Upplifðu Suðurland

Baðlónin á Suðurlandi: böð, matur og umhverfi

Mon, 19 Oct 2026 13:06:00 +0000

Jarðhiti á Suðurlandi á sér langa sögu til baða og slökunar. Gamla laugin á Flúðum, elsta sundlaug landsins, var gerð árið 1891 og á Laugarvatni hefur gufubað verið nýtt yfir sjóðandi hver síðan um 1930. Á síðustu árum hefur þessi menning hins vegar tekið stórt stökk. Fjölmörg ný baðlón af öllum stærðum og gerðum hafa litið dagsins ljós, þar sem heit lón, gufuböð, kaldir pottar og hágæða veitingastaðir renna saman í eina heildræna vellíðunarupplifun fyrir gesti.

Opnað fyrir skráningar á Mannamót 2027

Fri, 09 Oct 2026 13:14:00 +0000

Nú hefur verið opnað fyrir skráningar á Mannamót Markaðsstofa landshlutanna, sem verða haldin í Kórnum í Kópavogi fimmtudaginn 28. janúar 2027.

Menntamorgunn Ferðaþjónustunnar: Hvernig höldum við í gott fólk?

Fri, 09 Oct 2026 11:23:00 +0000

Menntamorgnar ferðaþjónustunnar fara nú aftur í gang með lækkandi sól en þeir eru opnir og ókeypis fræðsluviðburðir fyrir starfsfólk og stjórnendur í ferðaþjónustu í boði Hæfniseturs ferðaþjónustunnar, Samtaka ferðaþjónustunnar og Markaðsstofa landshlutanna.

Styrkir til uppbyggingar – umsóknarfrestir í október

Tue, 06 Oct 2026 09:53:00 +0000

Nú er tíminn til að sækja um styrki. Tveir sjóðir sem gegna lykilhlutverki fyrir ferðaþjónustu á Suðurlandi hafa umsóknarfrest í október:

Auglýst eftir umsóknum í Framkvæmdasjóð ferðamannastaða

Wed, 30 Sep 2026 12:40:00 +0000

Framkvæmdasjóður ferðamannastaða auglýsir hér með eftir umsóknum um styrki fyrir árið 2027. Umsóknarfrestur er til kl. 13 þann 27. október 2026 en umsóknir sem berast eftir þann tíma verða ekki teknar til greina.

Markaðsstofa Suðurlands tók þátt í Vestnorden í Nuuk í Grænlandi

Mon, 28 Sep 2026 10:18:00 +0000

Jelena Ohm, formaður stjórnar Markaðsstofu Suðurlands, fór fyrir hönd Markaðsstofunnar á ferðaráðstefnuna Vestnorden sem að þessu sinni var haldin í Nuuk í Grænlandi. Vestnorden er haldin til skiptis á Íslandi, í Færeyjum og á Grænlandi á vegum NATA...

Uppspretta Suðurlands 6.-7. nóvember 2026

Mon, 21 Sep 2026 14:16:00 +0000

Dagana 6.–7. nóvember verður Uppspretta – hátíð atvinnulífs og nýsköpunar á Suðurlandi – haldin í Horseday-höllinni í Ölfusi í fyrsta skipti.

Reykjaböð - Nýtt baðlón opnað í Reykjadal.

Mon, 14 Sep 2026 14:12:00 +0000

Ný náttúruperla hefur bæst í flóru baðstaða á Suðurlandi en Reykjaböð í Reykjadal hafa nú tekið á móti sínum fyrstu gestum. Staðurinn er hannaður í anda íslenskrar baðmenningar og fellur einstaklega vel að umhverfi sínu, með stórbrotið landslag Reykjadals og kraumandi jarðhita allt um kring.

Laugarvatn Fontana opnað eftir endurbætur

Mon, 14 Sep 2026 14:01:00 +0000

Fontana á Laugarvatni hefur opnað dyr sínar á ný eftir umfangsmiklar endurbætur. Staðurinn hefur um árabil verið einn vinsælasti áningarstaður á Suðurlandi, enda sameinar hann jarðhitalón, gufuböð og fallegt umhverfi við bakka Laugarvatns í eina heild. Með endurbótunum fá gestir nú enn betri umgjörð til að njóta þess sem Fontana hefur upp á að bjóða.

Hæfnisetur ferðaþjónustunnar býður fyrirtækjum á Suðurlandi í samtal

Thu, 10 Sep 2026 10:33:00 +0000

Í október verður Hæfnisetur ferðaþjónustunnar á ferð um Suðurland og býður fyrirtækjum í ferðaþjónustu að fá heimsókn þar sem kynntar verða hagnýtar lausnir og verkfæri sem styðja við uppbyggingu mannauðs, fræðslu og starfsþróun.

Almyrkvinn 2026. Hvar finn ég upplýsingar?

Fri, 07 Aug 2026 09:38:00 +0000

Almyrkvinn er einstakur náttúruatburður sem verður sýnilegur frá Vestfjörðum, Snæfellsnesi og Vesturlandi, höfuðborgarsvæðinu og Reykjanesskaga. Annars staðar á landinu verður djúpur deildarmyrkvi, þar sem skuggi tunglsins gengur að miklum hluta til fyrir sólina. Á Suðurlandi mun tunglið til að mynda hylja á milli 96-99,9% sólarinnar eftir því hvaðan er horft til himins þegar myrkvinn nær hámarki. Með góðum undirbúningi, samræmdri upplýsingagjöf og góðri samvinnu getum við skapað örugga og eftirminnilega upplifun fyrir íbúa og gesti sem vilja upplifa atburðinn.

Varasamar aðstæður við Sólheimajökul

Thu, 23 Jul 2026 11:10:00 +0000

Veðurstofa Íslands varar við hættulegum aðstæðum við sporð Sólheimajökuls eftir miklar breytingar á svæðinu undanfarna daga og vikur. Lítið jökullón hefur myndast austan við jökulsporðinn og íshaft sem tengir ströndina við jökulinn hefur þynnst verulega og er orðið óstöðugt.

Aðalfundur Markaðsstofu Suðurlands 2026 haldinn á Hellu

Tue, 23 Jun 2026 09:40:00 +0000

Aðalfundur Markaðsstofu Suðurlands (MSS) 2026 var haldinn á Stracta Hotel Hellu þann 7. maí síðastliðinn. Fundurinn var vel sóttur þrátt fyrir að samgöngumál hefðu haft áhrif á að ekki reyndist mögulegt að halda fundinn í Vestmannaeyjum líkt og upphaflega stóð til. Sveinn Hreiðar Jensson, formaður stjórnar, setti fundinn og bauð gesti velkomna. Lagði hann til að Ingunn Jónsdóttir, framkvæmdastjóri SASS, yrði kjörin fundarstjóri og Árdís Erna Halldórsdóttir verkefnastjóri MSS fundarritari. Var það samþykkt samhljóða.

Suðurland kynnt á vinnustofum í Kanada

Mon, 22 Jun 2026 16:29:00 +0000

Í byrjun júní fórum fram þrjár vinnustofur í Kanada á vegum Íslandsstofu en þær voru haldnar í Toronto, Montreal og Vancouver. Á vinnustofunum var íslensk ferðaþjónusta kynnt þarlendum söluaðilum og ferðaskrifstofum af 17 íslenskum ferðaþjónustufyrirtækjum, 4 Markaðsstofum og Íslandsstofu.

Vegalokanir vegna stórtónleika á Þingvöllum 20. júní.

Thu, 18 Jun 2026 12:25:00 +0000

Vegna fyrirhugaðra tónleika þann 20. júní næstkomandi í þjóðgarðinum á Þingvöllum hefur lögreglan farið fram á tímabundnar vegalokanir frá kl. 15:00 á öllum helstu vegum sem liggja að og í gegnum þjóðgarðinn. Takmarkanir verða settar á: að vestan við Grafningsafleggjara, við Miðfell að austanverðu og norðan við Þingvelli á Uxarhryggjarvegi á tímabilinu frá kl. 15:00 til miðnættis.

Almyrkvi - Þriðji kynningarfundur 10.júní á Teams

Fri, 05 Jun 2026 13:29:00 +0000

Þriðji fundur vegna almyrkvans verður haldinn þann 10.júní klukkan 13:00-14:15 á Teams. Sævar Helgi Bragason mun kynna almyrkvann og í kjölfarið verður upplýsingavefur stjórnvalda kynntur. Runólfur Þórhallsson yfirlögregluþjónn hjá almannavarnadeild ríkislögreglustjóra stýrir fundi.

Hvers virði er ferðaþjónusta í mínu sveitarfélagi?

Wed, 13 May 2026 11:19:00 +0000

Samtök ferðaþjónustunnar hafa að undanförnu aflað gagna um ferðaþjónustu frá Hagstofu Íslands og birt á vef sínum. Markaðsstofa Suðurlands hefur nýtt þessi gögn við að greina þróun og áhrif ferðaþjónustu á sunnlensk sveitarfélög. Sveitarfélög og framboð á Suðurlandi hafa fengið senda samantekt fyrir sitt sveitarfélag í von um að hún nýtist við stefnumótun og ákvarðanatöku í málefnum sem varða greinina.

Viðurkenningar fyrir Sprota ársins og Framlag ársins 2026

Tue, 12 May 2026 12:34:00 +0000

Markaðsstofa Suðurlands veitir árlega viðurkenningar fyrir Sprota ársins og Framlag ársins í ferðaþjónustu á Suðurlandi. Á aðalfundi Markaðsstofu Suðurlands, sem var haldinn þann 7 maí s.l. á Stracta Hóteli á Hellu, voru þessar viðurkenningar veittar til fyrirtækja í greininni.

Rúmlega 178 milljónir til innviða á ferðamannastöðum á Suðurlandi

Mon, 04 May 2026 09:11:00 +0000

Fimm verkefni á Suðurlandi hlutu samtals 178.567.403 krónur úr Framkvæmdasjóði ferðamannastaða fyrir árið 2026. Úthlutunin er hluti af nær 490 milljóna króna styrkveitingu til 18 verkefna um land allt þar sem sérstök áhersla var lögð á öryggi ferðamanna á fjölsóttum ferðamannastöðum.

Morgunfundur Markaðsstofu Suðurlands: Er vefurinn klár fyrir bottana?

Mon, 06 Apr 2026 00:00:00 +0000

Markaðsstofa Suðurlands heldur reglulega rafræna morgunfundi fyrir sína samstarfsaðila sem hafa jafnan verið vel sóttir. Síðasti fundur var haldinn þann 31. mars og mættu þá um 40 manns til að hlýða á Guðbjörgu Guðmundsdóttur, efnishönnuð hjá Stefnu, halda fræðsluerindi um gerð vandaðs vefefnis fyrir gervigreindina.