Föstudaginn 31. ágúst næstkomandi fer Flóamótið í frjálsum íþróttum
fram á íþróttavellinum við Þjórsárver. Mótið hefst að lokinni kennslu í
Flóaskóla. Verður nánar auglýst síðar í skólanum.
Ungmennfélögin Baldur, Samhygð og Vaka standa fyrir mótinu og er öllum
börnum á grunnskólaaldri í Flóahreppi boðið að taka þátt og spreyta sig í
fjölbreyttri og skemmtilegri keppni.
Keppt mun verða í eftirfarandi greinum:
1.-4. bekkur: 60 m hlaup, langstökk, 400 m hlaup.
5.-7. bekkur: 60 m hlaup, langstökk, kúluvarp, 400 m hlaup.
8.-10. bekkur: 100 m hlaup, langstökk, kúluvarp, 800 m hlaup.
Foreldrar eru hvattir til að fylgja börnum sínum á mótið, þeim til
stuðnings og hvatningar. Sérstaklega er þess óskað að foreldrar barna
í 1. - 4. bekk fylgi sínum börnum eftir. Börnin taka þátt í mótinu á
ábyrgð foreldra sinna ekki ungmennafélaganna.
Að keppni lokinni verður öllum keppendum veitt viðurkenning fyrir
þátttökuna auk þess sem boðið verður upp á hressingu.
Ungmennafélögin