Leita
Finnur þú það ekki? Prófaðu leitina :)

Markaðsstofa Suðurlands á ITB 2018

Markaðsstofa Suðurlands tók þátt í ITB ferðasýningunni í samstarfi með Íslandsstofu í Berlín dagana 7. - 11. mars. ITB er stærsta fag- og ferðasýning í heimi og vakti íslenski þjóðarbásinn mikla athygli. Fulltrúi Markaðsstofu Suðurlands veitti upplýsingar um Suðurland og hina landshlutana. Alls tóku 31 fyrirtæki í ferðaþjónustu þátt á bás Íslands á sameiginlegu norrænu sýningarsvæði.
 
Á sýningunni var lögð áhersla á að hvetja ferðamenn og erlenda ferðaheildsala til þess að kynna sér ferðaþjónustu á Íslandi, árið um kring með ábyrgð og öryggi að leiðarljósi. Markaðsstarfið er unnið undir merkjum Inspired by Iceland.
 
Í tengslum við ITB bauð Íslandsstofa í samráði við íslenska sendiráðið í Berlín fulltrúum sérvalinna þýskra fjölmiðla til kvöldverðar í bústað sendiráðsins. Þar var þátttaka Íslands í ITB 2018 og íslensk ferðaþjónusta kynnt sem og kynningarátak í tengslum við þátttöku Íslands í heimsmeistarakeppni karla í fótbolta í Rússlandi. Vakin var athygli á því að Ísland er fámennasta þjóðin sem komist hefur í hóp keppenda í HM. Fjölmiðlakvöldverðurinn skilaði Íslandi mjög jákvæðri umfjöllun í þýskum miðlum.

Suðurland

Þéttbýliskjarnar

Á Suðurlandi eru allmargir þéttbýlisstaðir, hver með sínu sniði og sjarma og allir bjóða upp á einhverskonar afþreyingu. Selfoss er þeirra stærstur og þar má finna ýmsar verslanir, þjónustu og marga veitinga- og skyndibitastaði. Flestir bæir eru í alfaraleið og því bæði hentugt og skemmtilegt að eiga þar viðdvöl.

Skoða meira

Map Höfn Kirkjubæjarklaustur Vík Vestmannaeyjar Hvolsvöllur Flúðir Laugarvatn Reykholt Laugarás Borg Brautarholt Hveragerði Árnes Selfoss Hella Stokkseyri Eyrarbakki Þykkvibær Þórlákshöfn