Fara í efni

Eða prófaðu að leita eftir flokki og/eða staðsetningu

Nýr Herjólfur kominn til Vestmannaeyja

Herjólfur IV er nú kominn til Vestmannaeyja.
Mynd tekin af vef Eyjafrétta [www.eyjafrettir.is]
Mynd tekin af vef Eyjafrétta [www.eyjafrettir.is]

Herjólfur IV er nú kominn til Vestmannaeyja. Nýi Herjólfur mun hefja siglingar milli lands og eyja innan 2-3 vikna. Móttökuathöfn var haldin í tilefni komu nýju ferjunar og voru Katrín Jakobsdóttir, forsætisráðherra, og Sigurður Ingi Jóhannsson, samgöngu- og sveitarstjórnarráðherra, við móttökuathöfnina þegar nýr Herjólfur var afhentur Vestmannaeyingum.

Tækifæri til frekari sóknar

Að hafa gamla Herjólf staðsettan í Vestmannaeyjum býður uppá ákveðin tækifæri bæði varðandi farþegaflutninga yfir háannatímann og ákveðna möguleika varðandi vöruflutninga, svo að ekki sé minnst á betri áreiðanleika varðandi varaferju.

Hvað mun nýr Herjólfur færa farþegum?

Farþegum býðst núna aukin tíðni ferða. Byrjað verður fyrr að sigla á morgnanna og seinna á kvöldin sem býður uppá fleiri möguleika fyrir atvinnulífið, ferðaþjónustuna, íþróttalífið og aukin lífsgæði fyrir heimamenn.

Aukið pláss er fyrir bíla sem gerir fleiri einkabílum og gámum í hverja ferð.

Betri sæti, nýjasta tækni í öllum búnaði þýðir auðvitað meiri þægindi þegar ferðast er með ferjunni.

Til hamingju Eyjamenn með nýjan Herjólf