Leita
Finnur þú það ekki? Prófaðu leitina :)

Katla Jarðvangur

Katla Jarðvangur

Í Kötlu jarðvangi eru margar merkilegar jarðminjar, sumar á heimsvísu. Yfir 150 eldgos hafa verið skráð þar frá landnámi. Eldvirknin hefur mótað landið og haft áhrif á búsetu manna eins og öskugosin í Eyjafjallajökli 2010 og Grímsvötnum 2011 sanna. Einstaklega kvik og síbreytileg náttúra hefur mótað sögu og mannlíf jarðvangsins í aldanna rás.

Katla jarðvangur nær yfir land þriggja sveitarfélaga, Rangárþings eystra, Mýrdalshrepps og Skaftárhrepps. Flatarmál hans er 9542 km2 eða rúm 9 % af heildarflatarmáli Íslands. Íbúafjöldi er um 2700 manns. Kvikfjárrækt hefur verið megin atvinnuvegur svæðisins en síðustu ár hefur kornrækt aukist. Hvolsvöllur, Vík og Kirkjubæjarklaustur eru helstu þjónustukjarnar fyrir sveitirnar. Undanfarin ár hefur mikilvægi ferðaþjónustu aukist gríðarlega í atvinnulífi svæðisins.

Jarðfræði

Ísland er á Mið-Atlantshafshryggnum þar sem tveir jarðskorpuflekar gliðna í sundur á svokölluðu rekbelti. Auk þess er möttulstrókur undir landinu með miðju undir Vatnajökli. Samspil rekbeltis og möttulstróks veldur flókinni og fjölbreyttri eldvirkni á Suðurlandi.

Sérstaða Kötlu jarðvangsins felst í þessari eldvirkni og víðfeðmum áhrifum hennar á landmótun og náttúrufar. Einkennandi eru megineldstöðvar, gígar og gossprungur, gervigígar, hraunbreiður, móbergsfjöll og móbergshryggir sem hafa sömu stefnu og rekbeltið. Eldstöðvakerfin Hekla, Katla, Grímsvötn og Bárðarbunga eru virkust við landmótunina.

Jöklar eru einnig áberandi í landslagi þar sem þeir þekja hæstu eldfjöll. Frá þeim falla skriðjöklar og jökulár. Jökulgarðar og jökullón eru einnig áberandi. Hamfaraflóð vegna eldgosa undir jökli mynduðu sandana á láglendi.

Elsta bergið er um 2,5 milljón ára gamalt og finnst við rætur Lómagnúps sem er gamall sjávarhamar og eitt hæsta standberg landsins (671 m). Aðrar áhugaverðar myndanir í jarðvanginum eru steingervingar í hnyðlingum og gjóskulög sem hafa reynst vel við aldursákvarðanir.

Katla Jarðvangur
GPS punktar N63° 56' 28.695" W22° 17' 6.449"
Vegnúmer

1

Katla Jarðvangur - ferðaupplýsingar

Úr gagnagrunni Ferðamálastofu Íslands

Aðrir

How Do You Like Iceland ehf.
Ferðaskipuleggjendur
  • Einivellir 5
  • 221 Hafnarfjörður
  • 615-9400, 775-9400
Essential Iceland ehf.
Ferðaskipuleggjendur
  • Steinhella 17
  • 221 Hafnarfjörður
  • 895-4391
SSH ehf. - Einsi kaldi
Ferðaskipuleggjendur
  • Álfholt 10
  • 220 Hafnarfjörður
  • 777-0521
FishIceland.com
Ferðaskipuleggjendur
  • Gauksás 27
  • 221 Hafnarfjörður
  • 534-8082
Iceland is Hot ehf. / Come to Iceland
Ferðaskrifstofur
  • Norðurvangur 44
  • 220 Hafnarfjörður
  • 775-0725
Snekkjan ehf.
Ferðaskipuleggjendur
  • Ægisgarður / Suðurbugt
  • 101 Reykjavík
  • 779-7779
Valhalla Tours
Ferðaskipuleggjendur
  • Álfhella 3
  • 221 Hafnarfjörður
  • 565-4647
Eldfjallaferðir
Upplýsingamiðstöðvar
  • Víkurbraut 2
  • 240 Grindavík
  • 426-8822

Suðurland

Þéttbýliskjarnar

Á Suðurlandi eru allmargir þéttbýlisstaðir, hver með sínu sniði og sjarma og allir bjóða upp á einhverskonar afþreyingu. Selfoss er þeirra stærstur og þar má finna ýmsar verslanir, þjónustu og marga veitinga- og skyndibitastaði. Flestir bæir eru í alfaraleið og því bæði hentugt og skemmtilegt að eiga þar viðdvöl.

Skoða meira

Map Höfn Kirkjubæjarklaustur Vík Vestmannaeyjar Hvolsvöllur Flúðir Laugarvatn Reykholt Laugarás Borg Brautarholt Hveragerði Árnes Selfoss Hella Stokkseyri Eyrarbakki Þykkvibær Þórlákshöfn