Leita
Finnur þú það ekki? Prófaðu leitina :)

The Lava Tunnel - Raufarhólshellir

Mögnuð upplifun / Hellaferðir í Raufarhólshellir

FRÁBÆR TILBOÐ SUMARIÐ 2020. 30% AFSLÁTTUR Í HEFÐBUNDNA FERÐ. BÖRNIN FERÐAST FRÍTT!

Raufarhólshellir er einn þekktasti hraunhellir á landinu og er jafnframt sá lengsti utan Hallmundarhrauns. Hellirinn er staðsettur í þrengslunum á milli Reykjavíkur og Þorlákshafnar og er því einstaklega aðgengilegur fyrir þá sem eru á leið um suðurland. Einungis er um 30-45 mín akstur í hellinn frá Reykjavík.

Boðið er upp á skoðunarferðir í hellinn með leiðsögumanni og tekur hver ferð u.m.þ.b klukkustund. Þessar ferðir henta vel ævintýraþyrstum einstaklingum, fjölskyldum eða hópum, stórum sem smáum. Leiðsögumaður ræðir sögu hellisins, jarðfræði hans, tenging við Hollywood og ýmislegt annað honum tengt.

Búið er að byggja upp frábæra aðstöðu á svæðinu. Lagðir hafa verið pallar og hlaðnir stígar inn í hellinum auk þess sem búið er að setja upp magnaða lýsingu sem unnið hefur til fjölda verðlauna bæði hérlendis og erlendis. Utan dyra er búið að stækka bílaplanið (með aðkomu rútubíla í huga) og byggja þjónustuhús með astöðu fyrir móttöku gesta og fjölda vatnssalerna.

Hellirinn er samtals 1.360 metra langur, 10 til 30 metra breiður og nánast allstaðar er hátt til lofts inn í hellinum eða um 10 metra að jafnaði. Skipulagðar ferðir fara tæplega 400 m inn í hellinn.

Ferðirnar eru við hæfi allra sem geta gengið á ójöfnu og í snjó.

Skipulagðar ferðir á heila tímanum eru alla daga vikunnar. Opið er allt árið um kring og hægt er að panta sérstaklega ferðir utan opnunartíma - þ.m.t kvöldferðir. Hálft gjald er greitt fyrir unglinga (12 - 15 ára) og börn undir 12 ára fá frítt!

Hægt er að bóka beint hér en vinsamlega hafið samband við info@thelavatunnel.is eða í síma 760-1000 fyrir hóppantanir eða frekari upplýsingar.

The Lava Tunnel - Raufarhólshellir

Klettagarðar 12 - Skrifstofa

GPS punktar N63° 56' 23.557" W21° 23' 46.550"
Sími

760-1000

Opnunartími Allt árið

The Lava Tunnel - Raufarhólshellir - ferðaupplýsingar

Úr gagnagrunni Ferðamálastofu Íslands

Aðrir

Búngaló
Sumarhús
  • Borgartún 29
  • 105 Reykjavík
  • 445-4444
Varmi Gistihús
Gistiheimili
  • Varmahlíð 15
  • 810 Hveragerði
Hey Iceland
Hótel
  • Síðumúli 2
  • 108 Reykjavík
  • 570-2700
Hótel Hlíð Hveragerði
Hótel
  • Krókur
  • 816 Ölfus
  • 483-5444
Iceblue
Gistiheimili
  • Grundarhvarf 9
  • 203 Kópavogur
  • 659-1000
Saga og menning
24.10 km
Stokkseyrarkirkja

Kirkja hefur verið á Stokkseyri frá fornöld og átti meginhluti hreppsins kirkjusókn þangað. Stokkseyrarkirkja var Maríukirkja í kalþólskum sið og er hún fyrst nefnd í heimildum í kirknatali Páls biskups Jónssonar um 1200. Kirkjan var bændakirkja til ársins 1886 er söfnuðurinn tók við henna.

Nokkur gamla og merka gripi á kirkjan og má þar til nefna kirkjuklukku sem er steypt 1762 og er talin gjöf til kirkjunnar frá Brynjólfi Sigurðssyni, sýslumanni í Hjálmholti en hann var eigandi kirkjunnar á þessum tíma. Endurbyggði hann kirkjuna 1752 og var það fysta timburkirkjan sem byggð var á Stokkseyri

Kirkja sú er nú stendur er fimmta timburkirkjan sem byggð hefur verið. Hún er frá árinu 1886, timburkirkja járnklædd 20x12 álnir að stærð og kórinn 6x6 álnir. Yfirsmiður var Jón Þórhallsson trésmiður á Eyrarbakka, en tveir nemendur hans, Jón Gestsson í Villingaholti og Símon Jónsson á Selfossi leystu þar af hendi prófsmíði sína.

Margháttaður viðgerðir hefur Stokkseyrarkirkja hlotið síðan. Upphaflega var hún klædd timbre en fyrir og eftir aldamótin 1900 var hún öll járnklædd. Árið 1910 var settur í kirkjuna stór ofn en árið 1953 rafmagnshitun. Árið 1918 var kirkjan raflýst og hún máluð að innan. Síðan tækilega viðgerð á kirkjunni var gerð árið 1963 og var þá einnig keypt í krikjuna pípuorgel sem tekið var í notkun við hátíðlega athöfn í kirkjunni er viðgerð hennar var lokið, 24, mái 1964. Þak kikjunnar var endurnýjað 1981 og 1990 var kirkjunni breytt innandyra, m.a. sett parket á gólfið. Viðgerðir eru fyrirhugaðar enda langt um liðið frá síðustu stórviðger.

Sérstök þjóðtrú var bundin við kirkjuna í sambandi við sjósóknina á Stokkseyri. Það var gömul trú að skip mundi ekki farast á réttu sundi ef rekatré væri í sundmerkinu og kirkjan stæði opin. Var því lengi fram eftir 20. Öld siður að opna kirkjuna þegar bátar voru á sjó í misjöfnu veðri.

Prestar voru heimilisfastir á Stokkseyri í kaþolskri tíð en frá því seint á 15. Öld og fram til 1856 var Stokkseyri þjónað af Gaulverjabæjarprestum. Stokkseyrarprestakall var fyrst veitt 1856 Magnúsi Eiríkssyni Guðfræðingi í Kaupmannahöfn en hann kom ekki til brauðsins. Næsti prestur, Björn Jónsson frá Torfastöðum, sat á Éyrarbakka en síðan sáu þrír Stokkseyrarprestar á Ásgautsstöðum, Páll Mathiesen, Gísli Thorearensen og Jón Björnsson. Hann flutti prest6setrið árið 1884 að Stóra - Hrauni og síðar til Eyrarbakka. Þar hafa Stokkseyrarprestar jafnan setið síðan. Sóknarprestar hafa verið Ólafur Helgason, Gísli Skúlason, Árelíus Níelsson, Magnús Guðjónsson og Valgeir Ástráðsson, auk afleysingapresta. Núverandi sóknarpretur er sr. Úlfar Guðmundsson.

Fyrsta orgelið sem kom í Stokkseyrarkirkju var keypt fyrir samskotafé árið 1876 og kostaði það 400 krónur. Organistar við Stokkseyrarkirkju hafa allir verið af frægri tónlistarætt en fyrstur þeirra var Bjarni Pálsson í Götu sem lærði á orgel hjá ungfrú Sylvíu Thorgrímsen í Húsinu á Eyrarbakka. Bjarni gerðist svo hinn ötulasti brautryðjandi um söngmennt og orgelkennslu í héraðinu. Hann kenndi mörgum að leika á orgel og voru sumir nemendur hans langt að komnir. Við fráfall Bjarna árið 1887 tók Jón Pálsson bróðir hans við. Hann varð síðar bankagjaldkeri í Reykjavík. Bróðir hans, Ísólfur Pálsson tónskáld tók þá við en er hann fór til Reykjavíkur tók fjórði bróðirinn Gísli Pálsson í Hoftúni. Í þrjú ár var Margrét Gísladóttir dóttir hans organist. Síðustu áratugi hefur Pálmar Þ. Eyjólfsson tón skáld í Skipagerði verið organist Stokkseyrarkirkju en hann hefur nylega látið af því starfi. í starfi.

Sérstök þjóðtrú var bundin við kirkjuna í sambandi við sjósóknina á Stokkseyri. Það var gömul trú að skip mundi ekki farast á réttu sundi ef rekatré væri í sundmerkinu og kirkjan stæði opin. Var því lengi fram eftir 20. Öld siður að opna kirkjuna þegar bátar voru á sjó í misjöfnu veðri.

Nýtt orgel var tekið til notkunnar í Stokkseyrarkirkju árið 2003 sem var smíðað af Björgvinni Tómassyni.

Náttúra
21.64 km
Hallskot - Skógræktarfélag Eyrarbakka

Stórbrotið útivistarsvæði norðan við Eyrarbakka í átt að Fuglafriðlandinu í Flóa. Hallskot hefur verið í umsjá Skógræktarfélags Eyrarbakka frá 2015.

Hallskot bíður uppá ótal möguleika og eru reglulega haldnir viðburðir, bæði úti og í bragganum. Svæðið er kjörið til að nýta sem áningarstað, skjólsælt með bekkjum og borðum.

HEIMILISFANG: 820 EYRARBAKKI / SÍMI: (+354) 660 6130, (+354) 847 5028
SKOGRAEKTARFELAGEYRARBAKKA@GMAIL.COM / GPS: 63°53'57.0"N 21°10'19.1"W

Náttúra
10.69 km
Arnarker

Annar áhugaverður hellir í Ölfusi er Arnarker. Hann er staðsettur í Leitarhrauni norðan við gamla veginn í Selvog. Merkt leið er frá veginum að hellinum og upplýsingaskilti er við hellinn. Búið er að setja stiga niður í hellinn en hann er um 16 metrar langur, er brattur og því skal fara um hann með aðgát. Hellirinn er um 516 metra langur og liggur í tvær áttir, 100 metra í suður og um 400 metra í norður.

Saga og menning
15.52 km
Drepstokkshóll

Árið 985 stóð Bjarni Herjólfsson á Drepstokkshóli og áttaði sig á Ameríku en þaðan sigldi hann sína sögulega ferð.

Saga og menning
18.84 km
Þorpið á Eyrarbakka

Þorpið er endurreist íslenskt sjávarþorp frá aldamótunum 1900 í gamla frystihúsinu á Eyrarbakka. Þorpið mun, ásamt því að sýna byggingarstíl og lifnaðarhætti fólks frá þessum tíma, geyma sögu verkmenntunar, iðnmenntunar og atvinnulífs á Íslandi. Á lifandi og skapandi hátt mun fólki gefast kostur á að hverfa til fortíðar-innar og taka, með beinum hætti, þátt í lífi þorpsbúanna.
Þannig verða tengsl milli kynslóða efld og söguhefðinni viðhaldið þannig að þekking og verkleg kunnátta varðveitist kynslóð fram af kynslóð.

Aldamótaþorpið sjálft er nú á teikniborðinu, búið er að vinna módel af þorpinu í skalanum 1:20.

Húsin í Þorpinu eru:

Bókabúðin
Bankinn / Pósthúsið
Skraddari / Kjólabúð / hattabúð
Bakaríið / konditorí
Krambúðin
Antikbúðin / skratgripaverslunin
Bóndabærinn (beint frá býli, hannyrðasala)
Reykhúsið (smurbrauð, fiskur, kjöt)
Smiðjan (járnsmíður, söðlasmiður)
Ævintýrahúsin tvö - barnahúsin
Móttökuhúsið (miðasala, minjagripir)
Ölstofan
Skemman (trésmiður)

Náttúra
15.75 km
Hellisheidarvirkjun

Orkuveita Reykjavíkur (www.or.is) aflar og dreifir vistvænni orku á sem hagkvæmastan hátt í sátt við umhverfið. Við tökum mið af skynsamlegri nýtingu orkulinda í samræmi við lög og reglur um umhverfismat. Við vinnum að uppgræðslu lands og friðun dýralífs á umráðasvæðum okkar. Stefna okkar er að sjá viðskiptavinum fyrir ódýrri vistvænni orku sem framleidd er á hagkvæman hátt úr endurnýjanlegum íslenskum orkulindum. Þannig stuðlum við að aukinni notkun hreinnar innlendrar orku og um leið leggjum okkar að mörkum til framfara í landinu.
Starfssvæði Orkuveitu Reykjavíkur hefur stækkað umtalsvert og nær nú til Suður- og Vesturlands auk höfuðborgarsvæðisins.
Á höfuðborgarsvæðinu rekur Orkuveita Reykjavíkur stærstu jarðhitaveitu í heimi en að auki 16 smærri veitur á sunnan- og vestanverðu landinu, frá Hvolsvelli í austri til Grundarfjarðar í vestri.
Orkuveita Reykjavíkur reisir nýja jarðvarmavirkjun til rafmagns- og heitavatnsframleiðslu á sunnanverðu Hengilssvæðinu í Sveitarfélaginu Ölfusi í Árnessýslu. Áætlað er að byggja rafstöð sem framleiðir 300 MWe af rafmagni og varmastöð sem afkastar allt að 400 MWth.

Gestamóttaka Hellisheiðarvirkjunar er opin frá 09:00-17:00 alla daga vikunnar. Þar er hægt að nálgast helstu upplýsingar um framkvæmdir við virkjunina. Einnig eru margvíslegar upplýsingar um Hellisheiðina, sögu, dýralíf og möguleika til útivistar

Framkvæmdir við Nesjavallavirkjun hófust 1987. Í september árið 1990 var orkuverið formlega gangsett. Nesjavallavirkjun framleiðir nú 120 MW af rafmagni og 300 MW í varmaorku, jafngildir 1640 1/sek af 83° C hita. Á Nesjavöllum hafa verið boraðar 25 holur, dýptin er á bilinu 1.000 til 2.200 metrar og mælst hefur allt að 380° C hiti. Meðalhola býr yfir 60 MW orku, sem nægir til hitaveitu fyrir 7500 manns og umframgufa er notuð samtímis til rafmagnsframleiðslu.

Fyrir börnin
15.23 km
Iceland Activities

Iceland Activities er fjölskyldufyrirtæki sem hefur gríðar mikla reynslu af feðamennsku á Íslandi og spannar sú reynsla yfir 20 ár og samanstendur af fjallahjólamennsku, brimbrettaiðkun, gönguferðum og náttúruskoðun við margbreytilegar aðstæður í Íslenskri náttúru.

Við leggjum metnað okkar í að sýna fólki þetta svæði á annan hátt en aðrir, þannig að það tengist náttúrinni bæði með fræðslu og einnig með því að fara aðeins út fyrir fjölsóttustu svæðin þar sem náttúrufegurðin er jafnvel enn meiri en á hinum hefðbundu, og þar liggur styrkur okkar í því hversu vel við þekkjum þetta svæði.Við leggum mikinn metnað í allar okkar ferðir og höfum eitt markmið að leyðarljósi að ferðamaðurinn sé ánægður og upplifi sem mest.

Við erum staðsettir í Hveragerði rétt við þjóðveg eitt um 40 km frá Reykjavík.
Einnig starfrækjum við hjólaleigu og leigjum eingöngu út gæðahjól.

Ferðirnar okkar henta mjög breiðum hópi þar sem þær eru alt frá rólegum fjölskylduferðum upp í adrenalin ferðir, yngsti þáttakandinn á siðasta ári var 4 ára og elsti var um 70 ára

Suðurland

Þéttbýliskjarnar

Á Suðurlandi eru allmargir þéttbýlisstaðir, hver með sínu sniði og sjarma og allir bjóða upp á einhverskonar afþreyingu. Selfoss er þeirra stærstur og þar má finna ýmsar verslanir, þjónustu og marga veitinga- og skyndibitastaði. Flestir bæir eru í alfaraleið og því bæði hentugt og skemmtilegt að eiga þar viðdvöl.

Skoða meira

Map Höfn Kirkjubæjarklaustur Vík Vestmannaeyjar Hvolsvöllur Flúðir Laugarvatn Reykholt Laugarás Borg Brautarholt Hveragerði Árnes Selfoss Hella Stokkseyri Eyrarbakki Þykkvibær Þórlákshöfn