Leita
Finnur þú það ekki? Prófaðu leitina :)

Svarta fjaran Veitingahús

Svarta fjaran er veitingastaður og kaffihús sem staðsett er í einni mögnuðustu náttúruperlu Suðurstrandarinnar, Reynisfjöru. Svarta fjaran er í göngufæri við Reynisdranga, stuðlabergið og Hálsanefshelli. Frá veitingastaðnum er frábært útsýni að Dyrhólaey og yfir sjóinn.

Þjónustuhúsið var byggt árið 2014 og miðast arkitektúrinn við að láta bygginguna falla að landslaginu og voru m.a. notaðir steinar úr fjörunni sem byggingarefni í veggi og gólf.. Húsið fellur inn í fjallshlíðina og á þaki þess er útsýnispallur.

Á veitingahúsinu er hægt að fá m.a. heita súpu og brauð, kökur og samlokur gerðar á staðnum, vöflur með ís sem gerður er á einum bænum í nágrenninu, gosdrykki, safa, kaffi og te. Á veitingastaðnum er hægt að fá hefðbundinn íslenskan mat svo sem lamakjöt, nautakjöt og fisk, auk ýmisa smárétta.

Frí nettenging er í boði fyrir gesti.

Svarta fjaran Veitingahús

Reynisfjara

GPS punktar N63° 24' 15.386" W19° 2' 38.878"
Sími

571-2718

Opnunartími Allt árið
Þjónusta Opið allt árið Almenningssalerni Kaffihús Veitingastaður Aðgangur að interneti Tekið við greiðslukortum

Svarta fjaran Veitingahús - ferðaupplýsingar

Úr gagnagrunni Ferðamálastofu Íslands

Aðrir

Volcano Hótel
Hótel
  • Ketilsstaðaskóli
  • 871 Vík
  • 486-1200
Makki ehf.
Ferðaskipuleggjendur
  • Mánabraut
  • 870 Vík
  • 894-9422
Hótel Katla
Hótel
  • Höfðabrekka
  • 871 Vík
  • 487-1208
Þorsteinn Gunnarsson - Dyrhólaeyjarferðir
Ferðaskipuleggjendur
  • Vatnsskarðshólar 2
  • 871 Vík
  • 487-8500, 893-6800
Golfklúbburinn Vík
Golfvellir
  • Klettsvegur
  • 870 Vík
  • 694-1700, 861-2299
Mountain Excursion
Ferðaskipuleggjendur
  • Ketilsstaðaskóli
  • 871 Vík
  • 897-7737
Eiríkur Vilhelm Sigurðarson
Ferðaskipuleggjendur
  • Baugalda 23
  • 850 Hella
  • 866-2632
Saga og menning
10.88 km
Brydebúð

Brydebúð er staðsett í gamla hluta Víkurþorps, vestast í þorpinu undir bökkunum svokölluðu, ekki langt frá hrapinu og fjörunni.

Verslunarhúsið var upphaflega byggt í Vestmannaeyjum árið 1831 sem gamla Godthaabsverslun. Árið 1895 keypti J.P.T. Bryde, stórkaupmaður og grósseri, gamla verslunarhúsið, lét taka það niður og flytja sjóleiðina til Víkur.

Verslunarrekstur var óslitið í gömlu Brydebúð til ársins 1980: Brydeverslun 1895 - 1914, Þorsteinn Þorsteinsson & Co 1914 - 1926, Kaupfélag Skaftfellinga 1926 - 1980. Nánar er hægt að lesa um sögu Brydebúðar á vefsíðu þeirra hér

Náttúra
19.02 km
Dyrhólaey

Höfði (um 110 m y.s.) með þverhníptu standbergi í sjó fram, en aflíðandi brekka er landmegin. Suður úr Dyrhólaey gengur mjór klettatangi, Tóin. Gegnum hana er gat og geta bátar siglt gegnum það þegar sjór er ládauður. Lítilli flugvél hefur verið flogið í gegnum gatið. Af Dyrhólaey er mikil útsýn. Vesturhluti hennar, Háey, er úr móbergi en austurhlutinn úr grágrýti. Talið er að Dyrhólaey hafi myndast á hlýskeiði seint á ísöld við gos í sjó og hafi gosið hagað sér líkt og Surtseyjargosið. Viti var reistur á höfðanum 1910 en endurbyggður 1927. Dyrhólaey var friðlýst 1978. Útræði var áður frá Dyrhólaey en er löngu aflagt. Komið hefur til orða að gera höfn við Dyrhólaey og hafa verið gerðar þar frumrannsóknir. Norðan og austan við eyna er allstórt lón, Dyrhólaós, útfall gegnum Eiði er austan við eyjarhornið. Þegar útfallið teppist, sem stundum verður í stórbrimum, flæðir vatn yfir engjar og þarf þá stundum að moka ósinn út. Í sjónum úti fyrir Dyrhólaey eru nokkrir klettadrangar, Dyrhóladrangar. Bæði þar og í Dyrhólaeyjarbjargi er mikið af fugli og mikið varp. Hæstur þessara dranga er Háidrangur (56 m y.s.). Hjalti Jónsson kleif hann árið 1893 og þótti sýna við það mikla dirfsku og fræknleik. Dyrhólaey er gjarnan nefnd Portland af sjómönnum og breskir togarasjómenn nefndu hana Blow Hole. Byggðin norðvestur af Dyrhólaey nefnist Dyrhólahverfi.

Náttúra
0.00 km
Reynisfjara, Reynisfjall og Reynisdrangar

Fjall (340 m y.s.) vestan Víkur í Mýrdal. Reynisfjall er úr móbergi með basaltbeltum og gengur í sjó fram. Hamrarnir eru þverhníptir en víða grónir hvönn og öðrum þroskamiklum gróðri.

Upp á Reynisfjall liggur akvegur sem hernámsliðið gerði upphaflega á heimsstyrjaldarárunum en var endurbættur seinna. Hann mun vera einn brattasti fjallvegur á Íslandi. Á Reynisfjalli var starfrækt lóranstöð um skeið. Sunnan í Reynisfjalli að vestan eru sérkennilegar stuðlabergsmyndanir og hellar, Hálsanefshellir. Ekið er að þeim suður Reynishverfi.


Heimild: Íslandshandbókin útgáfa 1.0. Námsgagnastofnun 1995.

Suðurland

Þéttbýliskjarnar

Á Suðurlandi eru allmargir þéttbýlisstaðir, hver með sínu sniði og sjarma og allir bjóða upp á einhverskonar afþreyingu. Selfoss er þeirra stærstur og þar má finna ýmsar verslanir, þjónustu og marga veitinga- og skyndibitastaði. Flestir bæir eru í alfaraleið og því bæði hentugt og skemmtilegt að eiga þar viðdvöl.

Skoða meira

Map Höfn Kirkjubæjarklaustur Vík Vestmannaeyjar Hvolsvöllur Flúðir Laugarvatn Reykholt Laugarás Borg Brautarholt Hveragerði Árnes Selfoss Hella Stokkseyri Eyrarbakki Þykkvibær Þórlákshöfn