Leita
Finnur þú það ekki? Prófaðu leitina :)

Ráðningarferli fyrir verkefnastjóra hjá Markaðsstofu Suðurlands er nú lokið.

Ráðningarferli fyrir verkefnastjóra hjá Markaðsstofu Suðurlands er nú lokið.

Ráðinn var Guðmundur Fannar Vigfússon. Guðmundur Fannar er með MS gráðu í Markaðsfræðum og alþjóðaviðskiptum frá Háskóla Íslands ásamt B.Sc. gráðu í viðskiptafræðum með áherslu á markaðsfræði frá Háskólanum í Reykjavík.

Guðmundur Fannar er vel kunnugur störfum og starfsumhverfi Markaðsstofunnar þar sem hann starfaði sem verkefnastjóri tímabundinna verkefna á árinu 2013. Þá hefur hann haldgóða reynslu úr ferðaþjónustu þar sem hann hefur m.a. starfað sem viðskiptastjóri á sölu- og markaðssviði Iceland Travel sl. 3 ár.

Hjá Markaðsstofunni mun Guðmundur Fannar sinna m.a. samskiptum við hagsmunaaðila, ráðgjöf á sviði markaðs- og ferðamála, verkefnastjórn, markaðs- og kynningarmálum ásamt því að hafa umsjón með fjölmiðlafyrirspurnum. Mun hann hefja störf fljótlega og bjóðum við hann velkominn til starfa.


Suðurland

Þéttbýliskjarnar

Á Suðurlandi eru allmargir þéttbýlisstaðir, hver með sínu sniði og sjarma og allir bjóða upp á einhverskonar afþreyingu. Selfoss er þeirra stærstur og þar má finna ýmsar verslanir, þjónustu og marga veitinga- og skyndibitastaði. Flestir bæir eru í alfaraleið og því bæði hentugt og skemmtilegt að eiga þar viðdvöl.

Skoða meira

Map Höfn Kirkjubæjarklaustur Vík Vestmannaeyjar Hvolsvöllur Flúðir Laugarvatn Reykholt Laugarás Borg Brautarholt Hveragerði Árnes Selfoss Hella Stokkseyri Eyrarbakki Þykkvibær Þórlákshöfn