Leita
Finnur þú það ekki? Prófaðu leitina :)

Brú Guesthouse

Við bjóðum upp á gistingu í nýtískulegum smáhýsum fyrir 2-4 gesti í rúmum og svefnsófa. Þau eru vel útbúin með smáeldhúsi, uppábúnum rúmum, svefnsófa, baðherbergi með sturtu, nettengingu, sjónvarpi og aðstöðu til að hlaða rafmagnsbíla.

Við erum staðsett á miðju suðurlandi (rétt hjá Seljalandsfossi)

Það er fátt betra en að vakna upp á fallegum morgni, fá sér morgunkaffið og horfa á hina tignarlegu fjallasýn Eyjafjallajökuls, Tindfjallajökuls, Mýrdalsjökuls og yfir til Vestmannaeyja. Það er alla vega óhætt að segja að við séum á einum heitasta stað landsins í orðsins fyllstu merkinu með fimm virkar eldstöðvar sem umkringja okkur á alla kanta.

Frá okkur er stutt í allar áttir á suðurlandi hvort sem þú vilt fara í göngu á fallegum stöðum, keyra inn á hálendið, skjótast til Vestmannaeyja, fara í golf, skoða hinar fjölmörgu náttúruperlur suðurstrandarinnar eða bara fara í sund og slaka á .

Brú Guesthouse

Brú

GPS punktar N63° 39' 55.966" W20° 2' 42.216"
Opnunartími Allt árið

Brú Guesthouse - ferðaupplýsingar

Úr gagnagrunni Ferðamálastofu Íslands

Aðrir

Southcoast Adventure ehf.
Ferðaskrifstofur
  • Hamragarðar
  • 860 Hvolsvöllur
  • 867-3535
Outdoor Activity
Ferðasali dagsferða
  • Skálakot
  • 861 Hvolsvöllur
  • 782-1460
Ferðaþjónustan Stóru-Mörk 3
Svefnpokagisting
  • Stóra-Mörk III
  • 861 Hvolsvöllur
  • 487-8903, 866-7587
Óbyggðaferðir ehf.
Vélsleða- og snjóbílaferðir
  • Lambalækur
  • 861 Hvolsvöllur
  • 661-2503, 661-2504
Golfklúbbur Hellu
Golfvellir
  • Strönd
  • 851 Hella
  • 487-8208
Seljaland TAXI
Ferðasali dagsferða
  • Eystra Seljaland
  • 861 Hvolsvöllur
  • 894-1595
Skálakot ferðaþjónusta
Gistiheimili
  • Skálakot
  • 861 Hvolsvöllur
  • 487-8953, 866-4891
Náttúra
9.56 km
Seljalandsfoss

Foss í Seljalandsá þar sem hún steypist fram af hömrum Vestur-Eyjafjalla norðan við Seljaland.
Seljalandsfoss er á mörkum milli Seljalands og Hamragarða, einn af hæstu fossum landsins og horfir vel við á leið austur um Landeyjar. Gengt er á bak við fossinn. Mörgum þykir fossinn fegurstur í síðdegissól.
Heimild: Íslandshandbókin útgáfa 1995.

Saga og menning
14.52 km
Hlíðarendakirkja

Bær og kirkjustaður í Fljótshlíð. Kirkjan var reist 1897. Hún er timburkirkja, járnvarin og tekur um 180 manns í sæti. Í kirkjunni eru þrjár helgimyndir efitr Ólaf Túbals, listmálara frá Múlakoti. Meðal góðra gripa kirkjunnar má nefna silfurkaleik frá miðöldum en altaristaflan er eftirmynd Carls Blochs af töflunni í Holbækkirkju í Danmörku, Jesús blessar börnin. Kom taflan í kirkjuna er hún var vígð 1897.

Á Hlíðarenda bjó Baugur Rauðson er nam Fljótshlíð alla að sögn Landnámabókar. Hann var langafi Gunnars Hámundarsonar sem er ein af aðalsöguhetjum Njáls sögu. Gunnar kvæntist Hallgerði Höskuldsdóttur sem kölluð var langbrók. Lýsingar sögunnar á sambúð þeirra heima á Hlíðarenda eru meistaraverk en hæst rís frásögnin þegar flokkur óvina Gunnars gerði atlögu að honum. Tókst einum úr því liði að höggva sundur strenginn í boga Gunnars. Bað hann Hallgerði um lokk úr hári hennar til að snúa úr nýjan streng en hún neitaði. Féll hann síðan eftir hetjulega vörn.

Ofan túns og í norðaustur frá bænum á Hlíðarenda er hóll mikill. Hann heitir Gunnarshaugur og munnmæli herma að þar sé Gunnar Hámundarson heygður. Í Njáls sögu er frá því sagt að Gunnar gekk aftur í haugnum, "kátlegur með gleðibragði miklu og kvað vísu". Ennfremur er bent á tóttir skammt frá bænum og eiga þær að vera af skála Gunnars en það er að sínu leyti jafn óvíst að rétt sé.

Á Hlíðarenda fæddist Þorlákur Þórhallsson (1133-1193) biskup hinn helgi. Hann varð ábóti í Þykkvabæ í Veri en biskup í Skálholti 1178.
Hlíðarendi var öldum saman höfuðból og höfðingjasetur og þar var stundum bústaður manna sem hæst bar í íslensku þjóðlífi. Einn þeirra var Gísli Magnússon (1621-1696) sýslumaður, kallaður Vísi-Gísli og talinn mesti höfðingi á Íslandi um sína daga.

Heimild: Íslandshandbókin útgáfa 1995.

Náttúra
14.53 km
Eyjafjöll

Fjallabálkur úr móbergi og blágrýti er gengur vestur undan Mýrdalsjökli og hvílir Eyjafjallajökull á honum. Suður og vestur af jöklinum eru breiðar heiðar fram að hamrabrúnum en að norðan má kallast aðlíðandi hlíð að Markarfljóti. Smáhraun eru vestur af jöklinum og uppi á heiðunum og falla í háum, fríðum fossum fram af brúnum. Sum eru þó endaslepp á brúnunum eins og þau hafi runnið fram á skriðjökul í lok ísaldar. Vestanverð Eyjafjöll heyra til hinni eldri grágrýtismyndun landsins. Fyrrum féll sjór að fjöllunum og mynduðust þá hellar þeir sem svo víða er þar að finna, einkum að sunnanverðu.

Náttúra
5.32 km
Dímon

Dímon, Stóri- og Litli- á Markarfljótsaurum. Stóri-Dímon er stórt, grasi gróið fell (178 m y.s.) í mynni Markarfljótsdals, að mestu úr móbergi. Koma saman í því mörk Austur-Landeyja, Fljótshlíðar og Vestur-Eyjafjalla. Í fellinu var talið að væri 50-60 kinda beit vetur og sumar. Örnefnið Rauðaskriða er í Stóra-Dímon. Frá því er sagt í Njáls sögu að Njálssynir sátu fyrir Þráni Sigfússyni í Rauðaskriðum er Skarphéðinn vó hann og hljóp "tólf álna yfir Markarfljót " milli höfuðísa. Í Njáls sögu segir einnig frá því að Gunnar á Hlíðarenda og Njáll á Bergþórshvoli áttu skóg í Dímon og gerðu til kola. Þar vó Kolur, verkstjóri Gunnars, Svart, húskarl Njáls; þegar hann var við kolagerð. Var það fyrsta vígið sem unnið var í deilum þeirra Hallgerðar og Bergþóru. Litli-Dímon er sunnan við eystri brúarsporð gömlu Markarfljótsbrúar. Fell, hæðir eða háar eyjar, er nefnast Díma eða Dímon, eru á nokkrum stöðum á landinu. Eru þær venjulega tvær saman. Nafnið er talið merkja tvífjall og er komið úr latínu "di montes". Í Færeyjum eru til sams konar örnefni.

Náttúra
19.16 km
Efra-Hvolshellar

Í landi Efra-Hvols eru þrír manngerðir hellar sem kallast einu nafni Efra-Hvolshellar. Hellarnir eru grafnir í fremur gróft þursaberg sem líklega er jökulberg að uppruna. Neðan til er bergið fínna, gert úr lagskiptum, víxllaga og skálaga sandsteini. Tveir hellanna eru samtengdir með göngum og nefnast þeir Efsti hellir og Miðhellir. Sá þriðji stendur stakur 20-30 metrum sunnar og nefnist Stóri hellir. Hann er um 42 metrar á lengd, og er talinn næstlengsti manngerði hellir á Íslandi. Ekki hafa fundist ummerki mannvistar í hellunum en það hefur ekki enn verið rannsakað með fornleifafræðilegum aðferðum. Síðast voru hellarnir notaðir sem fjárhús og hlaða en hafa staðið auðir og ónotaðir síðan 1943.

Loftop Stóra hellis hefur að hluta til hrunið og mold fyllt göngin. Búið er að moka út úr hellunum að hluta í samráði við Minjastofnun Íslands. Ekki er talin hætta af frekara hruni en þó skyldi fólk sýna aðgát. Hellarnir hafa verið friðlýstir síðan árið 1929 sem menningarminjar.

Upplýsingar um fleiri staði í nágrenninu: www.katlageopark.is

Náttúra
10.57 km
Merkjárfoss / Gluggafoss

Merkjárfossar eru í Fljótshlíð um 21 km frá Hvolsvelli. Í ánni Merkjá eru nokkrir fossar og þeirra þekktastur er Gluggafoss en hann er um 40 m hár. Efri hluti klettanna sem hann fellur um er móberg en neðri stallurinn er úr blágrýti. Nafn sitt dregur fossinn af því að vatnið hefur sorfið mjúkt móbergið og myndað göng, vatnið spýtist svo út um gangnaopin, "gluggana" í fossinum neðanverðum. Efst í fossinum fellur hluti vatnsins undir steinboga.

Þar sem bergið er mjúkt breytist fossinn nokkuð á einum mannsaldri. Um 1947 sást til að mynda lítið af efri hluta fossins því þar féll hann í göngum og var því að mestu hulinn bergi. Bergið var með þremur opum eða gluggum hverju upp af öðru og sást í hvítan vatnsflauminn í gegn um þessa glugga. Um neðsta gluggann bunaði svo vatnið út í fallegum boga en í vatnavöxtum fossaði vatnið út úr öllum þremur gluggunum. Miklar breytingar urðu á Gluggafossi í kjölfar Heklugossins 1947. Var það talið vera vegna þess að um 20 cm lag af vikri féll hér í gosinu, vikurinn barst í ána og hefur að líkindum sorfið klettana hraðar niður en ella. Hurfu göngin að mestu en eru nú óðum að ná fyrri reisn.

Gluggafoss er friðlýstur sem náttúruvætti. Á flötinni fyrir neðan fossinn héldu Rangæingar upp á 1100 ára afmæli Íslandsbyggðar árið 1974. Nálægt eru uppeldisstaðir tveggja af merkustu skáldum landsins, þeirra Bjarna Thorarensen og Þorsteins Erlingssonar.

Upplýsingar um fleiri staðir í nágrenninu: www.katlageopark.is

Aðrir

Eldstó Art Café/ Bistro / Pottery / Guesthouse
Gistiheimili
  • Austurvegur 2
  • 860 Hvolsvöllur
  • 482-1011, 691-3033
Sögusetrið
Sýningar
  • Hlíðarvegur 14
  • 860 Hvolsvöllur
  • 487-8781, 618-6143
Hús leirkerasmiðsins
Handverk og hönnun
  • Austurvegur 2
  • 860 Hvolsvöllur
  • 482-1011, 691-3033

Aðrir

Hótel Dyrhólaey sveitahótel
Hótel
  • Mýrdalur
  • 871 Vík
  • 487-1333
Eldstó Art Café/ Bistro / Pottery / Guesthouse
Gistiheimili
  • Austurvegur 2
  • 860 Hvolsvöllur
  • 482-1011, 691-3033
Gallerý Pizza
Kaffihús
  • Hvolsvegur 29
  • 860 Hvolsvöllur
  • 487-8440
Kaffi Langbrók
Tjaldsvæði
  • Kirkjulækur
  • 861 Hvolsvöllur
  • 863-4662
Veitingahúsið Ármót
Veitingahús
  • Ármótum, Rangárvellir
  • 861 Hvolsvöllur
  • 487-5131
Hótel Hvolsvöllur
Hótel
  • Hlíðarvegur 7
  • 860 Hvolsvöllur
  • 487-8050
N1 - Þjónustustöð
Hleðslustöð
  • Austurvegur 3
  • 860 Hvolsvöllur
  • 487-8197

Suðurland

Þéttbýliskjarnar

Á Suðurlandi eru allmargir þéttbýlisstaðir, hver með sínu sniði og sjarma og allir bjóða upp á einhverskonar afþreyingu. Selfoss er þeirra stærstur og þar má finna ýmsar verslanir, þjónustu og marga veitinga- og skyndibitastaði. Flestir bæir eru í alfaraleið og því bæði hentugt og skemmtilegt að eiga þar viðdvöl.

Skoða meira

Map Höfn Kirkjubæjarklaustur Vík Vestmannaeyjar Hvolsvöllur Flúðir Laugarvatn Reykholt Laugarás Borg Brautarholt Hveragerði Árnes Selfoss Hella Stokkseyri Eyrarbakki Þykkvibær Þórlákshöfn