Leita
Finnur þú það ekki? Prófaðu leitina :)

Sæluferðir

saeluferdir_forsida.jpg
Sæluferðir

Ef þú vilt njóta matar, menningar og dekurs þá er Suðurland staðurinn en fjölmargt er í boði fyrir hjóna-, vina- og vinkonufríið hvort sem um er að ræða dagsferð eða ef dvalið er til lengri tíma. Fjölbreyttir gisti-  og afþreyingarmöguleikar eru í boði fyrir hópinn þinn eða bara fyrir rómantíska ferð fyrir ykkur makann.

Hér er hægt að skoða ýmsar hugmyndir að sæluferðum á Suðurland.

Sæluferð í Hveragerði

Matur, menning og dekur í Hveragerði

Ef þú vilt njóta matar, menningar og dekurs þá er Hveragerði staðurinn. Bærinn hefur margt upp á að bjóða fyrir hjóna-, vina- og vinkonufríið hvort sem um er að ræða dagsferð eða dvalið sé til lengri tíma. Fjölbreyttir gistimöguleikar eru í boði fyrir hópinn þinn eða bara fyrir rómantíska ferð fyrir ykkur makann.

Gisting á hótelum og gistihúsum bæjarins 

Afþreying:

  • Lengri og styttri gönguleiðir í Hveragerði og nágrenni við Hveragerði. 
  • Sundlaugin Laugarskarði. 
  • Listasafnið og Hveragarðurinn. 
  • Viðburði sem haldnir eru reglulega eins og tónleikar á Skyrgerðinni og árlegar leiksýningar. 
  • Hjólaferðir með afþreyingarfyrirtæki bæjarins. 
  • Aparólan yfir Reykjarfoss. 
  • Golfvöllurinn Gufudal
  • Dekur og nudd á Heilsuhælinu Hveragerði
  • Bjórhátíðin í bænum sem haldin er í október.

Matur; allir veitingastaðir bæjarins. Bærinn bíður uppá gott úrval veitingastaða sem hægt er að velja úr.  

Sæluferð í Uppsveitum

Uppsveitir
Menning, matur saga

Menning og saga er samofin náttúru og daglegu lífi. 
Fjölmargar náttúruperlur og merkir sögustaðir eru í uppsveitunum sem gaman er að kanna. Ferðalögum fylgir gjarnan matarupplifun og í uppsveitunum er lögð áhersla á sérstöðu á hverjum stað. Víða er blandað saman búskap, garðyrkju og ferðaþjónustu og gestum gefinn kostur á að fræðast og upplifa.  Fræðsla um búskaparhætti fyrr og nú, matvælaframleiðslu og nýtingu jarðhita.  Víða má versla matvörur beint frá býli, kjöt, grænmeti, ber og ýmislegt góðgæti.

Gisting
Tjaldsvæði, hótel, gistiheimili, bændagisting, farfuglaheimili, sumarhús, íbúðir og fjallaskálar
www.sveitir.is www.south.is  

Afþreying

Söfn/sögustaðir/sýningar

Útivist / Gönguferðir

  • Gönguleiðir í skógum:  Í Þrastaskógi, Haukadalsskógi, Laugarvatni og í Þjórsárdal eru merktir göngustígar.
  • Í nágrenni Laugarvatns og nágrenni Flúða eru merktar gönguleiðir. 
  • Fjöll og fell til fjallgöngu fyrir alla fjölskylduna.

Kort og leiðir að finna á www.sveitir.is

Sund – Gufa

Baðmenningin er sterk á jarðhitasvæði.
Sundlaugin Flúðum, Laugarvatni, Úthlíð, Reykholti, Borg, Hraunborgum, Neslaug Árnesi,
Skeiðalaug Brautarholti, Laugarvatn Fontana www.fontana.is
Gamla laugin/Secret lagoon náttúrulaug  Hvammi Flúðum www.secretlagoon.is

Áhugaverðir staðir
Þingvellir, Gullfoss, Geysir, Kerið, Laugarvatn, Skálholt, Brúarhlöð, Þrastaskógur, Haukadalsskógur, Þjórsárdalsskógur, Þjórsárdalur, Þjóðveldisbærinn,  Hjálparfoss, Stöng, Gjáin, Háifoss. Byggðakjarnar.

Matur
Fjölbreyttir veitingastaðir af öllum gerðum, eitthvað fyrir alla.  Uppsveitirnar eru sannkölluð matarkista og víða er hægt að kaupa grænmeti og alls kyns framleiðslu beint frá býli.
www.sveitir.is
www.south.is

Matarupplifun

  • Friðheimar tekið á móti hópum og einstaklingum í  “Matarupplifun í gróðurhúsi” alla daga
    Fræðsla og veitingar www.fridheimar.is                   
  • Efsti-Dalur ferðamannafjós þar sem fylgjast má með mjöltum, ís- og ostagerð ásamt því að borða veitingar beint frá býli á veitingastað og ísbúð. www.efstidalur.is
  • Farmers Bistro Flúðum, veitingastaður og fræðsla um svepparæktun www.farmersbistro.is 

Uppsveitirnar eru kjörinn áfangastaður fyrir þá sem hafa áhuga á mat, menningu og sögu.
Gistimöguleikar eru af öllum gerðum. Fjölmargir góðir veitingastaðir og er hver og einn þeirra með sína sérstöðu. 
Áhersla er lögð á hollt og gott hráefni úr nærumhverfi enda eru Uppsveitirnar mikil matarkista.
Velkomin í Uppsveitir Árnessýslu og njótið þess sem svæðið hefur uppá að bjóða. 

Allar nánari upplýsingar má finna á www.sveitir.is og www.south.is

Við erum tilbúin til að aðstoða við að gera heimsóknina ánægjulega.

Sæluferð í Rangárþing ytra

Ef þú vilt njóta sveitarsælunnar í góðra vina hópi, þá er Rangárþing ytra staðurinn.

Gisting: gisting á hótelum, gistiheimilum, sumarbústöðum, veiðiskálum og tjaldsvæðum.

Afþreying:

  • Frisbígólf 
  • Golf 
  • Sund – Hellu og Laugalandi 
  • Hestaleigur 
  • Hellaskoðanir  
  • Buggy ferðir
  • Veiði 
  • Gönguferðir

Áhugaverðir staðir: Hekla, Landmannalaugar, Landmannahellir, Þjófafoss, Fossabrekkur, Ægissíðufoss og ýmsir hellar.

Matur: Veitingastaðir, bakarí, sjoppa. 

Endilega kynntu þér Rangárþing ytra og nágrenni enn betur og njóttu dvalarinnar með maka þínum, vinum eða vinkonum: 

Hella og nágrenni

Sæluferð í Mýrdalshrepp

Hefur þú farið í borgarferð til Víkur? Fá þorp á Íslandi bjóða upp á eins mikið úrval af hótelum, veitingastöðum og börum. Bragðið á Fagradals bleikju, fáið kynnisferð um brugghúsið og takið svo göngu á ströndinni á meðan kvöldsólin kyssir Reynisdranga. Í gamla hluta þorpsins finnur þú sjóminjasafnið Hafnleysu og gestastofu Kötlu jarðvangs þar sem þú getur fengið kort af bænum og upplýsingar um alla helstu staðina.

Gisting:

  • Hótel
  • Fjölbreytt gistiheimili
  • Sveitagisting

Afþreying:

  • Golfvöllur
  • Hestaferðir í fjörunni
  • Hraunsýningin Icelandic Lava Show
  • Jeppaferðir
  • Gönguleiðir
  • Sundlaug
  • Sjóminjasafnið Hafnleysa
  • Kötlusetur, gestastofa Kötlu jarðvangs

Áhugaverðir staðir:

  • Sólheimajökull
  • Flugvélarflakið á Sólheimasandi
  • Dyrhólaey
  • Reynisfjara
  • Víkurfjara
  • Víkurþorp
  • Hjörleifshöfði
  • Þakgil
  • Ýmsar gönguleiðir

Matur:

  • Suður-Vík veitingahús
  • Halldórskaffi
  • Smiðjan brugghús
  • Súpufélagið
  • Svarta fjaran veitingahús við Reynisfjöru
  • Ströndin bar & bistro
  • Ice-cave veitingahús
  • Lava-café kaffihús

Leggðu bílnum og njóttu alls þess sem Vík hefur upp á að bjóða í göngufæri. Endilega kynntu þér Mýrdalshrepp og nágrenni enn betur og njóttu dvalarinnar með maka þínum, vinum eða vinkonum: Vík í Mýrdal

Sæluferð í Skaftárhrepp

Er langt síðan þú hefur farið út í náttúruna bara til að njóta? Hvernig væri að skilja símann eftir, ganga, hjóla, keyra, hlaupa stefnulaust og njóta.  Njóta náttúrunnar og samveru með vinum. Í Skaftárhreppi er langt frá upphafi til enda sveitarinnar og frá fjöru til fjalla en þar á milli er náttúran síkvik og alltaf von á einhverjum ævintýrum.

Gisting:
Hótel, gistihús, smáhýsi, tjaldstæði og sumarhús. Fjölbreyttir möguleikar fyrir pör eða vinahópa. Hægt að leigja sumarhús þar sem hópurinn er einn eða vera á stærri hótelum sem bjóða alla þjónustu.

Afþreying:
Í Skaftárhreppi hafa verið stikaðar styttri göngleiðir nærri Kirkjubæjarklaustri til dæmis Ástarbrautin, Hæðargarðsleið um Landbrotshólana og leið inn í dalinn hjá Geirlandi þar sem er gömul rafstöð og lítil sýning sem segir sögu heimarafstöðvanna. Þeir sem vilja sögur geta lesið eldsveitir.is þar er sagt frá systrum og munkum, listamönnum og bændum, eldgosum og skiptströndum. Fyrir þá sem vilja klífa fjöll er Lómagnúpur alltaf í leiðinni, Strútur er skemmtilegt fjall á Mælifellssandi, Laki og Sveinstindur inni á hálendinu. Boðið verður upp á leiðsögn í gönguferðum og hjólaferðum sumarið 2020.  Á Kirkjubæjarklaustri er gestastofa Vatnajökulsþjóðgarðs þar er sýning um mosa í öllum myndum og fleira spennandi. Á Klaustri er, sundlaug með tveimur heitum pottum, líkamsrækt og íþróttasalur sem hægt er að leigja.

Áhugaverðir staðir:
Friður og frumkraftar eru einkenni Skaftárhrepps þar sem svæðið er mjög stórt og náttúrhamfarir hafa sett mark sitt á mannlíf og náttúru.  Þeir sem eru á jeppa ættu að gera sér ferð inn að Langasjó, upp í Eldgjá, inn að Laka, inn á Mælifellssand eða niður á fjörurnar. Allir þessi staðir eru paradís ljósmyndara. Það er auðveldast að komast á fjöru við Skaftárósvita þar sem er safn sem segir sögu Skaftfellings og verslunar á þessum stað langt frá byggð.

Matur:
Margir veitingastaðir bjóða upp á grænmetisrétti eða þrírétta máltíðir með öllu tilheyrandi. Nokkrir veitingastaðir bjóða upp á rétti úr heimabyggð t.d.  bleikju, lambakjöt og nautakjöt. Svo er skemmtilegt að kaupa hráefni úr Skaftárhreppi og matreiða þegar heim er komið.

 

Skaftárhreppur er ævintýri fyrir þá sem vilja stjórna ferðum sínum sjálfir og fyrir þá sem vilja leggja meira upp úr því að njóta en þjóta.

Kirkjubæjarklaustur

AÐ VERA OG NJÓTA - EKKI FARA OG ÞJÓTA

Sæluferð í Ríki Vatnajökuls

Sveitarfélagið Hornafjörður er staður lista og matarmenningar þar sem að þú getur notið dvalarinnar með maka þínum og/eða vinum í slakandi umhverfi helstu náttúruperla Íslands.

Rómantísk ferð í Hornafjörðinn 

Gisting: Hvort sem þú vilt njóta gistingar á rómantískum sælureit til sveita eða á hóteli innan Hafnar þá hefur ríki Vatnajökuls upp á allt að bjóða.

Afþreying: 

  • Söguganga og syngjandi sumarnætur. Láttu leiða þig um lista- og menningasöfn bæjarins.  Róm
  • Hvernig hljómar göngutúr eða hlaup eftir strandstígnum á Höfn og gæðastund í sundlaug Hafnar?
  • Það gerist vart dásamlegra en að njóta kyrrðar jökullónanna á kayak og slakaðu svo á í náttúrupottum með elskunni þinni.
  • Upplifðu jökla- og gönguferðir um náttúruperlur svæðisins og skelltu þér einn hring á golfvellinum á Höfn í draumkennsu umhverfi
  • Leyfðu þér lautarferð um leyndar slóðir. Rómantík við rætur Vatnajökuls.

Matur:  Ríki Vatnajökuls er þekkt fyrir mikla matarmenningu þar sem hágæða veitingastaðir nota fersk hráefni af svæðinu. Láttu dekra við bragðlaukana í rómantísku umhverfi við rætur Vatnajökuls.

Áhugaverðir staðir:  Skaftafell, Höfn, Ingólfshöfði, Fjallsárlón, Jökulsárlón, Stafafell

Vinkonuferðin

Gisting: Hótel og gistiheimili bæjarins, sumarbústaður

Afþreying: Listasöfn og mennigasöfn bæjarins, jöklaferðir og gönguferðir um náttúruperlur sveitafélagsins, afslöppun í náttúrupottum, sundlaug Hornafjarðar, göngutúr eða hlaup eftir Reikistjörnustígnum á Höfn, kayak og bátaferðir á jökullónum og golf á golfvelli Hafnar.

Matur: Hágæða veitingastaðir bæjarins sem bjóða upp á hágæða mat og gott kaffi

Áhugaverðir staðir: Skaftafell, Ingólfshöfði, Fjallsárlón, Lónsöræfi, Stafafell

Vinaferðin

Gisting:  Sumarbústaður, hótel, tjaldsvæði

Afþreying: Jöklagöngur og sleðaferðir, klettaklifur í Öræfum, gönguferðir um náttúruperlur sveitarfélagsins, golf, afslöppun í náttúrupottum, kayak á jökullónum,

Matur: Veitingastaðir sem bjóða upp á hágæðamat, heimagerðar pizzur og samlokur

Áhugaverðir staðir: Skaftafell, Ingólfshöfði, Lónsöræfi, Fjallsárlón, Stafafell

Blandaðir hópar 

Gisting:  Sumarbústaður, hótel, tjaldsvæði

Afþreying: Jöklagöngur og sleðaferðir, klettaklifur í Öræfum, gönguferðir um náttúruperlur sveitarfélagsins, golf, afslöppun í náttúrupottum, kayak á jökullónum,

Matur: Veitingastaðir sem bjóða upp á hágæðamat, heimagerðar pizzur og samlokur

Áhugaverðir staðir: Skaftafell, Ingólfshöfði, Lónsöræfi, Fjallsárlón, Stafafell

Endilega kynntu þér Hornafjörðinn enn betur og njóttu dvalarinnar með maka þínum, vinum eða vinkonum:

Hornafjörður

Suðurland

Þéttbýliskjarnar

Á Suðurlandi eru allmargir þéttbýlisstaðir, hver með sínu sniði og sjarma og allir bjóða upp á einhverskonar afþreyingu. Selfoss er þeirra stærstur og þar má finna ýmsar verslanir, þjónustu og marga veitinga- og skyndibitastaði. Flestir bæir eru í alfaraleið og því bæði hentugt og skemmtilegt að eiga þar viðdvöl.

Skoða meira

Map Höfn Kirkjubæjarklaustur Vík Vestmannaeyjar Hvolsvöllur Flúðir Laugarvatn Reykholt Laugarás Borg Brautarholt Hveragerði Árnes Selfoss Hella Stokkseyri Eyrarbakki Þykkvibær Þórlákshöfn