Upplýsingar um verð
ókeypis
Næstkomandi laugardag, 19. október, klukkan 14:00 - 15:30 í gestastofu þjóðgarðsins á Haki verður Baldur Þór Þorvaldsson með fyrirlestur um brúarsmíð við Drekkingarhyl í Almannagjá.
Baldur Þór er verkfræðingur og fyrrum starfsmaður Vegagerðarinnar og fáir hafa rannsakað jafnvel sögu vegagerðar hér á landi og þá sérstaklega við Drekkingarhylinn forna. Vert er að minnast góðrar greinar sem birtist eftir hann í framkvæmdafréttum Vegagerðarinnar um árið.
Tilefnið er ærið enda er núverandi brú svo til í lítt breyttri mynd frá því að hún var breikkuð lýðveldisárið 1944. Það eru því liðin 80 ár frá síðustu umtalsverðu breytingum á brúnni.
Boðið verður upp á kaffi og kleinur á viðburðinum.