Leita
Finnur þú það ekki? Prófaðu leitina :)

Fjölskylduferð í Rangárþing ytra

fjolskylda_rangytra.jpg
Fjölskylduferð í Rangárþing ytra

Rangárþing ytra hefur margt upp á að bjóða fyrir fjölskylduna. Í sveitarfélaginu er að finna ýmsa afþreyingu fyrir fjölskyldur, gistingu, veitingar og margt fleira. Hvort sem um er að ræða stutt stopp, dagsferð eða dvöl til lengri tíma þá er alltaf gaman að stoppa á Hellu.

Gisting:

gisting á hótelum, gistiheimilum, sumarbústöðum, veiðiskálum og tjaldsvæðum. 

Afþreying:

  • Frisbígólf 
  • Golf 
  • Sund – Hellu og Laugalandi 
  • Hestaleigur 
  • Hellaskoðanir  
  • Buggyferðir 
  • Veiði 
  • Fjöruferð í Þykkvabæ

Áhugaverðir staðir: 
Hekla, Landmannalaugar, hellar sem gaman er að skoða með fjölskyldunni og margt fleira. Á Hellu er að finna sundlaug sem hefur að geyma skemmtilegar rennibrautir og busllaug fyrir börnin. Einnig er frisbígolfvöllur í bænum og hægt að fá lánaða diska í íþróttahúsinu.

Matur:
Veitingastaðir, bakarí, skyndibiti, kjöt- og fiskverslun – gott beint á grillið!

Endilega kynntu þér Rangárþing ytra enn betur og njóttu dvalarinnar með fjölskyldunni: 

Hella og nágrenni

Visit Hella

Velkomin í Rangárþing ytra. Eitt af landfræðilega stærstu sveitarfélögum landsins og telum rúmlega 1.600 íbúa. Sveitarfélagið er eitt þriggja sveitarfélaga í Rangárvallasýslu, en sýslan liggur um miðbik Suðurlands og þar er að finna einstök náttúrugæði, hvort sem er á láglendi eða hálendi. 

Gosbeltið liggur þvert um sveitarfélagið og þar er að finna eitt virkasta eldfjall Íslands, Heklu sem er í 1.491 m.y.s. og hefur á síðustu eitt hundrað árum gosið sex sinnum, árin 1947, 1970, 1980, 1981, 1991 og 2000. Nokkurn jarðhita má finna í Rangárþingi ytra, ekki síst Torfajökulssvæðið sem er eitt mesta jarðhitasvæði Íslands.

Veiðivötn eru á Landmannaafrétti og þangað sækja árlega þúsundir veiðimanna í stangveiði og vötnin afar gjöful af bleikju og urriða, en fiskirækt í Veiðivötnum er í höndum Veiðifélags Landmannaafréttar.

Margar vinsælar gönguleiðir má finna í Rangárþingi ytra, Laugavegurinn þeirra þekktastur, önnur leið, minnaþekkt er Hellismannaleið. Báðar virkilega áhugaverðar.

Í Rangárþingi ytra má finna alla almenna þjónustu og er þjónustustigið afar hátt. Þar eru tveir leikskólar og tveir grunnskólar, heilsugæsla, tvær sundlaugar, verslanir, banki, bifreiðaverkstæði, og hjúkrunar- og dvalarheimili, svo eitthvað sé nefnt.

Íslenski hesturinn er í öndvegi í Rangárþingi ytra og er gríðarlega mikil afþreying honum tengd. Önnur afþreying eru söfn og sýningar, Buggy ferðir, jeppaferðir, snjóbílaferðir og svo mætti lengi telja.

Nánari upplýsingar um þetta allt saman er einmitt að finna hér á síðunni.

 

Suðurland

Þéttbýliskjarnar

Á Suðurlandi eru allmargir þéttbýlisstaðir, hver með sínu sniði og sjarma og allir bjóða upp á einhverskonar afþreyingu. Selfoss er þeirra stærstur og þar má finna ýmsar verslanir, þjónustu og marga veitinga- og skyndibitastaði. Flestir bæir eru í alfaraleið og því bæði hentugt og skemmtilegt að eiga þar viðdvöl.

Skoða meira

Map Höfn Kirkjubæjarklaustur Vík Vestmannaeyjar Hvolsvöllur Flúðir Laugarvatn Reykholt Laugarás Borg Brautarholt Hveragerði Árnes Selfoss Hella Stokkseyri Eyrarbakki Þykkvibær Þórlákshöfn