Fara í efni

Hveragerði hefur margt upp á að bjóða fyrir fjölskylduna, hvort sem bærinn er heimsóttur í dagsferð eða dvalið er með fjölskyldunni til lengri tíma. Hveragerði bíður upp á fjölbreytta gistimöguleika, úrval veitingastaða og fjölbreytta afþreyingu.

Gisting: 
Gisting á hótelum og gistihúsum bæjarins og tjaldsvæðið. 

Afþreying: 

  • Lengri og styttri gönguleiðir eru í Hveragerði og nágrenni.
  • Hoppa í Reykjafoss og baða sig í honum á sólríkum dögum. 
  • Hveragarðurinn, baða fæturnar í læknum og leirböðunum sem eru í garðinum. Sjóða egg fyrir börnin.  
  • Hjólaferðir eða ratleikur með afþreyingarfyrirtæki bæjarins. 
  • Aparólan yfir Reykjafoss. 
  • Blómstrandi dagar er bæjarhátíð sem haldin er í ágúst á ári hverju. Fjör, sprell og ísdagurinn stóri. 
  • Leikvellir og smágarðarnir fyrir yngstu kynslóðina. 

Matur: 
Fjölbreytt úrval veitingastaða bæjarins er fyrir alla hópa fjölskyldunnar. Pizzastaðir, bakarí og allt sem hugurinn girnist hjá börnum og unglingum. Toppurinn er svo ísbúð bæjarins. 

Endilega kynntu þér Hveragerði enn betur og njóttu dvalarinnar með fjölskyldunni: 

Hveragerði

HVERAGERÐISBÆR
Hveragerði býður upp á margvíslega afþreyingu fyrir alla aldurshópa, enda fjöldinn allur af fyrirtækjum, félagasamtökum og stofnununum sem tengjast þjónustu á einn eða annan hátt. Staðsetning bæjarins innan um ósnortna náttúru steinsnar frá höfuðborginni er vel til þess fallin að sækja staðinn heim og stunda útivist og heilsueflingu, verslun að einhverju tagi eða bara taka því rólega í fallegu og afslöppuðu umhverfi. Á sumrin er óvíða í bæjum landsins jafn fjölskrúðugur gróður og í Hveragerði, á veturna skarta garðyrkjustöðvarnar sínu fegursta, með geislandi fölgulri birtu sem ber við himinn.
Upplýsingamiðstöð Suðurlands (Landshlutamiðstöð)
Upplýsingamiðstöð Suðurlands er staðsett í Hveragerði eða 38 km frá Reykjavík. Þar getur þú nálgast upplýsingar fyrir ferðalag þitt á Suðurlandi.Bæklingar, ferðakort og internet. Þar er einnig  hægt að upplifa jarðskjálfta sem er 6.6 á ricter og sjá sprungu sem er í gólfinu og upplýst sem talin er vera 4000 – 5000 ára gömul. Opnunartímar 1.júní – 31.ágúst   Mánudag – fimmtudaga 8:30-16:30 Föstudaga 8:30-16:00 Laugardag 9:00-13:00  Umhverfisstefna Hveragerðisbæjar  www.facebook.com/upplysingamidstod.Sudurlands
Sundlaugin Hveragerði
Sundlaugin í Laugaskarði er 50 metra löng og 12 metra breið og var um langa hríð langstærsta sundlaug landsins. Hún er svokölluð gegnumrennslislaug, hituð upp með jarðgufu, sem tryggir eðlilegt sýrustig og hreinleika vatnsins. Laugin er í skjólsælli hvilft sem veit gegn suðri, norðan Varmár.Gæslumaður er ávallt á vakt við laugina og auk þess er myndavélakerfi til að auka öryggi sundlaugargesta. Þar er heit, grunn setlaug, heitur pottur með rafmagnsnuddi og náttúrulegt gufubað.Laugin var byggð í tveimur áföngum, sá fyrri var 25x12 metrar og var tekinn í notkun árið 1938, en síðari hlutinn árið 1945. Í henni æfði íslenska landsliðið í sundi allt til 1966 þegar Laugardalslaugin í Reykjavík kom til sögunnar. Það var Ungmennafélag Ölfushrepps sem beitti sér mest fyrir því að laugin var gerð og lögðu félagsmenn fram ómælda sjálfboðavinnu. Þeim bættist góður liðsauki þegar Lárus Rist sundkappi fluttist til Hveragerðis árið 1936 og má segja að hann hafi tekið forystu við uppbyggingu laugarinnar og réði meðal annars staðarvali.Í dag er rekin líkamsræktaraðstaða í sundlauginni af íþróttafélaginu Hamri. Þar er vel búinn lyftingasalur ásamt sal sem nýtist fyrir s.s. spinning, yoga, karlaþrek osfrv. Opnunartímar sundlaugarinnar í Laugaskarði eru sem hér segir: Sumar (15. maí-14. september): Mánudaga - föstudaga:  06:45-21:30 Laugardaga og sunnudaga:  09:00-19:00   Vetur (15. september-14. maí): Mánudaga - föstudaga:  06:45-20:30 Laugardaga og sunnudaga:  10:00-17:30
Hveragarðurinn í Hveragerði
Hverasvæðið í Hveragerði er staðsett inni í miðjum kaupstaðnum og er eitt af merkilegri náttúruperlum Suðurlands. Hveragerði er í austurjaðri gosbeltis sem liggur frá Reykjanesi um Þingvelli og norður Langjökul og liggur hverasvæðið þvert á þetta gosbelti.  Á staðnum er móttaka fyrir ferðamenn í skála sem er við Hveramörk, austast á hverasvæðinu. Þar er hægt aðafla sér margvíslegra upplýsinga um tilvist jarðhitans, tengsl við örverufræði, jarðfræði, sprungur og eldvirkni. Auk þess er þar útskýrt hvernig nýting jarðhitans fer fram, greint frá dýpi borhola, afli sem úr þeim fæst og hvernig það er nýtt.  Í Hveragarðinum er hægt að ganga um svæðið og skoða gömlu hverina og gufuholur og kynna sér sögu og jarðfræði þessa einstaka svæðis.  Í Hveragarðinum er hægt að sjóða egg og smakka á hverabökuðu rúgbrauði þar sem gufan á svæðinu er nýtt í baksturinn og eggjasuðuna. Einnig er hægt að prufa leir-fótaböðin sem hafa heilsubætandi áhrif. Goshverinn Eilífur gýs reglulega og ekki má gleyma að kíkja á gróðurhúsið.  Símanúmer: 483-5062  https://www.facebook.com/Geothermalpark/