda.

16.02.2026

Dagskrá:

12:30-14:00 Aðalfundur Markaðsstofu Suðurlands
Súpa verður í boði Markaðsstofunnar frá kl. 12.

14:00-16:00 Vinnustofa/erindi (Nánar auglýst síðar)

16:00-18:00 Kynningarferð um nærsvæðið
Hristum hópinn saman og kynnum okkur nýjungar á svæðinu (Nánar auglýst síðar).

19:00 Kvöldið hefst með fordrykk á Einsa Kalda
Við hefjum kvöldið með fordrykk í boði Markaðsstofu Suðurlands áður en setjumst niður og njótum forréttar og aðalréttar á hinum margrómaða veitingastað Einsa Kalda. Að borðhaldi loknu heldur gleðskapurinn áfram á veitingastaðnum GOTT þar sem í boði verður sætur biti og skemmtilegt spjall.

Skráning:

Hvar: Akóges salur og Einsi Kaldi
Hvenær: 7. maí
Verð: 16.900 krónur á mann. Innifalið í verði eru kaffiveitingar, vinnustofa, kynningarferð og þriggja rétta kvöldverður.

Gisting:

Gestir skulu sjálfir bóka gistingu hjá Hótel Vestmannaeyjum. Hótelið hefur tekið frá herbergi til 10. apríl. Eftir það fara herbergin í almenna sölu svo það er um að gera að bóka með góðum fyrirvara og taka fram að gistingin sé í samstarfi við Markaðsstofu Suðurlands. Sendið tölvupóst á booking@hotelvestmannaeyjar.is til að bóka herbergi.

Við hjá Markaðsstofunni hlökkum mikið til að sjá ykkur og gleðjast með ykkur :)