LTG European Awards 2018: Outdoor activity destination of the year: South Iceland
Vestfirðir Vesturland Norðurland Austurland Suðurland Reykjanes Höfuðborgarsvæðið
Leita
Finnur þú það ekki? Prófaðu leitina :)

Mosfell í Grímsnesi

Bær, kirkjustaður og prestssetur í Grímsnesi austan undir samnefndu móbergsfelli (254 m y.s.). Á Mosfelli bjó Ketilbjörn hinn gamli Ketilsson er "nam Grímsnes allt upp frá Höskuldslæk og Laugardal allan og alla Biskupstungu upp til Stakksár". Hann átti ógrynni silfurs, svo mikið að hann bauð sonum sínum að gera þverslá úr silfri í hofið á bænum en þeir neituðu. Þá lét Ketilbjörn tvo uxa draga silfrið upp á fjallið en þræl og ambátt lét hann grafa fjársjóðinn og fela. Síðan drap Ketilbjörn þau bæði svo að þau yrðu ekki til frásagnar um felustaðinn.

Núverandi kirkja er timburkirkja, reist árið 1848. Gert var við hana og hún endurvígð 1979. Kirkjan var friðuð 1982. Hún á ýmsa góða gripi. Predikunarstóll er eftir Ámunda Jónsson, smið í Langholti. Stóllinn er með máluðum myndum af Kristi og guðspjallamönnunum og nafni höfundar og ártalinu 1799. Altaristaflan sýnir Maríu og Jósep með Jesúbarnið. Söngtaflan er eftir Ófeig Jónsson í Heiðarbæ.


Heimild: Íslandshandbókin útgáfa 1995

Mosfell í Grímsnesi
GPS punktar N60° 11' 54.335" W28° 0' 57.426"
Póstnúmer

805

Vegnúmer

35

Mosfell í Grímsnesi - ferðaupplýsingar

Úr gagnagrunni Ferðamálastofu Íslands

Suðurland

Þéttbýliskjarnar

Á Suðurlandi eru allmargir þéttbýlisstaðir, hver með sínu sniði og sjarma og allir bjóða upp á einhverskonar afþreyingu. Selfoss er þeirra stærstur og þar má finna ýmsar verslanir, þjónustu og marga veitinga- og skyndibitastaði. Flestir bæir eru í alfaraleið og því bæði hentugt og skemmtilegt að eiga þar viðdvöl.

Skoða meira

Map Höfn Kirkjubæjarklaustur Vík Vestmannaeyjar Hvolsvöllur Flúðir Laugarvatn Reykholt Laugarás Borg Brautarholt Hveragerði Árnes Selfoss Hella Stokkseyri Eyrarbakki Þykkvibær Þórlákshöfn