LTG European Awards 2018: Outdoor activity destination of the year: South Iceland
Vestfirðir Vesturland Norðurland Austurland Suðurland Reykjanes Höfuðborgarsvæðið
Leita
Finnur þú það ekki? Prófaðu leitina :)
6. febrúar - 23. maí

Rófurass, einkasýning Bjargeyjar Ólafsdóttur

“Hundar tala, en aðeins til þeirra sem kunna að hlusta.” – Orhan Pamuk.

Sýningin samanstendur af teikningum, ljósmyndum, skúlptúr, kvikmyndum, málverkum og hljóðverkum. Ljós og myrkur leika líka hlutverk, sem kemur fram í myndskeiði frá 16mm filmu og í fósfór-malverkum. Með þessu breytist andrúmsloft verkanna frá því að snúast um hreina gleði yfir í að sýna uggvænlegan andlegan undirtón sem liggur eins og rauður þráður í gengum sýninguna. Samhliða sýningunni er gefin út bók um sama efni. Samoyed hundarnir sem líkjast nánast draugum – sem upphaflega voru ræktaðir til að veiða, draga sleða, og smala hreindýrum, sjást í kvikmyndinni – og sjást líka aftur og aftur í bókinni. Þeir sjást á teikningum, grafíkverkum og ljósmyndum af villihundum í Litháen, af gæludýrum og félögum, og konu með hund innan í líkamanum sínum, sem vill komast út. Því betur sem við kynnumst mannfólkinu, virðist hún segja, því meira elskum við hunda.

Bjargey Ólafsdóttir lærði ljósmyndun, málaralist og blandaða tækni í Listaháskóla Íslands og Listaakademíunni í Helsinki, og handritsgerð og leikstjórn í Binger Filmlab í Amsterdam. Hún vinnur í fjölbreyttum miðlum, og verður útkoman oft í formi íronískra verka, stundum ofbeldisfullra eða óhugnanlegra, og dregur hún innblástur af þráhyggju og fantasíum af nútímalífi. Persónurnar í verkum hennar eru gjarnan einstaklingar sem týnast í kunnuglegum en þó framandi aðstæðum. Hún hefur gert nokkrar kvikmyndir sem hlotið hafa lof gagnrýnenda, og hefur sýnt verk sín víða um lönd, t.d. í Ljósmyndasafni Reykjavíkur, Nýlistasafninu í Reykjavík, Kunstverein í München, KunstWerke í Berlín, Galaria Traschi í Santiago, Chile og Färgfabriken Norr í Östersund, Svíþjóð.

Sýningarstjóri: Jonatan Habib Engqvist

www.bjargey.com

Skoða fleiri viðburði

Viðburðadagatal

Suðurland

Þéttbýliskjarnar

Á Suðurlandi eru allmargir þéttbýlisstaðir, hver með sínu sniði og sjarma og allir bjóða upp á einhverskonar afþreyingu. Selfoss er þeirra stærstur og þar má finna ýmsar verslanir, þjónustu og marga veitinga- og skyndibitastaði. Flestir bæir eru í alfaraleið og því bæði hentugt og skemmtilegt að eiga þar viðdvöl.

Skoða meira

Map Höfn Kirkjubæjarklaustur Vík Vestmannaeyjar Hvolsvöllur Flúðir Laugarvatn Reykholt Laugarás Borg Brautarholt Hveragerði Árnes Selfoss Hella Stokkseyri Eyrarbakki Þykkvibær Þórlákshöfn