Leita
Finnur þú það ekki? Prófaðu leitina :)

Skálakot ferðaþjónusta

Skálakot - hestaferðir

Er ekki kominn tími til að skella sér á hestbak?

Bjóðum uppá hestaferðir allt frá 1 klst uppí nokkura daga ferðir.

Höfum hesta sem henta bæði byrjendum og lengra komnum knöpum.

Góðar reiðleiðir í fallegu umhverfi fjallana.

Nánari upplýsingar um ferðirnar okkar eru á heimasíðunni.

Skálakot - gisting

Góður kostur fyrir þá sem vilja ferðast ódýrt.

Bjóðum uppá svefnpokagistingu í sal með kojum fyrir 18 manns, einnig fjölskylduherbergi með hjónarúmi og einstaklingsrúmi, ásamt setustofu.

Fullbúið eldhús og borðsalur sem tekur 25 manns í sæti.

Úti er svo heiti potturinn og saunað sem alltaf er gott að skella sér í eftir langan dag.

Upplýsingar um verð má sjá á heimasíðunni okkar.

Skálakot ferðaþjónusta

Skálakot

GPS punktar N63° 34' 17.848" W19° 47' 42.662"
Vefsíða www.skalakot.is
Gisting 22 Rúm
Opnunartími Allt árið
Þjónusta Hestaferðir Svefnpokapláss Eldunaraðstaða Heitur pottur

Skálakot ferðaþjónusta - ferðaupplýsingar

Úr gagnagrunni Ferðamálastofu Íslands

Aðrir

Sigurður Sigurjónsson
Ferðaskipuleggjendur
  • Ytri-Skógar 3
  • 861 Hvolsvöllur
  • 487-8832, 851-1995, 844-7132
Ársæll Hauksson
Ferðaskipuleggjendur
  • Skálakot
  • 861 Hvolsvöllur
  • 867-3535
Ferðaþjónustan Stóru-Mörk 3
Svefnpokagisting
  • Stóra-Mörk III
  • 861 Hvolsvöllur
  • 487-8903, 866-7587
Ytri Skógar
Hestaafþreying
  • Skógar
  • 861 Hvolsvöllur
  • 487-8832, 844-7132
Geirlax ehf.
Ferðaskipuleggjendur
  • Skógar
  • 861 Hvolsvöllur
  • 660-3858
Náttúra
7.62 km
Eyjafjöll
Fjallabálkur úr móbergi og blágrýti er gengur vestur undan Mýrdalsjökli og hvílir Eyjafjallajökull á honum. Suður og vestur af jöklinum eru breiðar heiðar fram að hamrabrúnum en að norðan má kallast aðlíðandi hlíð að Markarfljóti. Smáhraun eru vestur af jöklinum og uppi á heiðunum og falla í háum, fríðum fossum fram af brúnum. Sum eru þó endaslepp á brúnunum eins og þau hafi runnið fram á skriðjökul í lok ísaldar. Vestanverð Eyjafjöll heyra til hinni eldri grágrýtismyndun landsins. Fyrrum féll sjór að fjöllunum og mynduðust þá hellar þeir sem svo víða er þar að finna, einkum að sunnanverðu.
Náttúra
18.56 km
Skógafoss

Skógafoss (60m) er talinn meðal fegurstu fossa landsins. Í Skógaá, ofan Skógafoss, eru a.m.k. 20 aðrir fossar, margir fallegir, og það er auðgengt meðfram ánni og gljúfrum hennar. Þrasi Þórólfsson var landnámsmaður að Skógum. Hann nam land milli Jökulsár og Kaldaklofsár og var sagður fróður og forn í lund.

Sagt er, að hann hafi fólgið gullkistu í helli bak við Skógafoss og að það glitri í gull Þrasa gegnum vatnsúðann, þegar sólin skín á fossinn. Margir hafa reynt að finna kistuna og einu sinni tókst að koma bandi á hring hennar, en aðeins hringurinn kom, þegar togað var í. Þessi hringur var notaður á kirkjuhurðina í Skógum og er nú meðal dýrgripa Skógasafns

Náttúra
24.79 km
Dímon

Dímon, Stóri- og Litli- á Markarfljótsaurum. Stóri-Dímon er stórt, grasi gróið fell (178 m y.s.) í mynni Markarfljótsdals, að mestu úr móbergi. Koma saman í því mörk Austur-Landeyja, Fljótshlíðar og Vestur-Eyjafjalla. Í fellinu var talið að væri 50-60 kinda beit vetur og sumar. Örnefnið Rauðaskriða er í Stóra-Dímon. Frá því er sagt í Njáls sögu að Njálssynir sátu fyrir Þráni Sigfússyni í Rauðaskriðum er Skarphéðinn vó hann og hljóp "tólf álna yfir Markarfljót " milli höfuðísa. Í Njáls sögu segir einnig frá því að Gunnar á Hlíðarenda og Njáll á Bergþórshvoli áttu skóg í Dímon og gerðu til kola. Þar vó Kolur, verkstjóri Gunnars, Svart, húskarl Njáls; þegar hann var við kolagerð. Var það fyrsta vígið sem unnið var í deilum þeirra Hallgerðar og Bergþóru. Litli-Dímon er sunnan við eystri brúarsporð gömlu Markarfljótsbrúar. Fell, hæðir eða háar eyjar, er nefnast Díma eða Dímon, eru á nokkrum stöðum á landinu. Eru þær venjulega tvær saman. Nafnið er talið merkja tvífjall og er komið úr latínu "di montes". Í Færeyjum eru til sams konar örnefni.

Náttúra
14.21 km
Seljalandsfoss

Foss í Seljalandsá þar sem hún steypist fram af hömrum Vestur-Eyjafjalla norðan við Seljaland.
Seljalandsfoss er á mörkum milli Seljalands og Hamragarða, einn af hæstu fossum landsins og horfir vel við á leið austur um Landeyjar. Gengt er á bak við fossinn. Mörgum þykir fossinn fegurstur í síðdegissól.
Heimild: Íslandshandbókin útgáfa 1995.

Heimild: Íslandshandbókin útgáfa 1995.

Saga og menning
18.50 km
Byggða- og samgöngusafnið í Skógum

Byggða- og Samgöngusafnið í Skógum. Byggðasafnið í Skógum varðveitir menningararf Rangæinga og Vestur-Skaftfellinga í atvinnutækjum, í listiðn, í gömlum húsakosti, í bókum, í handritum og skjölum. Í Samgöngusafninu birtist þróun samgangna og tæki á Íslandi á 19. og 20. öld. Um er að ræða safn samgöngutækja, en einnig er saga póstþjónustu, rafvæðingar og fjarskipt rakin. Í júní 2008 opnaði Slysavarnafélagið Landsbjörg í samvinnu við Skógasafn nýja sýningu í Samgöngusafninu sem gerir áttatíu ára sögu björgunarsveitanna í landinu skil. Veitingasala og ferðamannaverslun á staðnum.Opið daglega allt árið um kring: Maí og september: kl. 10- 17 Júní, júlí, ágúst: kl. 9-18:30 Október til apríl: kl. 11 - 16.Byggða og samgöngusafnið á Skógum Heimilisfang : Skógum. Póstnúmer : IS 861. Vegnúmer : 1 GPS : 63°31´35 N 19°29´36 W. Sími : 487-8845 Fax : 487-8848mailto:skogasafn@skogasafn.is http://www.skogasafn.is/

Suðurland

Þéttbýliskjarnar

Á Suðurlandi eru allmargir þéttbýlisstaðir, hver með sínu sniði og sjarma og allir bjóða upp á einhverskonar afþreyingu. Selfoss er þeirra stærstur og þar má finna ýmsar verslanir, þjónustu og marga veitinga- og skyndibitastaði. Flestir bæir eru í alfaraleið og því bæði hentugt og skemmtilegt að eiga þar viðdvöl.

Skoða meira

Map Höfn Kirkjubæjarklaustur Vík Vestmannaeyjar Hvolsvöllur Flúðir Laugarvatn Reykholt Laugarás Borg Brautarholt Hveragerði Árnes Selfoss Hella Stokkseyri Eyrarbakki Þykkvibær Þórlákshöfn