LTG European Awards 2018: Outdoor activity destination of the year: South Iceland
Vestfirðir Vesturland Norðurland Austurland Suðurland Reykjanes Höfuðborgarsvæðið
Leita
Finnur þú það ekki? Prófaðu leitina :)

VÍK / Mýrdalshreppi

Mýrdalshreppur er eitt hinna þriggja sveitarfélaga innan Kötlu jarðvangs. Vík er við miðju jarðvangsins og um leið syðsti bær landsins. Hreppurinn markast af Mýrdalsjökli til norðurs, sem eldfjallið Katla dvelur undir; Jökulsá á Sólheimasandi til vesturs, Blautukvísl til austurs og svörtum fjörum til suðurs. Vík er eina sjávarþorpið á Íslandi sem aldrei hafði höfn. Þrátt fyrir ævarandi hafnleysu sóttu heimamenn sjóinn til fiskveiða og vöruflutninga allt fram á miðja tuttugustu öld.

Afþreying

Mýrdalshreppur er sannarlega staður útivistar og ævintýra. Í nágrenni Mýrdalsjökuls má nefna fjórhjólaferðir á Sólheimasandi, jöklagöngur á Sólheimajökli og kayakaferðir á lóni jökulsins; að ógleymdum vélsleðaferðum á sjálfri jökulbreiðunni og íshellaferðum allan ársins hring. Í nágrenni Víkur má koma blóðinu á hreyfingu í Zip-line ævintýri eða svifvængjaflugi fyrir þau allra hugrökkustu. Í útjaðri Víkurþorps er flottur golfvöllur í fallegri náttúru. Reiðtúr í okkar fögru Víkurfjöru með útsýni til Reynisdranga er að auki ógleymanleg upplifun.

Söfn og sýningar

Í Vík má einnig finna söfn og sýningar. Þar má helst nefna hina einstöku hraunsýningu Icelandic Lava Show þar sem 1100 °C heitu, fljótandi hrauni er helt inn í sal áhorfenda. Sjón er sögu ríkari. Kötlu jarðvangur heldur úti jarðfræði sýningu í Kötlusetri, þar sem aðgangur er ókeypis. Gegnt Kötlusetri má svo finna Sjóminjasafn þar sem stærsti gripurinn er hið sögufræga vöruflutningaskip Skaftfellingur. Þar er saga útræðis, siglinga og skipsstranda á fjörum Skaftafellssýslna sögð á lifandi hátt.

Gönguleiðir

Náttúrufegurð einkennir svæðið með grösugum hlíðum í faðmlagi við svartar fjörurnar og hvítan jökulinn. Frá bænum má ganga upp á Reynisfjall og njóta útsýnis yfir Atlantshafið, Reynisdranga og brött fuglabjörg. Leiðin er stikuð með gulum merkingum og hefst við Víkurbraut. Önnur gönguleið hefst aftan við Víkurkirkju og leiðir göngufólk upp á Höttu, hæsta fjall Mýrdalshrepps. Þaðan er útsýni yfir Heiðardalinn og Mýrdalsjökul til norðurs. Enn fleiri leiðir má að auki finna í Þakgili, skammt frá Vík. Kort og upplýsingar um þessar og fleiri gönguleiðir í Mýrdalshreppi má nálgast í upplýsingamiðstöð Kötluseturs í Brydebúð, Víkurbraut 28.

a825ec11018effb1ddb8915b1c7ef114
VÍK / Mýrdalshreppi
GPS punktar N63° 25' 7.740" W19° 0' 19.705"
Póstnúmer

870,871

VÍK / Mýrdalshreppi - ferðaupplýsingar

Úr gagnagrunni Ferðamálastofu Íslands

Aðrir

Ingi Már Björnsson
Dagsferðir
  • Suður-Foss
  • 871 Vík
  • 894-9422, 487-1494
Vík Horse Adventure ( Makki ehf. )
Dagsferðir
  • Smiðjuvegur 6
  • 870 Vík
  • 787-9605
Volcano Hótel
Hótel
  • Ketilsstaðaskóli
  • 871 Vík
  • 486-1200
Ingos Icebreaking Tours
Ferðasali dagsferða
  • Ketilstaðaskóli
  • 871 Vík
  • 7737343
Mountain Excursion / Víkurhús slf -
Gönguferðir
  • Ketilsstaðaskóli
  • 871 Vík
  • 897-7737
Víkurprjón – Icewear útivistarfatnaður og ullarvörur
Handverk og hönnun
  • Austurvegi 20
  • 870 Vík
  • 585-8522
Hótel Katla - Keahotels
Hótel
  • Höfðabrekka
  • 871 Vík
  • 487-1208
Labbað og rabbað með frænda
Ferðasali dagsferða
  • Farmehouse Lodge, Skeiðflöt
  • 871 Vík
  • 699-2682
Golfklúbburinn Vík
Golfvellir
  • Klettsvegur
  • 870 Vík
  • 694-1700, 861-2299

Aðrir

Guesthouse Gallerí Vík
Gistiheimili
  • Bakkabraut 6
  • 870 Vík
  • 487-1231, 849-1224
Skammidalur Gistiheimili
Gistiheimili
  • Skammidalur 2
  • 871 Vík
  • 8671393
Ferðaþjónustan Vellir
Gistiheimili
  • Vellir
  • 871 Vík
  • 4871312
Hótel Búrfell
Bændagisting
  • Mýrdalur
  • 871 Vík
  • 4874660, 868-7651
Háigarður
Gistiheimili
  • Kirkjuvegur 1
  • 870 Vík
Norður-Hvammur gisting
Bændagisting
  • Norður-Hvammur
  • 871 Vík
  • 698-9381, 588-0810
Gistiheimilið Norður-Vík
Gistiheimili
  • Suðurvíkurvegur 5b
  • 870 Vík
  • 3548672
Giljur Gistihús
Gistiheimili
  • Giljum
  • 871 Vík
  • 866-0176
Puffin Hostel Vík
Farfuglaheimili og hostel
  • Víkurbraut 26
  • 870 Vík
  • 467-1212
Puffin Hótel Vik
Gistiheimili
  • Víkurbraut 26
  • 870 Vík
  • 467-1212
Gistihúsin Görðum
Gistiheimili
  • Garðar
  • 871 Vík
  • 487-1260, 776-7098
Þakgil
Sumarhús
  • Þakgil
  • 871 Vík
  • 893-4889
Volcano Hótel
Hótel
  • Ketilsstaðaskóli
  • 871 Vík
  • 486-1200
Presthús evening sun guesthouse
Gistiheimili
  • Presthús 2
  • 871 Vík
  • 7772909
Gistihúsið Vellir
Gistiheimili
  • Mýrdalur
  • 871 Vík
  • 487-1312, 849-9204
Puffin Apartments
Íbúðir
  • Víkurbraut 26
  • 870 Vík
  • 467-1212
Austurvegur 11
Gistiheimili
  • Austurvegur 11
  • 870 Vík
  • 899-4210
Eystri Sólheimar
Bændagisting
  • Mýrdalur
  • 871 Vík
  • 692-8800
Farmhouse Lodge
Gistiheimili
  • Skeiðflöt
  • 871 Vík
  • 571-5879
Hótel Katla - Keahotels
Hótel
  • Höfðabrekka
  • 871 Vík
  • 487-1208
Vestri Pétursey II
Sumarhús
  • Mýrdal
  • 871 Vík
  • 8939907, 845-9907
Ársalir
Gistiheimili
  • Austurvegur 7
  • 870 Vík
  • 487-1400, 866-7580
Black Beach Suites
Hótel
  • Norður Foss
  • 871 Vík
  • 779-1166
Guesthouse Carina
Gistiheimili
  • Mýrarbraut 13
  • 870 Vík
  • 6990961
Grand Guesthouse Garðakot
Gistiheimili
  • Garðakot
  • 871 Vík
  • 8942877
Hvammból Guesthouse
Gistiheimili
  • Hvammból
  • 871 Vík
  • 863-2595 , 892-9785
Hótel Dyrhólaey
Hótel
  • Mýrdalur
  • 871 Vík
  • 4871333
Tjaldsvæðið Vík í Mýrdal
Tjaldsvæði
  • Klettsvegur
  • 870 Vík
  • 487-1345, 662-2716
Sólheimahjáleiga
Gistiheimili
  • Mýrdal
  • 871 Vík
  • 864-2919, 864-2919, 487-1305
Gistiheimilið Reynir
Gistiheimili
  • Reyni
  • 871 Vík
  • 894-9788, 487-1434

Aðrir

Halldórskaffi
Kaffihús
  • Víkurbraut 28
  • 870 Vík
  • 487-1202, 847-8844
Ársalir
Gistiheimili
  • Austurvegur 7
  • 870 Vík
  • 487-1400, 866-7580
Ferðaþjónustan Vellir
Gistiheimili
  • Vellir
  • 871 Vík
  • 4871312
Puffin Hótel Vik
Gistiheimili
  • Víkurbraut 26
  • 870 Vík
  • 467-1212
Súpufélagið
Veitingahús
  • Víkurbraut 5
  • 870 Vík
  • 778-9717
Hótel Katla - Keahotels
Hótel
  • Höfðabrekka
  • 871 Vík
  • 487-1208
Veitingahúsið Suður-Vík
Veitingahús
  • Suðurvíkurvegur 1
  • 870 Vík
  • 487-1515, 8642959
Hótel Dyrhólaey
Hótel
  • Mýrdalur
  • 871 Vík
  • 4871333
Fagridalur
Beint frá býli
  • Fagridalur
  • 871 Vík
  • 487-1105, 893-7205
Náttúra
Sólheimajökull

Sólheimajökull er skriðjökull sem skríður frá norðvestanverðum Mýrdalsjökli. Jökullin er mjög næmur fyrir veðurfarsbreytingum og breytist jökulsporðurinn fljótt í kjölfar veðurbreytinga. Frá jöklinum rennur Jökulsá á Sólheimasandi, sem var ein mannskæðasta á landsins á fyrr öldum. Jökullinn er vinsæll viðkomustaður ferðamanna til að skoða fallegt umhverfi hans eða prófa jöklagöngu og ísklifur.
Miklar og örar breytingar hafa orðið á skriðjöklinum síðustu ár og eitt skýrt dæmi um það er hin aukna vegalengd sem stíga þarf til að nálgast jökulsporðinn.

Sólheimajökull hefur lengi verið rannóknarefni jöklafræðinga en jöklarannsóknir geta sagt okkur mikið um loftslag og loftslagsbreytingar í gegnum aldirnar, en jökulsaga Sólheimajökuls er um margt óvanaleg þegar borið er saman við aðra íslenska jökla.

Fyrir rúmum hundrað árum lá jökulsporður Sólheimajökuls töluvert framan við núverandi bílastæðin

Náttúra
Mýrdalssandur

Mýrdalssandur takmarkast af Höfðabrekkuheiði að vestan, Mýrdalsjökli að norðan og Skaftártungu og Álftaveri að austan en hafi að sunnan. Hann er talinn um 700 km². Suðuroddi hans, Kötlutangi, er syðsti tangi Íslands og þar gengur landið fram af framburði jökulánna og þó sér í lagi Kötluhlaupa en sjávargangur vinnur á móti.

Vestan til er Mýrdalssandur samfelld, gróðurlaus auðn en lítils háttar grasgróður er á honum austanverðum og heita þar Loðinsvíkur. Í fornum sögum segir að skógur hafi verið á honum sunnanverðum, hjá Hjörleifshöfða.


Um Mýrdalssand flæmast nokkur jökulvötn sem koma undan Mýrdalsjökli. Mest þeirra eru Múlakvísl, Skálm og Hólmsá. Stundum hafa þau gert verulegan óskunda, einkum að því er tekur til samgangna og brotið brýr og vegi. Sandurinn er víða mjög fíngerður. Í hvassviðri verður vegurinn yfir sandinn oft ófær sökum sandfoks og hafa margir bíleigendur orðið fyrir stórtjóni vegna þess. 1988 var vegurinn um Mýrdalssand færður sunnar og liggur nú nærri Hjörleifshöfða og lægra en áður. Þarna er snjóléttara en á vegstæðinu ofar á sandinum en í hlákuköflum að vetrinum hefur vatn gert mikinn óskunda á veginum.

Náttúra
Dyrhólaey

Dyrhólaey er friðland. Á friðlýstum svæðum þarf að gæta að verndun samhliða því að tryggja almannarétt. Sum svæði eru lokuð hluta úr ári til verndunar dýralífi, önnur eru lokuð allt árið vegna viðkvæmra náttúruminja, umferð um sum svæði er takmörkuð þannig að fólk þarf að tilkynna sig inn á svæði og enn önnur opin allt árið um kring.

Ítarlegri upplýsingar um Dyrhólaey
Höfði (um 110 m y.s.) með þverhníptu standbergi í sjó fram, en aflíðandi brekka er landmegin. Suður úr Dyrhólaey gengur mjór klettatangi, Tóin. Gegnum hana er gat og geta bátar siglt gegnum það þegar sjór er ládauður. Lítilli flugvél hefur verið flogið í gegnum gatið. Af Dyrhólaey er mikil útsýn. Vesturhluti hennar, Háey, er úr móbergi en austurhlutinn úr grágrýti. Talið er að Dyrhólaey hafi myndast á hlýskeiði seint á ísöld við gos í sjó og hafi gosið hagað sér líkt og Surtseyjargosið. Viti var reistur á höfðanum 1910 en endurbyggður 1927. Dyrhólaey var friðlýst 1978. Útræði var áður frá Dyrhólaey en er löngu aflagt. Komið hefur til orða að gera höfn við Dyrhólaey og hafa verið gerðar þar frumrannsóknir. Norðan og austan við eyna er allstórt lón, Dyrhólaós, útfall gegnum Eiði er austan við eyjarhornið. Þegar útfallið teppist, sem stundum verður í stórbrimum, flæðir vatn yfir engjar og þarf þá stundum að moka ósinn út. Í sjónum úti fyrir Dyrhólaey eru nokkrir klettadrangar, Dyrhóladrangar. Bæði þar og í Dyrhólaeyjarbjargi er mikið af fugli og mikið varp. Hæstur þessara dranga er Háidrangur (56 m y.s.). Hjalti Jónsson kleif hann árið 1893 og þótti sýna við það mikla dirfsku og fræknleik. Dyrhólaey er gjarnan nefnd Portland af sjómönnum og breskir togarasjómenn nefndu hana Blow Hole. Byggðin norðvestur af Dyrhólaey nefnist Dyrhólahverfi.

Náttúra
Reynisfjara, Reynisfjall og Reynisdrangar

Reynisfjall (340 m y.s.) stendur vestan Víkur í Mýrdal. Reynisfjall er móbergsfjall sem myndast hefur við eldgos undi rjökli á kuldaskeiði Ísaldar. Í Reynisfjalli má finna óregluleg lög móbergs, bólstrabergs ásamt stuðluðum innskotslögum og bergæðum. Hamrarnir eru þverhníptir en víða grónir hvönn og öðrum þroskamiklum gróðri.

Upp á Reynisfjall liggur akvegur sem hernámsliðið gerði upphaflega á heimsstyrjaldarárunum en var endurbættur seinna. Hann mun vera einn brattasti fjallvegur á Íslandi. Á Reynisfjalli var starfrækt lóranstöð um skeið. Sunnan í Reynisfjalli að vestan eru sérkennilegar stuðlabergsmyndanir og hellar, Hálsanefshellir. Ekið er að þeim suður Reynishverfi.

Reynisdrangar eru bergdrangar sem rísa 66 metra upp fyrir sjávarmál. Við Reynisfjöru er Hálsanefshellir ásamt mjög fögrum stuðlabergsmyndum. Gæta skal varúðar við Reynisfjöru þar sem öldurnar geta verið varasamar og auðveldlega gengið langt inn á land og hrifsað með sér fólk út á sjó.

Náttúra
Höfðabrekkuheiði, Þakgil

Höfðabrekka er austasti bær vestan Mýrdalssands. Höfðabrekka er gamalt höfðuból, kirkjustaður og stórbýli til forna. Í Kötluhlaupi árið 1660 tók bæinn af og var hann þá fluttur upp á heiðina og var hann ekki fluttur niður aftur fyrr en 1964. Vegfarendur sem eru á ferð um Mýrdalshrepp ættu ekki að láta það fara framhjá sér að aka inn Höfðabrekkuheiðar. Þetta var þjóðleiðin austur að Mýrdalssandi í um það bil 20 ár, þangað til Jónsmessuhlaupið í Múlakvísl árið 1955 rauf hana.

Náttúra
Hafursey

Hafursey er einstaklega fagurt móbergsfell á norðanverðum Mýrdalssandi. Það skiptist um Klofgil og vesturhlutinn er nefndur Skálarfjall (582m) og hæst ber Kistufell (513m) á austurhlutanum. Þarna er mikið fýlavarp og undirhlíðarnar eru vaxnar kjarri, en þar var skógur áður fyrr. Eyjan var nýtt til beitar og bændur í Hjörleifshöfða létu fé sitt ganga þar sjálfala allt árið og höfði í seli á sumrin til 1854. Selið í Hafursey er ein af hinum merku söguminjum Íslands en í Kötlugosinu 1755 höfðust þar við sex menn á meðan á goshlaupinu stóð. Þeir rituðu dagsetningu, ártal og fangamörk sín skýru letri í bergvegginn sem blasa við þegar inn er litið.

Náttúra
Hjörleifshöfði

Hjörleifshöfði er 221 metra hár móbergsstapi á suðvestanverðum Mýrdalssandi. Talið er að stapinn hafi myndast hefur í síðasta kuldaskeiði ísaldar þegar gosið hefur undir ísaldarjöklinum. Líklega hefur hann verið eyja í sjó á fyrri tíðum en orðin landfastur á landnámsöld með fjörð er nefndist Kerlingarfjörður sem fór inn með höfðanum. Í dag er hann hringaður af svörtum söndum sem borist hafa með endurteknum Kötluhlaupum.

Sunnan við Hjörleifshöfða er tangi kenndur við Kötlu og nefnist Kötlutangi. Sá myndaðist úr stóru gosi árið 1918 þar sem gífurlegt magn setefnis barst með stóru jökulhlaupi frá Kötlu. Tanginn er syðsti punktur meginlandsins Íslands þar sem fyrir gos átti Dyrhólaey þann heiður.

Hjörleifshöfði fær nafn sitt frá landnámsmanninum Hjörleifi Hróðmarssyni, fóstbróður Ingólfs Arnarsonar. Fóru þeir tvískipa á leið sinni til Íslands en urðu viðskila þar sem Ingólfur hafði vetursetu við Ingólfshöfða en fóstbróðirinn á Hjörleifshöfða. Lífið elti Hjörleif ekki á dvöl sinni, en hann var drepinn ásamt mönnum sínum af írskum þrælum sem fylgdu þeim til landsins. Flúðu þeir til Vestmannaeyja með konurnar þar sem Ingólfur fann þá og drap. Á höfðanum er haugur einn og hleðsla þar sem Hjörleifur er talinn grafinn.

Búið var á Hjörleifshöfða fram að árinu 1936 á bæ staðsettum upp á syðri hluta höfðans, en sá var fluttur þangað eftir gosið í Kötlu 1721 sem eyddi gamla bænum. Gamla bæjarstæðið er staðsett við áfangastað Kötlu Jarðvangs þegar komið er að Hjörleifshöfða vestan megin.

Náttúra
Sólheimasandur

Sandflæmi austan Jökulsár og sunnan og suðvestan Sólheima í Mýrdal. Talið er að sandur
þessi hafi myndast í jökulhlaupum á landnámsöld og 13. öld, en fornar sagnir eru til um myndun hans. Á síðustu árum hafa Sólheimabændur ræktað allmikil tún á sandinum. (Heimild: Íslandshandbókin útgáfa 1.0. Námsgagnastofnun 1995.)

Árið 1973 lenti bandarísk herflugvél af gerðinni DC-3 á sandinum eftir að hafa orðið
eldsneytislaus. Allir lifðu lendinguna af og varð flakið eftir á sandinum sem nú er orðið að vinsælum ferðamannastað. Ekki er leyfilegt að keyra að flakinu en gott bílastæði er við Þjóðveg 1 og hægt að ganga þaðan að flakinu sem tekur um tæpa klukkustund hvor leið fyrir sig.

Suðurland

Þéttbýliskjarnar

Á Suðurlandi eru allmargir þéttbýlisstaðir, hver með sínu sniði og sjarma og allir bjóða upp á einhverskonar afþreyingu. Selfoss er þeirra stærstur og þar má finna ýmsar verslanir, þjónustu og marga veitinga- og skyndibitastaði. Flestir bæir eru í alfaraleið og því bæði hentugt og skemmtilegt að eiga þar viðdvöl.

Skoða meira

Map Höfn Kirkjubæjarklaustur Vík Vestmannaeyjar Hvolsvöllur Flúðir Laugarvatn Reykholt Laugarás Borg Brautarholt Hveragerði Árnes Selfoss Hella Stokkseyri Eyrarbakki Þykkvibær Þórlákshöfn