Leita
Finnur þú það ekki? Prófaðu leitina :)

Skaftfellingur VE33

Skaftfellingur - Við hafnlausaströnd

Vorið 2017 var opnuð sýning um eikarbátinn Skaftfelling VE33 að Víkurbraut 17 (Skaftfellingskemman) sem er beint á móti Upplýsingamiðstöðinni í Vík (Kötlusetur-Víkurbraut 28). Ásamt þessu merka 300 tonna skipi og minjum, er hægt að sjá 20 mín video um samgöngur á sjó og Skaftfelling og eldri sýningu um 112 skipaströnd sem urður á Suðurströndinni.

Skaftfellingur er skip með mikla sögu. Hann var farþega- og flutningaskip og þjónaði Skaftafellingum og Vestmanneyingum um fjögurra áratuga skeið eða til ársins 1959. Skaftfellingur flutti fisk frá Vestmanneyjum og Fleetwood í Bretlandi öll stríðsárin og bjargaði þýskum kafbáti 1942. Sigrún Jónsdóttir kirkjulistakona falaði skipið af fjölskyldu Helga Benediktssonar og lét flytja það til Víkur árið 2001.

Verið er að skipuleggja 100 ára afmæli sem verður haldið 18.maí n.k

Aðgangseyrir sem fer fyrst og fremst í að halda áfram uppbyggingu safnsins er eftirfarandi:

Fullorðnir: 500 ISK

Ungmenni(12-16 ára): 200 ISK

Börn (undir 12): FRÍTT

Hópar(8+ fólk)= 25% afsláttur

Hægt að fá leiðsögn en þá bætist við 500.kr á mann.

Opið daglega frá 12:00-18:00

Skaftfellingur VE33

Víkurbraut 17

GPS punktar N63° 25' 2.063" W19° 0' 49.141"
Sími

487-1395

Opnunartími Allt árið
Flokkar Sýningar

Skaftfellingur VE33 - ferðaupplýsingar

Úr gagnagrunni Ferðamálastofu Íslands

Aðrir

Volcano Hótel
Hótel
  • Ketilsstaðaskóli
  • 871 Vík
  • 486-1200
Golfklúbburinn Vík
Golfvellir
  • Klettsvegur
  • 870 Vík
  • 694-1700, 861-2299
Vikhorseadventure / Makki ehf.
Dagsferðir
  • Smiðjuvegur 6
  • 870 Vík
  • 787 9605
Mountain Excursion / Víkurhús slf -
Gönguferðir
  • Ketilsstaðaskóli
  • 871 Vík
  • 897-7737
Arcanum Adventure Tours
Ferðaskipuleggjendur
  • Ytri-Sólheimar 1
  • 871 Vík
  • 487-1500
Ingi Már Björnsson
Dagsferðir
  • Suður-Foss
  • 871 Vík
  • 894-9422, 487-1494
Hótel Katla - Keahotels
Hótel
  • Höfðabrekka
  • 871 Vík
  • 487-1208
Náttúra
18.35 km
Dyrhólaey

Höfði (um 110 m y.s.) með þverhníptu standbergi í sjó fram, en aflíðandi brekka er landmegin. Suður úr Dyrhólaey gengur mjór klettatangi, Tóin. Gegnum hana er gat og geta bátar siglt gegnum það þegar sjór er ládauður. Lítilli flugvél hefur verið flogið í gegnum gatið. Af Dyrhólaey er mikil útsýn. Vesturhluti hennar, Háey, er úr móbergi en austurhlutinn úr grágrýti. Talið er að Dyrhólaey hafi myndast á hlýskeiði seint á ísöld við gos í sjó og hafi gosið hagað sér líkt og Surtseyjargosið. Viti var reistur á höfðanum 1910 en endurbyggður 1927. Dyrhólaey var friðlýst 1978. Útræði var áður frá Dyrhólaey en er löngu aflagt. Komið hefur til orða að gera höfn við Dyrhólaey og hafa verið gerðar þar frumrannsóknir. Norðan og austan við eyna er allstórt lón, Dyrhólaós, útfall gegnum Eiði er austan við eyjarhornið. Þegar útfallið teppist, sem stundum verður í stórbrimum, flæðir vatn yfir engjar og þarf þá stundum að moka ósinn út. Í sjónum úti fyrir Dyrhólaey eru nokkrir klettadrangar, Dyrhóladrangar. Bæði þar og í Dyrhólaeyjarbjargi er mikið af fugli og mikið varp. Hæstur þessara dranga er Háidrangur (56 m y.s.). Hjalti Jónsson kleif hann árið 1893 og þótti sýna við það mikla dirfsku og fræknleik. Dyrhólaey er gjarnan nefnd Portland af sjómönnum og breskir togarasjómenn nefndu hana Blow Hole. Byggðin norðvestur af Dyrhólaey nefnist Dyrhólahverfi.

Náttúra
15.47 km
Hjörleifshöfði

Móbergsfell (221 m y.s.) á suðvestanverðum Mýrdalssandi. Sjór hefur fyrrum fallið að Hjörleifshöfða, "var þar þá fjörður, og horfði botninn inn að höfðanum", segir í Landnámabók. Mun sjór hafa náð að höfðanum fram á 14. öld en síðan hefur ströndin færst fram af völdum Kötluhlaupa. Nær sandurinn nú um þrjá km suður fyrir hann og er þar syðsti oddi Íslands, Kötlutangi.


Hjörleifshöfði er kenndur við Hjörleif Hróðmarsson fóstbróður Ingólfs Arnarsonar, fyrsta landnámsmannsins, að sögn Landnámabókar. Þeir urðu viðskila í hafi og kom Ingólfur að landi við Ingólfshöfða en Hjörleifur við Hjörleifshöfða. Vorið eftir réðust þrælar Hjörleifs að honum og drápu hann. Uppi á höfðanum er Hjörleifshaugur og þar á Hjörleifur að vera heygður.


Fyrrum var búið í Hjörleifshöfða en bærinn fór í eyði á þessari öld. Hjörleifshöfðabærinn var fyrr á öldum niðri á sandinum, vestan undir höfðanum, og tún og engjar umhverfis. Heitir þar síðan Bæjarstaður. Kötluhlaup tók bæinn af árið 1721 og var eftir það byggt uppi á höfðanum.


Í hópi síðustu ábúenda í Hjörleifshöfða var Markús Loftsson (1828-1906). Er legstaður Markúsar uppi á höfðanum, hvílir hann þar í grafreit ásamt nokkrum skyldmennum sínum. Markús ritaði bók um eldfjöll og eldgos á Íslandi.


Heimild: Íslandshandbókin útgáfa 1.0. Námsgagnastofnun 1995.

Náttúra
11.19 km
Reynisfjara, Reynisfjall og Reynisdrangar

Fjall (340 m y.s.) vestan Víkur í Mýrdal. Reynisfjall er úr móbergi með basaltbeltum og gengur í sjó fram. Hamrarnir eru þverhníptir en víða grónir hvönn og öðrum þroskamiklum gróðri.

Upp á Reynisfjall liggur akvegur sem hernámsliðið gerði upphaflega á heimsstyrjaldarárunum en var endurbættur seinna. Hann mun vera einn brattasti fjallvegur á Íslandi. Á Reynisfjalli var starfrækt lóranstöð um skeið. Sunnan í Reynisfjalli að vestan eru sérkennilegar stuðlabergsmyndanir og hellar, Hálsanefshellir. Ekið er að þeim suður Reynishverfi.

Saga og menning
0.89 km
Brydebúð

Brydebúð er staðsett í gamla hluta Víkurþorps, vestast í þorpinu undir bökkunum svokölluðu, ekki langt frá hrapinu og fjörunni.

Verslunarhúsið var upphaflega byggt í Vestmannaeyjum árið 1831 sem gamla Godthaabsverslun. Árið 1895 keypti J.P.T. Bryde, stórkaupmaður og grósseri, gamla verslunarhúsið, lét taka það niður og flytja sjóleiðina til Víkur.

Verslunarrekstur var óslitið í gömlu Brydebúð til ársins 1980: Brydeverslun 1895 - 1914, Þorsteinn Þorsteinsson & Co 1914 - 1926, Kaupfélag Skaftfellinga 1926 - 1980. Nánar er hægt að lesa um sögu Brydebúðar á vefsíðu þeirra hér

Aðrir

Gestastofan Eyrarland
Söfn
  • Eyrarland
  • 871 Vík
  • 821-1316

Aðrir

Puffin Hótel Vik
Gistiheimili
  • Víkurbraut 26
  • 870 Vík
  • 467-1212
Víkurskáli
Ferðaskipuleggjendur
  • Austurvegur 18
  • 870 Vík
  • 487-1230
Hótel Katla - Keahotels
Hótel
  • Höfðabrekka
  • 871 Vík
  • 487-1208
Fagridalur
Beint frá býli
  • Fagridalur
  • 871 Vík
  • 487-1105, 893-7205
Halldórskaffi
Kaffihús
  • Víkurbraut 28
  • 870 Vík
  • 487-1202, 847-8844
Ársalir
Gistiheimili
  • Austurvegur 7
  • 870 Vík
  • 487-1400, 866-7580

Suðurland

Þéttbýliskjarnar

Á Suðurlandi eru allmargir þéttbýlisstaðir, hver með sínu sniði og sjarma og allir bjóða upp á einhverskonar afþreyingu. Selfoss er þeirra stærstur og þar má finna ýmsar verslanir, þjónustu og marga veitinga- og skyndibitastaði. Flestir bæir eru í alfaraleið og því bæði hentugt og skemmtilegt að eiga þar viðdvöl.

Skoða meira

Map Höfn Kirkjubæjarklaustur Vík Vestmannaeyjar Hvolsvöllur Flúðir Laugarvatn Reykholt Laugarás Borg Brautarholt Hveragerði Árnes Selfoss Hella Stokkseyri Eyrarbakki Þykkvibær Þórlákshöfn