Leita
Finnur þú það ekki? Prófaðu leitina :)

Sagnheimar - byggðasafn

Sagnheimar - byggðasafn
Sagnheimar eru nýtt safn sem byggir á gömlum merg byggðasafnsins. Margmiðlun er nýtt í viðbót við safnmuni til að segja einstaka sögu Vestmannaeyja, má þar nefna:

Heimaeyjargosið 1973
Aðfararnótt 23. janúar hófst eldgos í Heimaey. Þá um nóttina voru nær allir íbúarnir, um 5.300 manns, fluttir til lands. Af um 1345 húsum fór um þriðjungur undir ösku og annar þriðjungur skemmdist. Á sýningunni getur að líta fjölda ljósmynda auk þess sem unnt er að hlusta á viðtöl.

Tyrkjaránið 1627
16. júlí 1627 læddust þrjú skip upp að austurströnd Heimaeyjar og á land stigu 300 sjóræningjar. Í þrjá daga æddu þeir um eyjuna með hrópum og köllum, hertóku fólk og drápu miskunnarlaust. Af um 500 íbúum höfðu sjóræningjarnir með sér 242 fanga til skips og seldu á þrælamarkaði í Alsír. Saga Tyrkjaránsins er sögð í formi teiknimynda.

Hættulegasta starf í heimi?
Sjómennskan og fiskvinnsla skipa mikilvægasta sessinn í lífi Eyjamanna. Fjallað er um þróun fiskveiða, sjómannslífið, hættur og hetjudáðir, björgunarstörf, vinnslu í landi og verbúðarlíf í máli og myndum í viðbót við gamla muni. Í gamalli talstöð má heyra bæjarbúa segja sögu sjóslysa.

Opnunartími

1. maí - 30. september: alla daga frá 10:00-17:00

1. október - 30. apríl: Laugardaga 13:00-16:00, aðra daga lokað (opið eftir samkomulagi)


Sagnheimar - byggðasafn

Safnahúsið við Ráðhúströð

GPS punktar N63° 26' 32.683" W20° 16' 35.659"
Sími

488-2050

Opnunartími Allt árið

Sagnheimar - byggðasafn - ferðaupplýsingar

Úr gagnagrunni Ferðamálastofu Íslands

Aðrir

Lyngfell hestaleiga - Ása Birgisdóttir
Hestaafþreying
  • Lyngfell
  • 900 Vestmannaeyjar
  • 898-1809
Kayak & Puffins
Ferðasali dagsferða
  • Ægisgata 2
  • 900 Vestmannaeyjar
  • 8393090
Golfklúbbur Vestmannaeyja
Golfvellir
  • Torfmýravegur
  • 902 Vestmannaeyjar
  • 481-2363
Náttúra
2.70 km
Eldfell

Eldfjall á Heimaey skammt fyrir austan Helgafell, um 200 m á hæð. Eldfell myndaðist í gosinu er hófst 23. janúar 1973 og stóð til 26. júní sama ár. Talið er að heildarmagn gosefna hafi verið um 250 millj. m³. Heimaey stækkaði um 2,1 km². Eftir að gosinu lauk hófst hreinsun bæjarins og mun um 2,2 millj. m³ af gosgjalli og um 200 þús. tonn af hraungrjóti hafa verið flutt burt. Nýja hraunið og Eldfell eru um 3,2 km². Í gosinu rann hraunið yfir austurhluta bæjarins og grófust um 400 hús undir ösku og hraun en önnur 400 skemmdust að meira eða minna leyti, um 60% allra húsa bæjarins. Af mannvirkjum, sem eyðilögðust, má nefna sundlaugina og hluta af Skansinum, en svo nefndist virkið sem byggt var við höfnina eftir Tyrkjaránið 1627.

Náttúra
1.33 km
Herjólfsdalur

Dalverpi á Heimaey undir austanverðu Dalfjalli. "Herjólfur son Bárðar Bárekssonar, bróðir Hallgríms sviðbálka byggði fyrst Vestmannaeyjar og bjó í Herjólfsdal fyrir innan Ægisdyr þar sem nú er hraun brunnið", segir í Landnámabók. Talið er að byggð hafi snemma farið í auðn í Herjólfsdal vegna uppblásturs um vestanverða Heimaey.

Á árunum 1971-1981 voru gerðar umfangsmiklar og ítarlegar fornleifarannsóknir á húsarústum í Herjólfsdal, sem höfðu fyrr verið rannsakaðar lítillega árið 1924. Rannsóknir þessar hafa með óyggjandi rökum leitt í ljós, að föst byggð hefur verið í Vestmannaeyjum talsvert fyrir áður tímasett landnám á Íslandi, árið 874.

Í Herjólfsdal er Daltjörn. Hún myndast af afrennsli úr Lindinni sem var eitt besta vatnsból á Heimaey. Í Herjólfsdal halda Eyjamenn hina árlegu þjóðhátíð sína sem er að svip frábrugðin öllum öðrum hátíðahöldum á Íslandi. Þessi mannfagnaður hefur verið haldinn árlega frá aldamótum að undanteknu árinu 1914. Þjóðhátíð Vestmannaeyja var fyrst haldin árið 1874 er þjóðhátíð var haldin víða á Íslandi til að fagna nýrri stjórnarskrá og minnast 1000 ára byggðar í landinu, þar af er nafnið komið. Þetta er þriggja daga hátíð og slá Eyjamenn upp tjaldborg með sérstökum hústjöldum í Herjólfsdal og flytja búferlum í Dalinn, en mikill fjöldi aðkomufólks sækir Eyjarnar heim. Hátíðin er venjulega haldin fyrstu helgi í ágúst.

Aðrir

Héraðsskjalasafn Vestmannaeyja
Bóka- og skjalasöfn
  • Safnahúsið við Ráðhúströð
  • 900 Vestmannaeyjar
  • 481-3194
Stafkirkjan í Vestmannaeyjum
Söguferðaþjónusta
  • 481-3555

Aðrir

Kráin
Veitingahús
  • Bárustígur 1
  • 900 Vestmannaeyjar
  • 481-3939
Slippurinn
Veitingahús
  • Strandvegur 76
  • 900 Vestmannaeyjar
  • 6665544
900 Grillhús
Veitingahús
  • Vestmannabraut 23
  • 900 Vestmannaeyjar
  • 4821000
Tanginn
Veitingahús
  • Básaskersbryggja 8
  • 900 Vestmannaeyjar
  • 414-4420
Dalhraun 6 ehf
Barir og skemmtistaðir
  • Kirkjuvegur 21
  • 900 Vestmannaeyjar
  • 8606959

Suðurland

Þéttbýliskjarnar

Á Suðurlandi eru allmargir þéttbýlisstaðir, hver með sínu sniði og sjarma og allir bjóða upp á einhverskonar afþreyingu. Selfoss er þeirra stærstur og þar má finna ýmsar verslanir, þjónustu og marga veitinga- og skyndibitastaði. Flestir bæir eru í alfaraleið og því bæði hentugt og skemmtilegt að eiga þar viðdvöl.

Skoða meira

Map Höfn Kirkjubæjarklaustur Vík Vestmannaeyjar Hvolsvöllur Flúðir Laugarvatn Reykholt Laugarás Borg Brautarholt Hveragerði Árnes Selfoss Hella Stokkseyri Eyrarbakki Þykkvibær Þórlákshöfn