Til upplýsinga er snerta öryggi ferðamanna á Suðurlandi.
Á næstu vikum munu Almannavarnir á Suðurlandi standa fyrir árveknisátaki í sveitarfélögum á svæðinu, svokölluðum almannavarnavikum. Hluti af þessari vinnu er að funda með ferðaþjónustuaðilum og er markmið fundanna að kynna verkefni og skipulag almannavarna á svæðinu og fá fulltrúa ferðaþjónustunnar til að taka þátt í umræðu um hvaða ógnir steðji að ferðamönnum. Fundað verður í öllum sveitarfélögum á Suðurlandi og er dagskrá allra funda sú sama. Ferðaþjónustuaðilum gefst því bæði tækifæri á að mæta á marga fundi og sjá hvort ólík sjónarmið séu innan sama svæðis eða láta duga að mæta á einn þeirra á hverju svæði fyrir sig.
Næsti fundur er í félagsheimilinu á Flúðum 26. september kl 16.00-18.00
Áætlaðar dagsetningar næstu funda þar á eftir:
- Árborg 17. október
- Flóahreppi 24. október
- Hornafirði 7. nóvember
- Skeiða- og Gnúpverjahreppi 14. nóvember
- Ölfus og Hveragerði 28. nóvember
- Grímsnes og Grafningshreppi 5. desember
- Rangárþingi ytra og Ásahreppi 9. janúar
- Bláskógabyggð 16. janúar
- Skaftárhreppi 6. febrúar
- Mýrdalshreppi 13. febrúar
- Rangárþingi Eystra 20. febrúar
Dagskrá fundanna:
- Almannavarnaskipulagið og tenging ferðaþjónustunnar við það í aðgerðum
- Áhættumat á ferðamannastöðum
- Safetravel - upplýsingagjöf til ferðamanna, fræðsla og upplýsingagjöf til starfsmanna
- Viðbragðsáætlanir
- Umræður og hópavinna um ógnir í ferðaþjónustu
Nánari upplýsingar veitir Víðir Reynisson, lögreglufulltrúi Almannavarna á Suðurlandi, í síma 444 2020, netfang: vidir@logreglan.is