Leita
Finnur þú það ekki? Prófaðu leitina :)

Guðmundur í París og London

Mennska leitarvélin #askgudmundur er komin út í heim.

Þessa dagana er Guðmundur, mennska leitarvélin frá Íslandi, að ferðast um Evrópu og svara spurningum um Ísland. Í fyrradag var hann staddur í París við fjölfarið torg þar sem vegfarendum og blaðamönnum gafst kostur á að spyrja hann spurninga.  Guðmundur fór einnig víða um um Parísarborg en hann heimsótti listasafnið Louvre og Eiffelturninn.  Í dag er Guðmundur svo staddur á World Travel Market í London, sem er ein stærsta ferðakaupstefna í heimi.  
 
Ferðalag Guðmundar um Evrópu er framhald af herferð Ísland – allt árið sem fór af stað síðasta vor með tilkomu mannlegu leitarvélarinnar „Ask Guðmundur“.  Hún hefur þá sérstöðu umfram aðrar leitarvélar að vera mennsk og hefur hún það megin markmið að svara spurningum ævintýraþyrstra ferðalanga um heilsársáfangastaðinn Ísland. Guðmundarnir og Guðmundurnar sjö sem síðast svöruðu persónulega spurningum áhugasamra eru sem áður fengin til þess að vera fulltrúar hvers landshluta á Íslandi en í þetta skiptið svarar Guðmundur ekki spurningum í gegnum tölvu heldur mun hann kynna nýja uppfærslu sem ber heitið „Guðmundur Mobile“ og ferðast út á markaðssvæði og svarar spurningum þar í rauntíma og í raunveruleikanum. 
Hægt er að fylgjast með heimsóknum Guðmundar til Parísar og London á samfélagsmiðlum markaðsverkefnisins og einnig með #AskGuðmundur, #IcelandSecret og www.inspiredbyiceland.com

Suðurland

Þéttbýliskjarnar

Á Suðurlandi eru allmargir þéttbýlisstaðir, hver með sínu sniði og sjarma og allir bjóða upp á einhverskonar afþreyingu. Selfoss er þeirra stærstur og þar má finna ýmsar verslanir, þjónustu og marga veitinga- og skyndibitastaði. Flestir bæir eru í alfaraleið og því bæði hentugt og skemmtilegt að eiga þar viðdvöl.

Skoða meira

Map Höfn Kirkjubæjarklaustur Vík Vestmannaeyjar Hvolsvöllur Flúðir Laugarvatn Reykholt Laugarás Borg Brautarholt Hveragerði Árnes Selfoss Hella Stokkseyri Eyrarbakki Þykkvibær Þórlákshöfn