Leita
Finnur þú það ekki? Prófaðu leitina :)

Mengi Kjarnholt

Mengi Kjarnholt er nýtt sveitahótel í Biskupstungunum, í u.þ.b 100 km fjarlægð frá Reykjavík.Mengi Kjarnholt opnaði í maí 2015. Hótelið er rekið af Óð ehf, sem einnig hefur undir sínum hatti Mengi Apartments við Frakkastíg 14a í Reykjavík og Mengi, lítið menningarhús sem hýsir margvíslega menningarstarfsemi þó svo að aðaláherslan er á tónlistarflutning.

Við gefum okkur út fyrir það að vera með persónulega þjónustu og sjá til þess að gestir okkar upplifi úrvals gistiaðstöðu í bland við íslenska náttúruna og íslenska list.

Kjarnholt

Kjarnholt er fallegur gamall sveitabær ásamt hesthúsi sem byggt var í kringum 1950. Húsið hefur verið gert upp á undanförnum árum þar sem lögð hefur verið áhersla á að láta hlýleikann sem einkennir húsið halda sér í öllum innviðum þess. Húsið sem er á þremur hæðum er með sjö tveggja manna herbergi, tvö fjölskylduherbergi, sem geta hýst allt að fjóra. Eitt einstaklingsherberg og auk þessa er stór borðstofa. Á hverri hæð er sameiginlegt baðherbergi og úti á veröndinni er stór heitur pottur. Á jarðhæðinni er auk þess aðstaða með sér sturtum sem gestir geta notað að vild.

Við bæinn stendur gamalt hesthús sem hefur verið breytt í notarlega setustofu fyrir gesti með sjónvarpi og bar.

Morgunverður er innifalinn í verðinu og auk þess er hægt að panta kvöldmat áður en gestir koma. Morgun-, og kvöldverður er borinn fram í borðstofunni í gamla húsinu.

Mengi Kjarnholt

Kjarnholt III

GPS punktar N64° 17' 5.630" W20° 16' 49.678"
Sími

780-1414

Vefsíða www.kjarnholt.is
Gisting 10 Herbergi / 24 Rúm
Opnunartími 15/05 - 15/09
Þjónusta Hótel / gistiheimili Heitur pottur Sturta Tekið við greiðslukortum Morgunverður eingöngu
Flokkar Hótel

Mengi Kjarnholt - ferðaupplýsingar

Úr gagnagrunni Ferðamálastofu Íslands

Aðrir

Laugar Travel
Dagsferðir
  • Laugar
  • 845 Flúðir
  • 861-9682
Golfklúbburinn Geysir
Golfvellir
  • Haukadalur
  • 801 Selfoss
  • 486-8733
Skúli Kristinsson
Ferðaskipuleggjendur
  • Sel
  • 801 Selfoss
  • 896-4463
Understand Iceland
Ferðaskipuleggjendur
  • Daltún 801 Selfoss
  • 801 Selfoss
  • 696-6764
Við Faxa
Ferðaskipuleggjendur
  • Heiði
  • 801 Selfoss
  • 774-7440
Náttúra
12.61 km
Geysir

Þessi frægasti og fyrrum stærsti goshver heims er talinn hafa myndazt við mikla jarðskjálftahrinu í lok 13. aldar. Oddaverjaannáll segir um árið 1274, að í Eyrarfjalli (Laugarfjalli) hjá Haukadal komu upp hverir stórir; en sumir hurfu þeir, sem áður voru." Kísilúrfellingar hafa myndað talsverðan hól umhverfis hverinn. Skál hans er u.þ.b. 18 m í þvermál og niður úr henni gengur 18 m djúp hola, sem er 2 m í þvermál. Öldum saman gaus Geysir og laðaði til sín ferðamenn. Upp úr aldamótunum 1900 dró mjög af honum og síðan 1916 hefur hann ekki gert meira en að pusa upp vatni óreglulega, þó jókst kraftur hans að nýju eftir jarðskjálftahrinu á Suðurlandi árið 2000. Hæstu gosin voru á milli 40 og 80 m. Tugir hvera eru á svæðinu, sumir goshverir eins og Geysir. Þeirra helztir eru Strokkur, sem gýs reglulega með 3-5 mínútna millibili, og Smiður, sem lætur lítið á sér bera. Hverasvæðið er afgirt og friðlýst og í umsjá Náttúrustofu.

Náttúra
22.71 km
Brúará

Mikil bergvatnsá er rennur á mörkum Biskupstungna annars vegar og Laugardals og Grímsness hins vegar og fellur í Hvítá nokkru fyrir neðan Skálholt, vestan Vörðufells. Brúará kemur upp á Rótasandi en aðalupptökin eru þó í djúpu gljúfri milli Högnhöfða og Rauðafells. Þar heita Brúarárskörð. Fossar vatn víða úr gljúfurveggjunum niður í ána. Á löngu svæði liggur mjó og djúp gjá eftir miðri ánni. Tekur hún mestallt vatnið. Gjáin er mynduð við það að áin hefur grafið skessukatla í árbotninn og katlarnir étið sig hver inn í annan í keðju og myndað þannig samfellt gljúfur. Fyrrum var sett trébrú yfir gjána og rann þá vatn við báða enda hennar. Var þá vaðið um hrægrunnt vatn að brúnni beggja vegna. Þrír fossar eru í Brúará en ekki sérlega háir. Efstur þeirra er Brúarfoss þar sem áin steypist niður í gjána. Þrjár brýr eru nú yfir Brúará: hjá Spóastöðum í Biskupstungum, byggð 1967, Efstadal í Laugardalshreppi, byggð 1966 og sú þriðja, byggð 1961 rétt fyrir neðan Brúarfoss , er á hinum svokallaða Kóngsvegi, milli Efstadals í Laugardal og Úthlíðar í Biskupstungum, skammt frá sumarhúsahverfinu í Brekkuskógi. Þessi brú er eingöngu fyrir skepnur og gangandi fólk. Þar sem hún er lá áður steinbogi yfir Brúará. Í Brúará hjá Spóastöðum var einum Skálholtsbiskupa, Jóni Gerrekssyni, drekkt. Jón var biskup í Skálholti á fyrri hluta 15. aldar. Hann var óþokkamenni og þegar bændur voru búnir að fá sig fullsadda á yfirgangi og óknyttum hans og manna hans stungu þeir honum í poka og færðu hann í Brúará 20. júlí 1433. Rennsli árinnar er mjög jafnt, 50-80 m³/s árið um kring, mælt fyrir neðan Hagaós. Þar hefur mesta flóð mælst 300 m³/s.

Náttúra
15.00 km
Gullfoss

Gullfoss er í raun tveir fossar, efri fossinn er 11 metrar og neðri fossinn 20 metrar.
Sigríður Tómasdóttir var fædd í Brattholti 1871, bærinn var þá afskekktur en þangað komu þó gjarnan ferðamenn.
Sigríður fylgdi of ferðamönnum að fossinum og lagði ásamt systrum sínum fyrsta stíginn að fossinum.
Þegar menn fóru að sækjast eftir yfirráðum fallvatna til virkjanaframkvæmda um aldamótin 1900 háði Sigríður harða baráttu gegn því að Gullfoss yrði virkjaður.

Suðurland

Þéttbýliskjarnar

Á Suðurlandi eru allmargir þéttbýlisstaðir, hver með sínu sniði og sjarma og allir bjóða upp á einhverskonar afþreyingu. Selfoss er þeirra stærstur og þar má finna ýmsar verslanir, þjónustu og marga veitinga- og skyndibitastaði. Flestir bæir eru í alfaraleið og því bæði hentugt og skemmtilegt að eiga þar viðdvöl.

Skoða meira

Map Höfn Kirkjubæjarklaustur Vík Vestmannaeyjar Hvolsvöllur Flúðir Laugarvatn Reykholt Laugarás Borg Brautarholt Hveragerði Árnes Selfoss Hella Stokkseyri Eyrarbakki Þykkvibær Þórlákshöfn