ÁRNES / Skeiða- og Gnúpverjahreppi

Árnes er vaxandi byggðakjarni í um 100 km fjarlægð frá Reykjavík og hluti af Gullna hrings svæðinu. Þar er m.a. félagsheimilið Árnes, Þjórsárskóli, Neslaug, gistiheimili, tjaldsvæði og verslun. Nýbyggt íþróttahús mun vera tekið til notkunar um mitt ár 2026. Árnes er kennt við eyjuna Árnes í Þjórsá

Árnes er síðasti þéttbýliskjarninn í Uppsveitum Árnessýslu áður en haldið er upp á hluta af hálendi Íslands líkt og Sprengisand, Fjallabak og Landmannalaugar.

Margar fallegar náttúruperlur má finna í nágrenni Árnes, líkt og Þjórsárdal, Gjánna, Hjálparfoss og Háafoss. Margar fallegar gönguleiðir eru í Þjórsárdal og í Þjórsárdalsskógi, sem er kjörinn til útivistar.

Einnig eru sögumiklir staðir líkt og Stöng og þjóðveldisbærinn í nágrenninu.

Hér má sjá myndband um sveitarfélagið Skeiða- og Gnúpverjahrepp.