Leita
Finnur þú það ekki? Prófaðu leitina :)
14. febrúar - 24. mars

Vetrarfrí fjölskyldunnar - Vík og nágrenni

Suðurland býður upp á spennandi upplifun og ævintýralega skemmtun fyrir alla fjölskylduna i vetrarfríinu. Frábær skemmtun er í boði fyrir alla fjölskylduna og auðvelt er að finna ævintýralega afþreyingu. Ferðaþjónustuaðilar verða með ýmis tilboð með sérstakri áherslu á fjölskylduna í vetrarfríinu (14.-26.feb, 7.-10.mars, 21.-24.mars), nánari upplýsingar um tilboðin og hugmyndir af því sem fjölskyldan getur notið og gert saman á Suðurlandi er á heimasíðu Markaðsstofu Suðurlands, south.is Ekki er spurning hvort, heldur hvert verður haldið í vetrarfríinu.

Vík og nágrenni

www.visitvik.is

Mýrdalhreppur bíður upp á miklar andstæður bæði í náttúru og litum. Þar eru svartar strendur, jöklar og grænar hlíðar. Það er ævintýralegt að heimsækja Mýrdalinn með fjölskyldunni sem dæmi með því að fara út í Dyrhólaey, í Reynisfjöru, upp í Hjörleifshöfða, inn í Þakgil eða upp að Sólheimajökli og sjá hvað jökullinn hefur hopað síðustu ár. Gæta þarf þess að hafa ávallt varann á sér því náttúran okkar er öflug.

Söfn/sögustaðir/sýningar

  • Eyrarland - Gestastofa - 6 mín myndband, The Perfect circle, stórbrotin mynd um Ísland -  700 kr á mann og frítt kaffi/te innifalið - handverk úr héraði
  • Icelandic Lava show -Nýr og spennandi afþreyingarkostur sem á engan sinn líkan um víða veröld. Með því að bræða hraun og hella því yfir ís í sýningarsal fullum af fólki verður til magnað sjónarspil sem er sannkölluð veisla fyrir skynfærin. Áhorfendur sjá hraunið renna inn í salinn, heyra það krauma og finna lyktina og hitann sem stafar frá því. Farið er yfir eldsumbrot í nágrenni sýningarinnar á persónulegan hátt og sýningargestum gefin innsýn í þær hamfarir sem íbúar svæðisins hafa þurft að upplifa í gegnum aldirnar. Magnþrungin og ógleymanleg sýning sem endurspeglar kraftinn sem býr í landi og þjóð.
  • Kötlusetur - Frí yfirlitsýning yfir náttúru, jarðfræði og dýrlíf á svæði Kötlu Jarðvangs. Menningar og upplýsingamiðstöð svæðisins. Handverk úr héraði.  www.kotlusetur.is
  • Skaftfellingur - Hýsir 100 ára gamlan eikarbátinn Skaftfelling, sýning um 112 skipaströnd í Vestur-Skaftafellsýslu á árunum. 20 mín myndband um sjósókn og samgöngur í V-Skaftafellsýslu. Frítt fyrir börn yngri en 12 ára. https://www.facebook.com/skaftfellingurmuseum/

Útivist – opin áhugverð svæði

  • Reynisfjall - gönguferð á bæjarfallið Reynisfjall er mjög vinsæl leið bæði innfæddra og erlenda. Styttri útgáfa er 2km upp að svokallaðri Lóransstöð(1-2 tímar) og lengri er í kringum allt fjallið eða 6 km(3-4 tímar). Magnað útsýni til allra átta.
  • Hjörleifshöfði - Þar sem Hjörleifur fósturbróðir Ingólfs Arnarssonar landnámsmanns  er sagður vera grafin í Hjörleifshaugnum. 4 km ganga upp á Hjörleifa er mjög einföld og skemmtileg göngu leið með stórbrotið útsýni. Fyrir framan höfðann má finna þar helli.
  • Víkurfjara/Reynisfjara - Fjöruferð í Víkurfjöru eða Reynisfjöru.

Afþreying

  • Zipline Iceland - Skemmtileg og fræðandi gönguferð og 2-3 zipline brautir. Afþreying fyrir alla fjölskylduna. Aldurstakmark 8 ára.
  • Fjórhjólaferðir og sleðaferðir - Arcanum
  • Hestaferðir - Vík Horse Adventure
  • Íshellir í Kötlujökli – Katlatrack, Tröllaferðir, Mountain Excursion
  • Jöklagöngur - Arcanum, Icelandic Mountainguides, Tröllaferðir  
  • Jeppaferðir - Katlatrack, Mountain Exursion

Sund

  • Sundlaugin í Vík er opin frá 13:30-19:00 virka daga og um helgar frá 10:00 -17:00. Í boði er 25 metra laug, heitur pottur, ísbað, barnalaug, barna rennibraut og gufubað.

Golf völlur

  • 9 holu golfvöllur í Vík

Veitingar

  • Lava Café - Kaffihús í verslunarmiðstöðinni Icewear Magasín. Þar er boðið upp á smoothies, samlokur, súpur, smákökur ofl.
  • Halldórskaffi - Pizzur, hamborgarar, fjölbreyttur matseðill, eitthvað fyrir alla.
  • Ice Cave  - Veitingastaður í verslunarmistöðinni Icewear Magasín. Fjölbreytt úrval af mat.
  • Smiðjan Brugghús - Hamborgar fyrir alla fjölskylduna og svínarif.
  • Súpufélagið - Allskonar súpur og panini.
  • Suður-Vík - Pizzur, Fjölbreyttur matseðill, eitthvað fyrir alla.
  • Svarta fjaran - Reynisfjöru - Fjölbreyttur matseðill, eitthvað fyrir alla.
  • Víkurskáli -Grillið - Gamla góða veganestið!
  • Fagradalsbleikja og Lindarfiskur eru úrvals fyrirtæki sem rækta bleikju í hæðsta gæðaflokki.
  • Hægt að fá bleikju á Halldórskaffi, Suður-Vík og Ice Cave.
  • Fáðu þér Fossís í eftirrétt! Ís sem er búinn til í héraði - fæst á nánast öllum stöðum.

Gisting

  • Yfir 1400 gistirými eru í Mýrdalshreppi, því eru gistimöguleikar mjög fjölbreyttir, hótel, gistiheimili, farfuglaheimili og tjaldsvæði. Finndu þína gistingu á www.visitvik.is

Skoða fleiri viðburði

Viðburðadagatal

Suðurland

Þéttbýliskjarnar

Á Suðurlandi eru allmargir þéttbýlisstaðir, hver með sínu sniði og sjarma og allir bjóða upp á einhverskonar afþreyingu. Selfoss er þeirra stærstur og þar má finna ýmsar verslanir, þjónustu og marga veitinga- og skyndibitastaði. Flestir bæir eru í alfaraleið og því bæði hentugt og skemmtilegt að eiga þar viðdvöl.

Skoða meira

Map Höfn Kirkjubæjarklaustur Vík Vestmannaeyjar Hvolsvöllur Flúðir Laugarvatn Reykholt Laugarás Borg Brautarholt Hveragerði Árnes Selfoss Hella Stokkseyri Eyrarbakki Þykkvibær Þórlákshöfn