Harpa Jónsdóttir sýnir þessa dagana listútsaum í Bókasafni Árborgar á Selfossi. Harpa er búsett í Vík, þar sem hún skrifar bækur, tekur myndir og sinnir handverki og prjónahönnun. Harpa hefur unnið til alþjóðlegra verðlauna fyrir útsaumaða húfu og sú húfa er til sýnis á sýningunni.
Sýningin er opin á opnunartíma safnsins, virka daga frá 10 - 19 og laugardaga frá 10 - 14. Sýningin nefnist Foldarskart og á henni eru bæði ný og eldri verk. Aðgangur er ókeypis og allir velkomnir.