Leita
Finnur þú það ekki? Prófaðu leitina :)

Upplýsingar

Upplýsingar

Ýmsar upplýsingar og þjónusta er í boði fyrir fólk á ferðinni. Hægt er að nálgast upplýsingar um allt sem viðkemur ferðalögum innanlands í upplýsingamiðstöðvum ferðamála sem finna má í öllum landshlutum. Starfsfólk ferðaskrifstofa getur einnig gefið góð ráð.

Bókunarþjónusta

Flestar upplýsingamiðstöðvar bjóða upp á bókunarþjónustu. Slíka þjónustu er einnig hægt að nálgast á vissum hótelum og flugvöllum.

Ferðaskipuleggjendur

Mörg fyrirtæki sérhæfa sig í skipulagningu ferða. Flest þeirra halda úti  aðgengilegum vefsíðum þar sem hægt er að skoða og bóka ferðir.

Ferðaskrifstofur

Það getur verið gagnlegt að heimsækja ferðaskrifstofu annað hvort á netinu eða utan, við skipulagningu ferðar, hvort sem ætlunin er að bóka hópferð eða ferðast á eigin vegum.

Ræðismenn

Allmargar þjóðir eru með ræðismann á Íslandi. Á vef utanríkisráðuneytisins er að finna lista yfir ræðismenn og aðrar nánari upplýsingar.

Sendiráð

Sendiráð nokkurra þjóða eru í Reykjavík. Opnunartímar og reglur um aðgang eru mismunandi, en nánari upplýsingar um sendiráð á Íslandi má finna á vef utanríkisráðuneytisins eða á vefsíðum einstakra sendiráða. 

Upplýsingamiðstöðvar

Upplýsingamiðstöðvar ferðamála má finna víðsvegar um landið. Starfsfólk þeirra veitir meðal annars upplýsingar um veður, áhugaverða staði, aðstoðar við bókanir og margt fleira. Þar er einnig hægt að nálgast kort og bæklinga.

Verslun

Það getur verið skemmtilegt að versla á Íslandi og hér er að finna ýmsar alþjóðlegar verslunarkeðjur og vörur í ýmsum verð- og gæðaflokkum. Fjölmargar minjagripaverslanir, handverksmarkaði og verslanir sem selja íslenska hönnun er að finna um allt land og stundum hægt að gera góð kaup á spennandi vöru.

Suðurland

Þéttbýliskjarnar

Á Suðurlandi eru allmargir þéttbýlisstaðir, hver með sínu sniði og sjarma og allir bjóða upp á einhverskonar afþreyingu. Selfoss er þeirra stærstur og þar má finna ýmsar verslanir, þjónustu og marga veitinga- og skyndibitastaði. Flestir bæir eru í alfaraleið og því bæði hentugt og skemmtilegt að eiga þar viðdvöl.

Skoða meira

Map Höfn Kirkjubæjarklaustur Vík Vestmannaeyjar Hvolsvöllur Flúðir Laugarvatn Reykholt Laugarás Borg Brautarholt Hveragerði Árnes Selfoss Hella Stokkseyri Eyrarbakki Þykkvibær Þórlákshöfn