Leita
Finnur þú það ekki? Prófaðu leitina :)

Friðheimar

Matarupplifun

Í Friðheimum bjóðum við uppá einstaka matarupplifun, þar sem er borin fram tómatsúpa og nýbakað brauð ásamt öðru góðgæti í notalegu umhverfi innan um tómatplönturnar.

Gestirnir upplifa það einstaka að koma í miðjarðarhafsloftslagið sem er ríkjandi í gróðurhúsinu allt árið um kring og finna ilminn af tómatplöntunum á meðan þeir gæða sér á hinni rómuðu Friðheimatómatsúpu með nýbökuðu brauði. Einnig er vinsælt að koma og skála í tómatsnafs í góðra vina hópi!

Hægt er að taka gómsætar minningar með sér heim því komið er í sölu matarminjagripir á borð við tómatsultu, gúrkusalsa og tómathressi en þetta er allt framleitt á staðnum. Við mælum með því að fólk bóki borð fyrirfram.


Gróðurhúsaheimsókn og hestasýning

Einnig bjóðum við uppá Gróðurhúsaheimsókn þar sem farið er yfir hvernig hægt er að rækta grænmeti á Íslandi allt árið um kring með aðstoð náttúrunnar.

Hestasýningar eru í boði þar sem farið er yfir sögu- og gangtegundir íslenska hestsins í skógivöxnu og notalegu umhverfi. Eftir sýninguna er gestum boðið í hesthúsið þar sem tækifæri gefst til að klappa hestunum og spjalla við knapana.

Afþreyingin hentar öllum aldurshópum og er tilvalin fyrir þá sem hafa áhuga á að skyggnast inn í hið hefðbundna sveitalíf íslenskrar fjölskyldu.

Gróðurhúsaheimsókn og hestasýningu þarf að bóka fyrirfram.

Friðheimar

Reykholt, Bláskógabyggð

GPS punktar N64° 10' 40.890" W20° 26' 43.315"
Sími

486-8894

Friðheimar - ferðaupplýsingar

Úr gagnagrunni Ferðamálastofu Íslands

Aðrir

Tjaldsvæðið Borg
Tjaldsvæði
  • Borg, Grímsnesi
  • 801 Selfoss
  • 767-3411
Unnarholtskot 3
Sumarhús
  • Unnarholtskot 3
  • 845 Flúðir
Auðsholt 2
Íbúðir
  • Auðsholt 2
  • 845 Flúðir
Tjaldmiðstöðin Flúðum
Tjaldsvæði
  • Hrunamannahreppur
  • 845 Flúðir
  • 486-6535
Goðatún sumarhús
Gistiheimili
  • Biskupstungur
  • 801 Selfoss
  • 892-0947
Mosás 4
Sumarhús
  • Holtabyggð 110
  • 845 Flúðir
Öldubyggð 13
Sumarhús
  • Öldubyggð 13
  • 801 Selfoss
Mosás 3 cottages
Sumarhús
  • Holtabyggð 110
  • 845 Flúðir
  • 868-5751
Hrosshagi
Bændagisting
  • Hrosshagi
  • 801 Selfoss
  • 486-8905, 861-1915
Hvítárdalur
Bændagisting
  • Hvítárdalur
  • 845 Flúðir
  • 781-2599
Austurbyggð 7
Íbúðir
  • Austurbyggð 7
  • 801 Selfoss
Konungsvegur
Íbúðir
  • Konungsvegur 1
  • 840 Laugarvatn
Blue View Cabins
Sumarhús
  • Eiríksbraut 4
  • 801 Selfoss
  • 665-8928, 464-3464
Torfastaðakot 15/Sigurhæð
Sumarhús
  • Torfstaðakot
  • 801 Selfoss
Dalbær
Svefnpokagisting
  • Dalbær III
  • 845 Flúðir
  • 486-4472
Mosás 1
Sumarhús
  • Holtabyggð 110
  • 845 Flúðir
Helludalur 2
Sumarhús
  • Helludalur 2
  • 801 Selfoss
  • 893-2749
Laugarás
Sumarhús
  • Austurbyggð 3
  • 801 Selfoss
Tjaldsvæðið Reykholt
Tjaldsvæði
  • Aratunga
  • 801 Selfoss
  • 847-5057
Miðhús
Sumarhús
  • Miðhús
  • 801 Selfoss
Sacred Seed
Sumarhús
  • Eyrarbraut 11
  • 801 Selfoss
  • 778-9052, 692-4094
Heiðarbraut 22
Íbúðir
  • Heiðarbraut 22
  • 801 Selfoss
Gistiheimilið Flúðum
Gistiheimili
  • Grund
  • 845 Flúðir
  • 565-9196, 896-1286, 896-7394
Tjaldsvæðið við Faxa
Tjaldsvæði
  • Biskupstungur
  • 801 Selfoss
  • 774-7440
Háholt 11
Íbúðir
  • Háholt 11
  • 801 Selfoss
  • 820-9595
Tjaldsvæðið við Geysi í Haukadal
Tjaldsvæði
  • Geysir, Haukadal
  • 801 Selfoss
  • 480-6800
Kotasæla
Bændagisting
  • Fellskot lóð 7
  • 801 Selfoss
  • 699-1234
Arngrímslundur
Sumarhús
  • Skarð
  • 801 Selfoss
Þóroddsstaðir 4
Sumarhús
  • Þóroddsstaðir 4
  • 801 Selfoss
Trophy Lodge
Sumarhús
  • Vörðuás 9
  • 801 Selfoss
Garður Stay Inn
Farfuglaheimili og Hostel
  • Hvammsvegur
  • 845 Flúðir
  • 853-3033
Minniborgir Cottages
Sumarhús
  • Grímsnes
  • 801 Selfoss
  • 486-1500, 863-3592
The White House
Heimagisting
  • Bjarkarbraut 19
  • 801 Selfoss
  • 566-7890, 660 7866
Árvegur 8
Heimagisting
  • Árvegur 8
  • 801 Selfoss
Eiríksbraut 2
Íbúðir
  • Eiríksbraut 2
  • 801 Selfoss
Hamar
Sumarhús
  • Bæjarholt 2
  • 801 Selfoss
  • 697-7853
Náttúra
19.61 km
Geysir

Þessi frægasti og fyrrum stærsti goshver heims er talinn hafa myndazt við mikla jarðskjálftahrinu í lok 13. aldar. Oddaverjaannáll segir um árið 1274, að í Eyrarfjalli (Laugarfjalli) hjá Haukadal komu upp hverir stórir; en sumir hurfu þeir, sem áður voru." Kísilúrfellingar hafa myndað talsverðan hól umhverfis hverinn. Skál hans er u.þ.b. 18 m í þvermál og niður úr henni gengur 18 m djúp hola, sem er 2 m í þvermál. Öldum saman gaus Geysir og laðaði til sín ferðamenn. Upp úr aldamótunum 1900 dró mjög af honum og síðan 1916 hefur hann ekki gert meira en að pusa upp vatni óreglulega, þó jókst kraftur hans að nýju eftir jarðskjálftahrinu á Suðurlandi árið 2000. Hæstu gosin voru á milli 40 og 80 m. Tugir hvera eru á svæðinu, sumir goshverir eins og Geysir. Þeirra helztir eru Strokkur, sem gýs reglulega með 3-5 mínútna millibili, og Smiður, sem lætur lítið á sér bera. Hverasvæðið er afgirt og friðlýst og í umsjá Náttúrustofu.

Saga og menning
9.90 km
Skálholtskirkja

Bær, kirkjustaður, prests- og skólasetur og fyrrum setur biskupa í Skálholtsbiskupsdæmi. Þar er jarðhiti og heitir þar Þorlákshver. Skálholt er einn merkastur sögustaður á Íslandi, næst Þingvöllum. Kristni á Íslandi hefur verið knýtt fastari böndum við Skálholt en nokkurn annan stað. Sonur landnámsmannsins í Grímsnesi og Biskupstungum, Teitur Ketilbjarnarson, byggði fyrstur bæ í Skálholti. Sonur hans var Gissur hvíti sem kom með kristni til Íslands og átti einna veigamestan þátt í kristnitöku landsmanna. Hans son, Ísleifur, varð fyrstur biskup á Íslandi 1056 og sat í Skálholti. Kirkja var reist á staðnum og jörðin gefin undir biskupssetur. Kvað gefandinn svo á, að þar skyldi vera biskupssetur meðan kristni héldist í landinu. Sá hét líka Gissur, Ísleifsson, biskups. Hann er talinn hafa verið einhver glæsilegasti kirkjuhöfðingi á Íslandi fyrr og síðar. Hann kom á tíundarlögum á Íslandi árið 1097. Annar biskupinn með Gissurarnafni í Skálholti, sem verulega kemur við sögu staðarins, er Gissur Einarsson (1512-1548). Hann varð fyrstur biskup í lútherskum sið á Íslandi.
Skálholtsbiskupar urðu alls 44, 31 kaþólskur og 13 lútherstrúar á árunum 1056-1801.
Margir merkir atburðir hafa gerst í Skálholti, sumri hverjir þeir örlagaríkustu í sögu lands og þjóðar. Í Skálholti réðust íslenskir bændur oftar en einu sinni að erlendum valdsmönnum og ræningjum og drápu þá, þar á meðal erlendan biskup, Jón Gerreksson, sem sat þar á biskupsstóli. Honum stungu Íslendingar í poka og drekktu í Brúará, árið 1433.
Árið 1550 var síðasti kaþólski biskupinn á Hólum, Jón Arason, fluttur fanginn til Skálholts og hálshöggvinn þar ásamt sonum sínum.
Í Skálholti voru um aldir mikil fræðistörf unnin. Þar var prentsmiðja um skeið á seinni hluta 17. aldar og í henni fyrst fornrit prentuð á Íslandi. Í Skálholti var unnið að fyrstu bókinni sem prentuð var á íslensku. Það var Nýja testamentið þýtt af Oddi Gottskálkssyni og prentað 1540. Brynjólfur Sveinsson (biskup 1639-1674) var mikill unnandi íslenskra fræða og safnaði dýrmætum handritum og sendi þau konungi til Kaupmannahafnar, sem þá var höfuðborg Íslands. Annar Skálholtsbiskup varð frægur fyrir fræðistörf sín, Finnur Jónsson sem skrifaði Kirkjusögu Íslands í fjórum miklum bindum, hið gagnmerkasta sagnfræðirit. Í Skálholti sat á þriðja áratug Jón Vídalín sem talinn er hafa verið einn mestur og mælskastur kennimanna á Íslandi fyrr og síðar.

Í Skálholti voru um aldir mikil fræðistörf unnin. Þar var prentsmiðja um skeið á seinni hluta 17. aldar og í henni fyrst fornrit prentuð á Íslandi. Í Skálholti var unnið að fyrstu bókinni sem prentuð var á íslensku. Það var Nýja testamentið þýtt af Oddi Gottskálkssyni og prentað 1540. Brynjólfur Sveinsson (biskup 1639-1674) var mikill unnandi íslenskra fræða og safnaði dýrmætum handritum og sendi þau konungi til Kaupmannahafnar, sem þá var höfuðborg Íslands. Annar Skálholtsbiskup varð frægur fyrir fræðistörf sín, Finnur Jónsson sem skrifaði Kirkjusögu Íslands í fjórum miklum bindum, hið gagnmerkasta sagnfræðirit. Í Skálholti sat á þriðja áratug Jón Vídalín sem talinn er hafa verið einn mestur og mælskastur kennimanna á Íslandi fyrr og síðar.

Náttúra
14.28 km
Brúará

Mikil bergvatnsá er rennur á mörkum Biskupstungna annars vegar og Laugardals og Grímsness hins vegar og fellur í Hvítá nokkru fyrir neðan Skálholt, vestan Vörðufells. Brúará kemur upp á Rótasandi en aðalupptökin eru þó í djúpu gljúfri milli Högnhöfða og Rauðafells. Þar heita Brúarárskörð. Fossar vatn víða úr gljúfurveggjunum niður í ána. Á löngu svæði liggur mjó og djúp gjá eftir miðri ánni. Tekur hún mestallt vatnið. Gjáin er mynduð við það að áin hefur grafið skessukatla í árbotninn og katlarnir étið sig hver inn í annan í keðju og myndað þannig samfellt gljúfur. Fyrrum var sett trébrú yfir gjána og rann þá vatn við báða enda hennar. Var þá vaðið um hrægrunnt vatn að brúnni beggja vegna. Þrír fossar eru í Brúará en ekki sérlega háir. Efstur þeirra er Brúarfoss þar sem áin steypist niður í gjána. Þrjár brýr eru nú yfir Brúará: hjá Spóastöðum í Biskupstungum, byggð 1967, Efstadal í Laugardalshreppi, byggð 1966 og sú þriðja, byggð 1961 rétt fyrir neðan Brúarfoss , er á hinum svokallaða Kóngsvegi, milli Efstadals í Laugardal og Úthlíðar í Biskupstungum, skammt frá sumarhúsahverfinu í Brekkuskógi. Þessi brú er eingöngu fyrir skepnur og gangandi fólk. Þar sem hún er lá áður steinbogi yfir Brúará. Í Brúará hjá Spóastöðum var einum Skálholtsbiskupa, Jóni Gerrekssyni, drekkt. Jón var biskup í Skálholti á fyrri hluta 15. aldar. Hann var óþokkamenni og þegar bændur voru búnir að fá sig fullsadda á yfirgangi og óknyttum hans og manna hans stungu þeir honum í poka og færðu hann í Brúará 20. júlí 1433. Rennsli árinnar er mjög jafnt, 50-80 m³/s árið um kring, mælt fyrir neðan Hagaós. Þar hefur mesta flóð mælst 300 m³/s.

Suðurland

Þéttbýliskjarnar

Á Suðurlandi eru allmargir þéttbýlisstaðir, hver með sínu sniði og sjarma og allir bjóða upp á einhverskonar afþreyingu. Selfoss er þeirra stærstur og þar má finna ýmsar verslanir, þjónustu og marga veitinga- og skyndibitastaði. Flestir bæir eru í alfaraleið og því bæði hentugt og skemmtilegt að eiga þar viðdvöl.

Skoða meira

Map Höfn Kirkjubæjarklaustur Vík Vestmannaeyjar Hvolsvöllur Flúðir Laugarvatn Reykholt Laugarás Borg Brautarholt Hveragerði Árnes Selfoss Hella Stokkseyri Eyrarbakki Þykkvibær Þórlákshöfn