Í tengslum við útgáfu
stóðhestablaðs Eiðfaxa mun
Eiðfaxi ásamt Hestamannafélaginu
Sleipni á Selfossi
standa fyrir stóðhestadegi að
Brávöllum á Selfossi laugardaginn
28. apríl. Allir þeir hestar
sem eru með í stóðhestablaði
Eiðfaxa eiga rétt á þátttöku á
hátíðinni en þar mun fara fram
kynning á ungum sem eldri
stóðhestum á beinni braut, í
anda sýninga stóðhestastöðvarinnar
Gunnarsholts forðum. Það
var fyrsta sýning vorsins
utandyra og það muna margir
eftir þeirri vorstemmningu sem
þar var enda kom fólk allstaðar
af landinu til að sjá marga af
fremstu stóðhestum þess tíma.
Stóðhestadagur var haldinn árin
2006-2007 í Halakoti og
Langholti í Hraungerðishreppi
hinum forna og myndaðist þar
mikil stemmning. Þar komu
fram í fyrsta sinn stóðhestar eins
og Kvistur frá Skagaströnd,
Tenór frá Túnsbergi, Örn frá
Efri-Gegnishólum, Glóðafeykir
frá Halakoti og Hnokki frá
Fellskoti sem síðar hafa skipað
sér í fremstu röð stóðhesta, en
Hnokki varð m.a. heimsmeistari
í tölti á síðasta heimsmeistaramóti.
Ekki þótti aðgengi
áhorfenda nógu gott þar enda
ekki gert ráð fyrir sýningum af
þessu tagi þar, en á Selfossi
getur mótssvæðið tekið á móti
hundruðum áhorfenda enda eitt
besta mótssvæði landsins í dag.
Aðgangur verður ókeypis. Allar
nánari upplýsingar veitir Óðinn
Örn í póstfanginu odinn@
eidfaxi.is.
F.h. Sleipnis og Eiðfaxa,
Óðinn Örn Jóhannsson