LTG European Awards 2018: Outdoor activity destination of the year: South Iceland
Vestfirðir Vesturland Norðurland Austurland Suðurland Reykjanes Höfuðborgarsvæðið
Leita
Finnur þú það ekki? Prófaðu leitina :)

Ábyrg upplýsingamiðlun við vá

Ábyrg upplýsingamiðlun er og ætti að vera hluti af viðbragðsáætlun fyrirtækja í ferðaþjónustu. Það skipir máli að hafa markvissa og ábyrga upplýsingamiðlun þannig að óþarfa óvissu sé eytt og því er gott að vera með á hreinu hvað á að segja, sama hvaða hamfarir eiga sér stað. 

Íslandsstofa var með kynningu um ábyrga upplýsingamiðlun við vá á fundi Nýsköpunarakademíu ferðaþjónustunnar þann 8. mars og sagði Sigríður Dögg fagstjóri ferðaþjónustu hjá Íslandsstofu frá helstu þáttum sem þarf að hafa í huga við slíkar aðstæður. Íslandsstofa hefur sett upp umfjöllunarvakt til að fylgjast með fréttaflutningi erlendis. Almannatenglaskrifstofur erlendis eru einnig upplýstar og fylgjast þær náið með fréttaflutningi og bregðast við í samráði við Íslandsstofu. 

Einnig hefur starfshópur um samræmingu skilaboða verið virkjaður hjá Almannavörnum og náið samstarf hafist við Utanríkisráðuneytið og upplýsingafulltrúa Stjórnarráðsins. 

Íslandsstofa hefur sett saman annars vegar talpunkta til að setja atburðina í samhengi og hins vegar Q&A upplýsingaskjal frá Veðurstofunni. Þetta er gert til að réttar og samræmdar upplýsingar séu settar fram og aðilar geti notað til að svara fyrirspurnum m.a. frá erlendum viðskiptavinum.

Lykilskilaboðin eru almenn, s.s. þessi;

  • Jarðhræringar eru hluti af daglegu lífi á Íslandi vegna þess að landið er á flekaskilum
  • Innviðir og viðbrögð við náttúruhamförum taka mið af því 
  • Það er fylgst náið með stöðunni af Veðurstofunni, Almannavörnum, vísindamönnum o.fl. 
  • Hættur samfara eldsumbrotum eru að mestu staðbundnar.

Aðilar geta nálgast nýjustu talpunkta Íslandsstofu hjá Markaðsstofu Suðurlands með því að senda póst á nejra@south.is 

 


Suðurland

Þéttbýliskjarnar

Á Suðurlandi eru allmargir þéttbýlisstaðir, hver með sínu sniði og sjarma og allir bjóða upp á einhverskonar afþreyingu. Selfoss er þeirra stærstur og þar má finna ýmsar verslanir, þjónustu og marga veitinga- og skyndibitastaði. Flestir bæir eru í alfaraleið og því bæði hentugt og skemmtilegt að eiga þar viðdvöl.

Skoða meira

Map Höfn Kirkjubæjarklaustur Vík Vestmannaeyjar Hvolsvöllur Flúðir Laugarvatn Reykholt Laugarás Borg Brautarholt Hveragerði Árnes Selfoss Hella Stokkseyri Eyrarbakki Þykkvibær Þórlákshöfn