Leita
Finnur þú það ekki? Prófaðu leitina :)

Icelandic Lava Show

Upplifðu alvöru rennandi hraun í návígi! Ógleymanleg skemmtun!

Icelandic Lava Show í Vík í Mýrdal endurskapar aðstæður eldgoss með því að hita hraun upp í 1100°C og hella því svo inn í sýningarsal fullum af fólki! Hvergi annars staðar í heiminum getur fólk upplifað rauðglóandi hraun í svo miklu návígi með öruggum hætti. Frábær sýning sem samtvinnar á einstaklega eftirminnilegan máta fræðslu, skemmtun og heimsklassa upplifun þar sem efniviðurinn er rennandi hraun! Sannkölluð veisla fyrir skynfærin og ógleymanleg upplifun fyrir unga sem aldna.

Icelandic Lava Show er hugarfóstur hjónanna Júlíusar Inga Jónssonar og Ragnhildar Ágústsdóttur en hugmyndin kviknaði þegar þau fóru upp að gosinu á Fimmvörðuhálsi árið 2010 og sáu hraunfossinn og ótrúlegt samspil hraunsins við ísinn allt um kring. Í lok árs 2015 sagði Júlíus starfi sínu lausu og hafa þau hjónin unnið að því að koma fyrirtækinu á laggirnar æ síðan. Það var svo í september 2018 sem Icelandic Lava Show opnaði dyr sínar fyrir gestum og gangandi og viðtökurnar hafa verið hreint frábærar líkt og sjá má á einkunnasíðum á borð við TripAdvisor og Google Maps. Hér er því um að ræða ungt og efnilegt fjölskyldusprotafyrirtæki sem er vel þess virði að heimsækja.

Nánari upplýsingar:

  • Lengd: ca 45-50 mínútur (fer eftir fjölda spurninga og stemmningu í salnum)
  • Aldur: Hentar öllum aldurshópum (en börn þurfa að vera í fylgd fullorðinna)
  • Staður: Víkurbraut 5, Vík í Mýrdal (í gamla Kaupfélagshúsinu)
  • Stund: fastir sýningartímar þar sem það tekur marga klukkutíma að bræða hraun - sjá tímasetningar og hvað er laust á icelandiclavashow.com
  • Mæting: það borgar sig að vera mætt/ur amk. 15 mínútum áður en sýningin hefst
  • Fatnaður: forðist að vera of mikið klædd því það hitnar mjög snögglega þegar rauðglóandi hraunið rennur í sýningarsalinn
  • Tungumál: oftast á ensku (nema ef allir í salnum skilja íslensku) - munum auglýsa séríslenskar sýningar í sumar
  • Hópar: Icelandic Lava Show er frábær skemmtun fyrir hópa og tekur allt að 50 manns í sæti á hverja sýningu. Hægt er aðlaga tíma að hópum. Fyrir tilboð, sendið okkur póst á info@icelandiclavashow.com

Lýsing á sýningunni sjálfri

  1. Í upphafi er stuttur inngangur þar sem sýningarstjórinn býður alla velkomna og leiðir fólk í allan sannleika um upplifunina, hvað hún felur í sér, hvernig hugmyndin kviknaði og afhverju Vík í Mýrdal varð fyrir valinu (ca 10-12 mínútur)
  2. Að innganginum loknum er sýnd stutt fræðslumynd af stað þar sem annars vegar er farið yfir það afhverju Ísland er svona virk eldfjallaeyja með áherslu á eldfjöllin í nágrenni Víkur. Hins vegar er sögð ótrúleg flóttasaga Jóns Gíslasonar, langafa sýningarstjórans og annar stofnanda Icelandic Lava Show, undan Kötlugosinu 1918 og hamfarahlaupinu sem því fylgdi (12 mínútur)
  3. Hápunktur sýningarinnar er svo þegar 1100°C heitu hrauninu er hellt inn í sýningarsalinn. Það er ólýsanleg tilfinning að sjá, heyra og finna hraunið renna inn í salinn - sannkölluð veisla fyrir skynfærin! Þegar hraunið rennur inn í rökkvaðan sýningarsalinn er eins og sýningargestir verði vitni að sólarupprás, svo skært er rauðglóandi hraunið. Þá finna gestir lyktina af bráðnu hrauninu þar sem það byrjar að storkna og heyra um leið hvernig það kraumar, bullar og snarkar. Það allra tilkomumesta er þó hitinn sem skellur á sýningargestum. Það er gífurlegur hitinn sem kemur flestum á óvart. Sýningarstjórinn gerir svo alls kyns æfingar með rauðglóandi hraunið sem er heillandi að fylgjast með en um leið ótrúlega upplýsandi (ca 20-25 mínútur)
  4. Að sýningu lokinni gefst svo öllum færi á að spyrja spurninga sem sýningarstjórinn reynir að svara eftir bestu getu. (ca 5 mínútur)

Allar nánari upplýsingar á icelandiclavashow.com

Icelandic Lava Show

Víkurbraut 5

GPS punktar N63° 25' 6.618" W19° 0' 35.885"
Sími

8237777

ICELANDIC LAVA SHOW - FRÍTT FYRIR BÖRN

TILBOÐ MEÐ FERÐAGJÖF
35% - 50% afsláttur
Með því að nýta ferðagjöf stjórnvalda hjá Icelandic Lava Show allt að tvöfaldarðu virði hennar. Við bjóðum þeim sem nýta ferðagjöfina hjá okkur að velja á milli eftirfarandi kaupaukatilboða:

  1. Frítt fyrir eitt barn (12 ára eða yngra)
    með hverri ferðagjöf
  2. Frítt fyrir einn "á bak við tjöldin" +
    50% afsláttur af gómsætri súpu að eigin vali með hverri ferðagjöf

Algjörlega mergjuð sýning! Krakkarnir elskuðu þetta. Mamma og pabbi voru yfir sig hrifin. Fullkomið fyrir alla fjölskylduna. //Árni Sigurðsson, 15. október 2019

Þetta er ólýsanleg upplifun og alger skylduáfangi fyrir alla sem búa á eldspúandi eyju á flekaskilum í Norður-Atlantshafi! //Arthúr Ólafsson, 13. júní 2020

Hafðu samband
Tilboð

ICELANDIC LAVA SHOW - FRÍTT FYRIR BÖRN

TILBOÐ MEÐ FERÐAGJÖF
35% - 50% afsláttur
Með því að nýta ferðagjöf stjórnvalda hjá Icelandic Lava Show allt að tvöfaldarðu virði hennar. Við bjóðum þeim sem nýta ferðagjöfina hjá okkur að velja á milli eftirfarandi kaupaukatilboða:

  1. Frítt fyrir eitt barn (12 ára eða yngra) með hverri ferðagjöf
  2. Frítt fyrir einn "á bak við tjöldin" + 50% afsláttur af gómsætri súpu að eigin vali með hverri ferðagjöf

Algjörlega mergjuð sýning! Krakkarnir elskuðu þetta. Mamma og pabbi voru yfir sig hrifin. Fullkomið fyrir alla fjölskylduna. //Árni Sigurðsson, 15. október 2019

Þetta er ólýsanleg upplifun og alger skylduáfangi fyrir alla sem búa á eldspúandi eyju á flekaskilum í Norður-Atlantshafi! //Arthúr Ólafsson, 13. júní 2020

Hafðu samband
Tilboð

ICELANDIC LAVA SHOW - KAUPAUKI

TILBOÐ MEÐ FERÐAGJÖF
35% - 50% afsláttur
Með því að nýta ferðagjöf stjórnvalda hjá Icelandic Lava Show allt að tvöfaldarðu virði hennar. Við bjóðum þeim sem nýta ferðagjöfina hjá okkur að velja á milli eftirfarandi kaupaukatilboða:

  1. Frítt fyrir eitt barn (12 ára eða yngra)
    með hverri ferðagjöf
  2. Frítt fyrir einn "á bak við tjöldin" +
    50% afsláttur af gómsætri súpu að eigin vali með hverri ferðagjöf

Sýning á heimsmælikvarða sem er uppfull af fróðleik og sögu um þjóð sem hefur lifað í skugga eldfjalla um aldur og ævi. Ég mæli eindregið með þessu fyrir alla! //Guðrún Sigurðardóttir, 5. júlí 2019

Algjörlega mergjuð sýning! Krakkarnir elskuðu þetta. Mamma og pabbi voru yfir sig hrifin. Fullkomið fyrir alla fjölskylduna.
//Árni Sigurðsson, 15. október 2019

Þetta er ólýsanleg upplifun og alger skylduáfangi fyrir alla sem búa á eldspúandi eyju á flekaskilum í Norður-Atlantshafi! //Arthúr Ólafsson, 13. júní 2020

Hafðu samband
Tilboð

Icelandic Lava Show - ferðaupplýsingar

Úr gagnagrunni Ferðamálastofu Íslands

Aðrir

Ingos Icebreaking Tours
Ferðasali dagsferða
  • Ketilstaðaskóli
  • 871 Vík
  • 773-7343
Ingi Már Björnsson
Dagsferðir
  • Suður-Foss
  • 871 Vík
  • 894-9422, 487-1494
Volcano Hótel
Hótel
  • Ketilsstaðaskóli
  • 871 Vík
  • 486-1200
Golfklúbburinn Vík
Golfvellir
  • Klettsvegur
  • 870 Vík
  • 694-1700, 861-2299
Mountain Excursion / Víkurhús slf -
Gönguferðir
  • Ketilsstaðaskóli
  • 871 Vík
  • 897-7737
Icelandic Mountain Guides
Vetrar afþreying
  • Stórhöfði 33
  • 110 Reykjavík
  • 587-9999
Vík Horse Adventure ( Makki ehf. )
Dagsferðir
  • Smiðjuvegur 6
  • 870 Vík
  • 8671486
Hótel Katla - Keahotels
Hótel
  • Höfðabrekka
  • 871 Vík
  • 487-1208
Náttúra
15.20 km
Hjörleifshöfði

Hjörleifshöfði er 221 metra hár móbergsstapi á suðvestanverðum Mýrdalssandi. Talið er að stapinn hafi myndast hefur í síðasta kuldaskeiði ísaldar þegar gosið hefur undir ísaldarjöklinum. Líklega hefur hann verið eyja í sjó á fyrri tíðum en orðin landfastur á landnámsöld með fjörð er nefndist Kerlingarfjörður sem fór inn með höfðanum. Í dag er hann hringaður af svörtum söndum sem borist hafa með endurteknum Kötluhlaupum.

Sunnan við Hjörleifshöfða er tangi kenndur við Kötlu og nefnist Kötlutangi. Sá myndaðist úr stóru gosi árið 1918 þar sem gífurlegt magn setefnis barst með stóru jökulhlaupi frá Kötlu. Tanginn er syðsti punktur meginlandsins Íslands þar sem fyrir gos átti Dyrhólaey þann heiður.

Hjörleifshöfði fær nafn sitt frá landnámsmanninum Hjörleifi Hróðmarssyni, fóstbróður Ingólfs Arnarsonar. Fóru þeir tvískipa á leið sinni til Íslands en urðu viðskila þar sem Ingólfur hafði vetursetu við Ingólfshöfða en fóstbróðirinn á Hjörleifshöfða. Lífið elti Hjörleif ekki á dvöl sinni, en hann var drepinn ásamt mönnum sínum af írskum þrælum sem fylgdu þeim til landsins. Flúðu þeir til Vestmannaeyja með konurnar þar sem Ingólfur fann þá og drap. Á höfðanum er haugur einn og hleðsla þar sem Hjörleifur er talinn grafinn.

Búið var á Hjörleifshöfða fram að árinu 1936 á bæ staðsettum upp á syðri hluta höfðans, en sá var fluttur þangað eftir gosið í Kötlu 1721 sem eyddi gamla bænum. Gamla bæjarstæðið er staðsett við áfangastað Kötlu Jarðvangs þegar komið er að Hjörleifshöfða vestan megin.

Náttúra
18.13 km
Dyrhólaey

Höfði (um 110 m y.s.) með þverhníptu standbergi í sjó fram, en aflíðandi brekka er landmegin. Suður úr Dyrhólaey gengur mjór klettatangi, Tóin. Gegnum hana er gat og geta bátar siglt gegnum það þegar sjór er ládauður. Lítilli flugvél hefur verið flogið í gegnum gatið. Af Dyrhólaey er mikil útsýn. Vesturhluti hennar, Háey, er úr móbergi en austurhlutinn úr grágrýti. Talið er að Dyrhólaey hafi myndast á hlýskeiði seint á ísöld við gos í sjó og hafi gosið hagað sér líkt og Surtseyjargosið. Viti var reistur á höfðanum 1910 en endurbyggður 1927. Dyrhólaey var friðlýst 1978. Útræði var áður frá Dyrhólaey en er löngu aflagt. Komið hefur til orða að gera höfn við Dyrhólaey og hafa verið gerðar þar frumrannsóknir. Norðan og austan við eyna er allstórt lón, Dyrhólaós, útfall gegnum Eiði er austan við eyjarhornið. Þegar útfallið teppist, sem stundum verður í stórbrimum, flæðir vatn yfir engjar og þarf þá stundum að moka ósinn út. Í sjónum úti fyrir Dyrhólaey eru nokkrir klettadrangar, Dyrhóladrangar. Bæði þar og í Dyrhólaeyjarbjargi er mikið af fugli og mikið varp. Hæstur þessara dranga er Háidrangur (56 m y.s.). Hjalti Jónsson kleif hann árið 1893 og þótti sýna við það mikla dirfsku og fræknleik. Dyrhólaey er gjarnan nefnd Portland af sjómönnum og breskir togarasjómenn nefndu hana Blow Hole. Byggðin norðvestur af Dyrhólaey nefnist Dyrhólahverfi.

Saga og menning
0.63 km
Brydebúð

Brydebúð er staðsett í gamla hluta Víkurþorps, vestast í þorpinu undir bökkunum svokölluðu, ekki langt frá hrapinu og fjörunni.

Verslunarhúsið var upphaflega byggt í Vestmannaeyjum árið 1831 sem gamla Godthaabsverslun. Árið 1895 keypti J.P.T. Bryde, stórkaupmaður og grósseri, gamla verslunarhúsið, lét taka það niður og flytja sjóleiðina til Víkur.

Verslunarrekstur var óslitið í gömlu Brydebúð til ársins 1980: Brydeverslun 1895 - 1914, Þorsteinn Þorsteinsson & Co 1914 - 1926, Kaupfélag Skaftfellinga 1926 - 1980. Nánar er hægt að lesa um sögu Brydebúðar á vefsíðu þeirra hér

Náttúra
10.91 km
Reynisfjara, Reynisfjall og Reynisdrangar

Reynisfjall (340 m y.s.) stendur vestan Víkur í Mýrdal. Reynisfjall er móbergsfjall sem myndast hefur við eldgos undi rjökli á kuldaskeiði Ísaldar. Í Reynisfjalli má finna óregluleg lög móbergs, bólstrabergs ásamt stuðluðum innskotslögum og bergæðum. Hamrarnir eru þverhníptir en víða grónir hvönn og öðrum þroskamiklum gróðri.

Upp á Reynisfjall liggur akvegur sem hernámsliðið gerði upphaflega á heimsstyrjaldarárunum en var endurbættur seinna. Hann mun vera einn brattasti fjallvegur á Íslandi. Á Reynisfjalli var starfrækt lóranstöð um skeið. Sunnan í Reynisfjalli að vestan eru sérkennilegar stuðlabergsmyndanir og hellar, Hálsanefshellir. Ekið er að þeim suður Reynishverfi.

Reynisdrangar eru bergdrangar sem rísa 66 metra upp fyrir sjávarmál. Við Reynisfjöru er Hálsanefshellir ásamt mjög fögrum stuðlabergsmyndum. Gæta skal varúðar við Reynisfjöru þar sem öldurnar geta verið varasamar og auðveldlega gengið langt inn á land og hrifsað með sér fólk út á sjó.

Aðrir

Gestastofan Eyrarland
Söfn
  • Eyrarland
  • 871 Vík
  • 821-1316

Aðrir

Víkurskáli
Veitingahús
  • Austurvegur 18
  • 870 Vík
  • 487-1230
Hótel Katla - Keahotels
Hótel
  • Höfðabrekka
  • 871 Vík
  • 487-1208
Hótel Dyrhólaey
Hótel
  • Mýrdalur
  • 871 Vík
  • 4871333
Ársalir
Gistiheimili
  • Austurvegur 7
  • 870 Vík
  • 487-1400, 866-7580
Veitingahúsið Suður-Vík
Veitingahús
  • Suðurvíkurvegur 1
  • 870 Vík
  • 487-1515, 8642959
Puffin Hótel Vik
Gistiheimili
  • Víkurbraut 26
  • 870 Vík
  • 467-1212
Smiðjan brugghús
Veitingahús
  • Sunnubraut 15
  • 870 Vík
  • 5718870, 865-6636
Halldórskaffi
Kaffihús
  • Víkurbraut 28
  • 870 Vík
  • 487-1202, 847-8844
Fagridalur
Beint frá býli
  • Fagridalur
  • 871 Vík
  • 487-1105, 893-7205

Suðurland

Þéttbýliskjarnar

Á Suðurlandi eru allmargir þéttbýlisstaðir, hver með sínu sniði og sjarma og allir bjóða upp á einhverskonar afþreyingu. Selfoss er þeirra stærstur og þar má finna ýmsar verslanir, þjónustu og marga veitinga- og skyndibitastaði. Flestir bæir eru í alfaraleið og því bæði hentugt og skemmtilegt að eiga þar viðdvöl.

Skoða meira

Map Höfn Kirkjubæjarklaustur Vík Vestmannaeyjar Hvolsvöllur Flúðir Laugarvatn Reykholt Laugarás Borg Brautarholt Hveragerði Árnes Selfoss Hella Stokkseyri Eyrarbakki Þykkvibær Þórlákshöfn