Guðbjörg R. Jóhannesdóttir og Auður Hildur Hákonardóttir hittast á Svavarssafni og ræða sýninguna Hús Kveðja og samhengi hennar. Viðburðurinn er í samstarfi við Byggðasafn Austur-Skaftafellssýslu, sem lánar muni á viðburðinn.
Guðbjörg er lektor við listaháskóla Íslands og doktor í umhverfisheimspeki. Hún hefur skrifað mikið um skynjaða þekkingu og fagurfræði/fagurferði náttúrunnar.
Auður Hildur Hákonardóttir er myndvefari og rithöfundur, hún starfaði með SÚM hópnum, var forstöðumaður byggða- og listasafns Árnesinga, hefur þýtt, gefið út og tekið þátt í fjölmörgum sýningum.
Viðburðurinn fer fram á íslensku.