LTG European Awards 2018: Outdoor activity destination of the year: South Iceland
Vestfirðir Vesturland Norðurland Austurland Suðurland Reykjanes Höfuðborgarsvæðið
Leita
Finnur þú það ekki? Prófaðu leitina :)

Midgard Restaurant

Midgard Restaurant er staðsettur á Hvolsvelli. Við bjóðum upp á "Feel Good Food" sem bæði nærir og kætir. Við leggjum jafnframt áherslu á að nota hráefni úr heimabyggð og reynum að gera allt frá grunni. Við bjóðum upp á breitt úrval rétta fyrir kjöt-, fisk- og grænmetisætur og auðvitað líka grænkera.

Bar og Happy Hour
Á barnum bjóðum við upp á gott úrval íslenskra bjóra, bæði á krana og í flösku ásamt kokteilum og sterkjum drykkum. Happy hour er í boði alla daga frá 17-19.

Viðburðir og námskeið
Við erum með frábæra aðstöðu fyrir viðburði. Endilega skoðið Facebook síðuna okkar til að sjá hvað er í gangi hjá okkur hverju sinni.

Mugison, Ásgeir Trausti, Jónas Sig., Hjálmar, Valdimar og fullt af fleirum frábærum tónlistarmönnum hafa spila hjá okkur. Einnig höfum við haldið Þakkagjörðarhátíð, Sænskt jólahlaðborð, Spænskt smakkkvöld og fleiri matarviðburði þar sem að kokkarnir elda mat frá sínum löndum.

Við höfum einnig verið með allskonar skemmtileg útivistarnámskeið, Wim Hof námskeið, RIE uppeldisnámskeið, kryddjurtanámskeið, hlaupafyrirlestur með Sigurjóni Erni og fleiri fyrirlestrar sem að hafa verið vel sóttir.

Midgard Base Camp
Midgard Restaurant er hluti af Midgard Base Camp sem er í senn hótel og hostel. Í boði eru bæði kojuherbergi og prívat-herbergi (tveggja manna herbergi eða fjölskylduherbergi). Baðherbergin eru annað hvort sameiginleg eða sér. Kojurnar eru sérstaklega glæsilegar og þægilegar. Þær eru búnar gæðadýnum, gardínum til að fá meira næði, lesljósi og innstungum. Þær eru jafnframt heimasmíðaðar og boltaðar í gegnum veginn.

Fyrirmyndaraðstaða fyrir gesti
Allir gestir fá aðgang að heitum potti og sauna þar sem hægt er að njóta útsýnis yfir Eyjafjallajökul og á góðum degi má sjá alla leiðina til Vestmannaeyja. Eftir ævintýri dagsins geta gestir slappað af í notalegum sófum og rólum í stóru sameiginlegu rými. Önnur aðstaða fyrir gesti sem vert er að nefna: gestaeldhús, þvottavél, þurrkuskápur, útiverönd þar sem gott er að slaka á yfir sumartímann, há-hraða internettenging í allri byggingunni og nóg af bílastæðum.

Midgard Adventure (ferðaskrifstofa)
Ferðaskrifstofan Midgard Adventure er einnig til húsa í Midgard. Við sérhæfum okkur í ævintýraferðum um Suðurlandið, bæði dagsferðum og lengri ferðum.

Áhugaverðir tenglar

Heimasíða Midgard Restaurant

Matseðlar Midgard Restaurant

Staðsetning Midgard Restaurant á Google Maps

Heimasíða Midgard Base Camp

Heimasíða Midgard Adventure

Kynningamyndbönd Midgard

Midgard Base Camp á Facebook

Midgard Adventure á Facebook

@Midgard.Base.Camp á Instagram

@MidgardAdventure á Instagram

Midgard Restaurant

Dufþaksbraut 14

GPS punktar N63° 44' 45.434" W20° 13' 41.203"
Sími

578-3180

Opnunartími Allt árið
Flokkar Veitingahús

Midgard Restaurant - ferðaupplýsingar

Úr gagnagrunni Ferðamálastofu Íslands

Náttúra
21.53 km
Gljúfrabúi

Gljúfrabúi, sem er um 40 metra hár, er í landi eyðijarðarinnar Hamragarða sem Skógræktarfélag Rangæinga fékk að gjöf árið 1962 og er nú í eigu Rangárþings eystra. Ákveðin dulúð er yfir fossinum þar sem hann fellur ofan í djúpa gjá en framan við fossinn er mikill hamraveggur úr móbergi sem lokar fossinn af svo aðeins sést rétt efst í hann. Kletturinn sem lokar fossinn af kallast Franskanef. Áður fyrr töldu menn að hann og hamrarnir í kring væru bústaðir huldufólks. Hægt er að klifra upp á Franskanef og sjá fossinn ofan frá. Á glæfralegustu stöðunum er keðja sem hægt er að styðja sig við, það þarf þó að sýna varfærni ef upp er farið og er það alls ekki fyrir alla. Einnig er hægt að fara úr skónum og vaða ána inn gilið og er það mögnuð upplifun. Hafa skal varann á þegar farið er inn gilið því hætta er á grjóthruni. Fyrir neðan Franskanef er gömul baðþró og inn af þrónni er lítill hellir sem heitir Ömpuhellir eftir einsetukonu sem þar á að hafa búið. Fyrir ofan Ömpuhelli eru tvær hvilftir inn í bergið sem nefnast Efra og Neðra ból. Í Neðra bóli var fyrr á tímum þurrkaður þvottur en í Efra bóli voru þurrkuð reipi og má enn sjá snaga í berginu í báðum þessum bólum. Gljúfrabúi er friðlýstur sem náttúruvætti.

Töluvert sunnan við Gljúfrabúa er lítið gil í hamraveggnum þar sem hægt er að fara upp á heiðina fyrir ofan og virða fyrir sér útsýnið yfir héraðið. Talað var um að fara upp Stíginn og lækurinn í gilinu nefndur Stígslækur. Stígurinn er enn nokkuð skýr, hálfgerðar tröppur eru upp þar sem er brattast. Rétt fyrir ofan brúnina eru leifar gamalla fjárhúsa frá Hamragörðum.

Gljúfrabúi, gamli foss!

gilið mitt í klettaþröngum!

góða skarð með grasahnoss!

gljúfrabúi, hvítur foss!

verið hefur vel með oss,

verða mun það enn þá löngum;

gljúfrabúi, gamli foss!

gilið mitt í klettaþröngum!

Úr "Dalvísu" eftir Jónas Hallgrímsson

Aðrir

Almar Bakarí
Kaffihús
  • Suðurlandsvegur
  • 850 Hella
  • 483-1919
Lágafell
Gistiheimili
  • Lágafell
  • 861 Hvolsvöllur
  • 8918091, 897-8091
N1 - Þjónustustöð Hvolsvöllur
Hleðslustöð
  • Austurvegur 3
  • 860 Hvolsvöllur
  • 487-8197

Suðurland

Þéttbýliskjarnar

Á Suðurlandi eru allmargir þéttbýlisstaðir, hver með sínu sniði og sjarma og allir bjóða upp á einhverskonar afþreyingu. Selfoss er þeirra stærstur og þar má finna ýmsar verslanir, þjónustu og marga veitinga- og skyndibitastaði. Flestir bæir eru í alfaraleið og því bæði hentugt og skemmtilegt að eiga þar viðdvöl.

Skoða meira

Map Höfn Kirkjubæjarklaustur Vík Vestmannaeyjar Hvolsvöllur Flúðir Laugarvatn Reykholt Laugarás Borg Brautarholt Hveragerði Árnes Selfoss Hella Stokkseyri Eyrarbakki Þykkvibær Þórlákshöfn