Þingvellir við Öxará eru mikilvægasti sögustaður landsins. Margt hefur verið ritað um alþingisstaðinn forna í aldanna rás, en jafnframt því hafa sjálfir þingheyjendur skrifað sína eigin sögu í landið – og hún leynist beint fyrir framan nefið á okkur.
Gunnar Grímsson, starfsmaður þjóðgarðsins á Þingvöllum og fornleifafræðingur, segir sögu Þingvalla út frá sjónarhorni fornleifanna sem þar eru. Staldrað verður við hjá nokkrum af verðmætustu og dularfyllstu fornleifum landsins, sem margar eru á fárra vitorði og geta varpað nýju ljósi á helgistað þjóðarinnar.
Gangan hefst við gestastofu þjóðgarðsins á Haki kl. 20:00 þann 2. júlí næstkomandi. Gangan er auðveld, um 1,5 km löng og tekur um einn og hálfan klukkutíma. Ókeypis er í gönguna