Leita
Finnur þú það ekki? Prófaðu leitina :)

Frozen II innblásin af sunnlenskri náttúru

Í september tók Markaðsstofa Suðurlands þátt í stóru fjölmiðlaverkefni í vegna útgáfu Frozen II. Forsagan er sú að framleiðendur myndarinnar í samstarfi við Íslandsstofu komu fyrir nokkru til að kanna aðstæður. Óhætt er að segja að þeir heilluðust af íslenskri náttúru og ákveðið var að nota Ísland sem innblástur fyrir myndina. Auk íslenskrar náttúru var Finnland og Noregur einnig sem bakgrunnslandslag fyrir myndina. 

Markaðsstofa Suðurlands í samstarfi við Íslandsstofu og Disney Media unnu saman að fjölmiðlaverkefni í tengslum við útgáfu Frozen II. Stórir miðlar frá Frakklandi, Hollandi og Belgíu komu hingað til lands og ferðuðust um Suðurland í nokkra daga þar sem ferðast var til þeirra staða sem Frozen II er innblásin af. Það má sjá margar samlíkingar sunnlenskrar náttúru og sögusviðs Frozen II. 

Einnig var sunnlenskt landslag innblástur tónlistarmyndbands sem tekið var upp fyrir titillag teiknimyndarinnar Into the unknown í frönskum búningi (Dans un autre monde) og sungið af Charlotte Hervieux sem fer með hlutverk Elsu í franskri útgáfu.

Frozen II var frumsýndum heim allan 22. nóvember síðastliðinn.

Hér má sjá umfjöllun um staði á Suðurlandi sem Frozen II er innblásin af.

Í myndbandinu hér að neðan má sjá samlíkingar Reynisfjöru og Reynisdranga í sköpun myndarinnar


Suðurland

Þéttbýliskjarnar

Á Suðurlandi eru allmargir þéttbýlisstaðir, hver með sínu sniði og sjarma og allir bjóða upp á einhverskonar afþreyingu. Selfoss er þeirra stærstur og þar má finna ýmsar verslanir, þjónustu og marga veitinga- og skyndibitastaði. Flestir bæir eru í alfaraleið og því bæði hentugt og skemmtilegt að eiga þar viðdvöl.

Skoða meira

Map Höfn Kirkjubæjarklaustur Vík Vestmannaeyjar Hvolsvöllur Flúðir Laugarvatn Reykholt Laugarás Borg Brautarholt Hveragerði Árnes Selfoss Hella Stokkseyri Eyrarbakki Þykkvibær Þórlákshöfn